MGA DAHELAN NIN PAGKAMATAGAL - PSB 5

Pag-adal sa Bibliya Bilang 5

Teksto: Hebreo 10:32-39 (Mga dahelan nin Pagpapakatagal)

Enero 4, 1998

TEKSTO	PARALLEL NA SITAS	MAYOR NA SITAS	TEKSTO	NOTASYON
Para duman sa mga tawong dinara n asa liwanag, asin nakanamit na kan balaog nin langit, asin nag-ako nin kahirasan sa Espiritu Santo, asin inako an marhay na mensahe nin Dios asin an mga kapangyarihan kan kinaban na maabot... An Dios dai matugot na lingawan an gabos na ginibo nindo, an pagkamoot nindo para sa saiyang ngaran o mga serbisyong ginibo nindo, na ginigibo pa nindong padagos para sa mga santo e. Alagad arin man na naibiklad sa ilaw maliliwanagan, asin arin man na naliwanagan magigin ilaw b. Kaya ini an sabi c: mag-mata sa pagkaturog, magbangon sa gadan, asin si Cristo mabanaag diyan saindo d. Alagad sa panahon ko embes ibinugtak nin Dios kitang mga apóstol sa hurihan kan saiyang parada, kaiba kan mg atawong sentensyado sa kagadanan; totoo – biniklad kita tanganing iparada sa atubangan kan bilog na universo, mga anghel man o mga tawo.	6:4,10 10:32+ Ep. 5:14 Rm. 5:5+ 10:32-34 Ep. 1:15p   Ep. 5:14 Jn. 3:20-21 Is. 26:19; 60:1 Heb. 6:4; 10:32 1 Co. 4:9 2 Co. 4:8-12 6:4-10 11:23-33 2 Tim. 3:10-11	Heb. 10: 32   33	Giromdoma an mga kasakitan na nanabatan nindo pagkatapus na inako nindo an liwanag d, kan enot na mga aldaw; Kun minsan  binibiklad kamo mismo sa publiko tanganing insultuhon asin pagraoton, asin kun minsan kaiba an ibang pinagmaltratar man sa parehong paagi.	d An ‘gaweng pagpapaliwanag’ (pagpaintyende o ‘enlightenment’) o uiluminasyon’ sa Bagong Tipan, siring man sa mga patristikong parasurat, minatukdo sa bautismo, 6:2,4; Ep. 5:14 (Hil. Rm. 6:4+). e Ining kaputol na tataramon parehong  ginamit, Rm. 15:25,31; 2 Co. 8:4; 9:1,12, dapit kaidtong koleksyon para sa iglesia sa Jerusalem.  An gabos na kristyano iyo an ‘mga santo’, alagad espesyalmente an mga miyembro kan Inang Iglesia sa Jerusalem asin sa particular sa mga apóstoles, Hilnga 9:13+.
Romdoma nindo idtong mga nasa bilanggoan, na garo baga kaiba kamo ninda sa prisohan; asin idtong mga minamaltratar nin huli ta kamo man nasa sarong hawak. Paladan kamo kun inaabuso kamo nin mga tawo asin pinipersegir asin pinapakaraot huli sako…kun dinadara kamo sa husgado tanganing kuahon an alikboy nindo m, itao pa nindo an saindong bado.   Alagad magtipon kamo nin kayamanan sa langit, kun saen mayo nin kulagbaw o bokbok an maraot asin mayong parahabon an makakasalakat asin makakahabon.	13:3 10:34 Mt. 25:36 Mt. 5:11,40 Kad. 2:16 Gibo 5:41 Mt. 23:34 Ph. 1:29 Col. 1:24 Heb. 10:34 Jm. 1:2 Mt. 6:20	34	Nin huli ta dai lamang kamo minahiras kan mga kasakitan kaidtong nasa bilanggoan e, kundi maogmang inako nindo na hubaan kamo kan gabos nindong pagsuro-sadiri, huli ta aram nindong igwa kamo nin sarong bagay na mas marhay asin nagdadanay.	eAn iba ‘nin sakong mga kadena’, na minatukdo sa pagkakabilanggo ni Pablo, Ph. 1:7; Col. 4:18.
Kun makatagal kamo, makakamtan nindo an buhay na daing katapusan.	Lk. 21:19	35	Magmasarig kamo ngonian, kun siring, ta an saindong balos dakulaon na marhay.
Pinakusog ninda an boot kan mga paratubod; sinadol sinda na magdanay napusog sa pagtubod. Sinabihan paninda an mga disipulos na dakul na sakit an aagihan ninda bago sinda mapabilang sa mga tawong pighahadean nin Dios.   Pinatanidan mi kamo kan yaon pa kami diyan saindo na dapat laomon nindo an mga persekusyon na maabot na nangyari na ngani ngonian, siring sa nadiskubre nindo.	Gibo 14:22+ Rm. 1:11 1 Th. 3:2,13 Lk. 22:32 Gibo 15:32,41 18:23 11:23; 13:43 Mt. 10:22; 24:13 Rm. 5:3-4 1 Th. 1:4 2 Tim. 2:12; 3:12 Heb. 10:36 1 Th. 3:4	36	Kaipuhan na makatagal kamo sa paggibo kan kabotan nin Dios tanganing makamtan an ipinanuga niya.
Lumaog kamo sa kwarto, banwaan ko, sa likod nindo baratan an mga pintoan, magtago sa kadikit na panahon sagkod na makaagi an kaanggotan. Kun magpoon nang mangyari an mga bagay na ini, magtindog na tanos, iitaas an saindong mga payo, huli ta an kaligtasan nindo harani na f.	Is. 26:20 LXX Mt. 6:6 Jb. 14:13-15 Heb. 10:37 Lk. 21:28	37	Kadikit na lang na panahon ngonian, talagang dikit na lang, asin ining saro na maabot uminabot na; dai siya mag-aabala.	c an bisyon igwa nin sadiring enerhiya, huli ta ini sarong ekspresyon nin sarong sagradong tataramon, nagpapasiring sa saiyang kaotoban, Hil. Is. 55:10-11. f o ‘an paratubos’, sarong termino ni Pablo, Hilnga Rm. 3:24+.
Nin huli ta an bisyon na ini para sa saiyang panahon lamang b; nagmamadali sa sadiring kaotoban c, dai siya nagdadaya; kun garo siya minaabala, maghalat, huli ta iyan madatong na segurado. Hilnga kun paano siya nanlupaypay d, siya na an kalag na mayo sa tama, alagad an matanos mabubuhay sa saiyang pagtubod e. Huli ta iyo ini an minapahayag kan hustisya l nin Dios sato; ipinapahiling kaini kun paano an pagtubod minadara sa pagtubod m, o siring sa sinasabi sa kasuratan: An  matanos na tawo nakakakua nin buhay huli sa pagtubod.	Hab. 2:3-4   Rm. 1:17 Hab. 2:4 Gn. 3:11 Heb. 10:38	38	An matanos na tawo mabubuhay sa pagtubod alagad kun sumibog siya, an sakong kalag dai maoogma saiya.	b Kaya an pagboot naisurat. An bisyon maootob ‘sa saiyang tamang oras’, Hilnga Dn. 8:19,26; 10:14; 11:27,35; an dokumentong nakasurat minapangako kan tataramon ni YHWH na ootobon iyan sa tamang panahon, Hil. 2 P. 3:2, asin matindog ngapit bilang saiyang sadiring saksi na tama siya, Hil. Is. 8:1,3, 30:8. c Nasa itaas na parte. d Hilnga an Tamang Pagtubod. lbako an ‘hustisyang distributiba’ (balos para sa mga gibo) kundi an nagliligtas na hustisya (Hilnga Is. 56:1) nin Dios, 3:26, na minaotob kan saiyang panuga na magligtas na nagtatao nin kaligtasan bilang libreng balaog. mSeguro an ekspresyon na ini nangangahulugan na an pagtubod sarong kaipuhan na kondisyon tanganing maseguro an kaligtasan na ini.
An saindong pagkamatagal iyo an malugtas kan saindong buhay. Asin nakakaseguro kamo kan ultimo na linalaom kan saindong pagtubod, na iyo an kaligtasan kan saindong kalag.	Lk. 21:19 1 P. 1:9	39	Kamo asin ako an klase nin mga tawo na dai minasibog, asin nawawara sa paagi kaiyan; kita iyo an klase na nagmamaimbod sagkod na makaligtas an satuyang kalag.

