EKSPERYENSYA KAN MGA TAWO - Ebanghelisasyon

EKSPERYENSIYA KAN MGA TAWO

Tano ta kaipuhan tang gumibo kan Selebrasyon kan Penitensya? Kawasa ta nahiling ta na an gabos tanga ginibo sa buhay, sosog sa enot sagkod sa huring katekesis, anas gabos sala, paltos asin palso.

Siring kun sala an nadotodot ta sa “Computer”, an telon masabi sa sato na “ERROR, ERROR, error” o sa Bikol, ‘SALA, SALA, SALA”. Alagad kun tama an nadotdot  ta, an kompyuter masunod sa ipinapagibo ta diyan. An isip kan tawo, siring man nanggad sa sarong kompyuter. Kun sala an isinasabi ta diyan, sala man an gigibuhon nin sarong tawo. Alagad kun tama an sinasabi ta diyan, tama man an maluwas na gibo. Tano ta sala an ibinubugtak nyato sa satong isip? Saen kita minakua nin tamang isasabi o imamanda sa satong isip?

Sa Bibliya, kun saen nakasurat an gabos na marhay na gibo na dapat na gibuhon kan tawo na itinutukdo o inaadal nin Dios sa tawo. Kun makua kita sa ibang parte o lugar na bakong sa Bibliya, mahihiling nyato na an gabos na gibo ta sala sa Dios. Kaya sinasabi nyato na an isip nin tawo maribayan kan isip ni Jesukristo na iyo man sana an tawo na nakasunod sa kabotan nin Dios. An satong isip magigin isip ni Kristo kun toom ta na an gabos na saway, pina, pagboot, sin kagustuhan nin Dios na nakasurat gabos sa Bibliya. Kaya iyan an dapat nyatong gibuhon, toomon an Bibliya. Bako kita an magibo kaiyan kundi an Dios iyo an masurat sa satong isip kan gabos na pagboot niya, siring sa sinabi ni Profeta Jeremias, “Sa irarom ninda itatanom ko an sakong Tugon, isusurat ko iyan sa saindong mga puso. Dangan ako magigin saindang Dios asi sinda magigin sakong banwaan” (Jer. 31:33).

Kaya, maski mahiling nyato na kita sala sa satong mga gibo, dai kita madisganar kundi magpadagos nn pag-adal kan Bibliya huli ta iyan an paagi na isinusurat nin Dios an saiyang mga Taugon sa satuyang mga puso.