DOKTRINA SA HEBREO 10:32-39

(Mga dahela nin Pagpapakatagal)

1.       An pinakadahelan nin pagpapakatagal (endurance), sosog sa surat sa mga Hebreo, iyo an kaligtasan kan satong kalag (v. 39). Dapat maromdoman nyato na, sa katukdoan ni Pablo, an tawo binibilog kan tolong dibisyon nin espíritu (hinangos), kalag (rason o isip), asin hawak (laman), 1 Tes. 5:23. Aram ta man padagos na, sa pagkagadan nin tawo, an parteng hwak o laman iyo an mabalik sa daga asin magigin alpog, o kabo-kabo, huli ta sa kabo-kabo ini guminikan (Gn. 2:7). Alagad an espíritu, an hinangos nin Dios, iyo an mabalik sa Dios na iyo an kagtao kaiyan (Qo. 12:7). Alagad sa pagkagadan nin tawo, mapapasaen an kalag? An kalag na iyo an isip, o rason (nous), nin tawo (Rm. 7:25), kun siring, iyo an nangangaipong mailigtas sa kagadanan. An sabi ni Job iyo na an kadonongan kan isip nin tawo magagadan man sa pagkagadan niya (Jb. 12:1; 14:10-12). Para sa Bibliya, an linalaom na kaligtasan nin tawo iyo an para sa kalag: “Magbalik ka, YHWH, sapoda an sakong kalag, ligtasan ano kun namomoot ka sako (Salmo 6:4+); “Tinubos an sakong kalag sa kotkot (Salmo 103:4; Ex. 15:20, Is. 38:17); YHWH, ilinigtas mo an sakong kalag sa Sheol (Sal. 30:3; Jon. 2:7-10). Kun siring, an kalag iyo an minahalat kan tabang nin Dios (Salmo 33:20, 22), “Sagkod na sabihon ini ‘Ako an saimong kaligtasan” (Salmo 35:5), asin kuahon in isa saiyang mga kamot (Qo. 9:1+; Salmo 49:15+).

2.       Paano ililigtas nin Dios an kalag nin tawo? Sosog sa surat sa mga Hebreo, ini nangyayari kun an isip nin tawo ‘naliliwanagan’ (‘enlightened’ o ‘illuminated’), v. 32 (Hb. 6:4,10; Ep. 5:14+) sa paagi kan mga katukdoan dapit sa pundamental na doktrina manonongod sa pagtalikod sa mga gibong gadan pasiring sa buhay na pagtubod sa Dios (6:1), asin sa mga katukdopan dapit sa mga ritwal nin paghugas, lustrasyon o pagpapaliwanag asin puripikasyon nin bautismo asin an pagdoon kan mga kamot, dangan an katukdoan dapit sa pagkabuhay-liwat sa mga gadan asin sa daing tapos na paghukom (6:2) pasiring sa kaligtasan kan kalag. An relasyon kan iluminasyon sa bautismo yaon sa pagigin bagong mundag (Jn. 3:1-21) nin sarong tawong nagin maati o naatian an pagkabuhay huli sa pagkabuhay sa laman (kamundohan) asin hinugasan sa tubig asin sa espíritu tanganing magin bagong tawo (Ep. 2:15), sarong perpektong tawo (Ep. 4:13+), na may bagong buhay (Rm. 6:4). Aram man nyato na an bagong mundag na tawo ibinabaing sa sarong maimbong asin mabanaag na liwanag na namumundag sa kinaban (hilnga an dapit sa bitoon na nagbutwa sa pagkamundag ni Jesukristo, Mt. 2:2,9; Lk. 2:8-14). Idtong kalag na naliwanagan, na nakanamit na kan mga balaog nin langit, nakahiras sa balog kan Espiritu Santo, asin nag-ako kan marhay na mensahe nin Dios asin an mga kapangyarihan dapit sa kinaban na maabot, dai matugot an Dios na lingawan an gabos nindang mga naginibo, an pagkamoot ninda para sa saiyang ngaran asin an mga serbisyong ginibo ninda para sa mg akapwa miyembro kan Iglesia (Hb. 6:4,10) kun sinda Magadan huli sa pagtubod. Sosog ki Pablo, “Alagad ini an sabi: Magmata sa pagkaturog, magbangon sa pagkagadan, asin si Cristo (an liwanag na gikan sa Ilaw) mabanaag diyan saindo” (Ep/ 5:14+).

3.       Kun an isip nin tawo maliwanag, an saiyang kalag maliwanag. Dai niya tatatuhon, o matatanyog, nin mga persekusyon (Mt. 5:11,40; 1 Ts. 3:4), mga kasakitan (v. 32) sa bilanggoan asin an mga pagmamaltratar (Hb. 13:3, 10:33) garong mga tawong sentensyado sa kagadanan (1 Co. 4:9), asin pinaghubaan kan gabos na pagsuro-sadiri (v. 34; Mt. 6:20), huli sa naaaraman nindang mas marhay asin nagdadanay na yaman (Mt. 6:20) asin ta mga dakulaon na balos an naghahalat sainda  (vv. 34-35). Kaya, dapat sindang magin matinios asin magmatagal sa paggibo kan kabotan in Dios nin huli ta sa kadikit na lang na panahon harani nang ootobon nin Dios an saiyang panuga (vv. 36-37; Lk. 21:28). An panugang ini iyo an kaligtasan kan satong mga kalag (v. 39; 1 P. 19), asin an buhay na daing katapusan (Lk. 21:19). Kun siring, dai magsibog (vv. 38-39) an sarong apostol (1 Co. 4:9) kundi pakusugon an mga paratubod asin sadulon sinda na magdanay na pusog sa pagtubod (Gibo 14:22+). An kalag na mayo sa tama nanlulupaypay (malaymay), alagad an matanos mabubuhay sa saiyang pagtubod (Hab. 2:4), yaon saiya an kaogmahan nin Dios (v. 38). Kaya, maghalat (Hab. 2:3), dai magluya (2 Thes. 3:13) o malangkag,  o magsibog (vv. 38-39), huli ta an pagkamatagal iyo an maligtas sa satong buhay (Lk. 21:19).

***