Inapod Kita Nin Dios Na Maghiras Kan Saiyang Kamurawayan - PSB 9

Pag-adal sa Biblia Bilang 9

Teksto: Rm. 8:28-39 (Inapod Kita Nin Dios Na Maghiras Kan Saiyang Kamurawayan)

Enero 29, 1998

TEKSTO	PARALLEL NA SITAS	MAYOR NA SITAS	TEKSTO	NOTASYON
An Plano nin Dios para sa satong kaligtasan. Sa kagustuhan nin Dios, an karatan na plinano nindong gibuhon sako binirik na magin marhay tanganing darahon niya, na totoo man nanggad na ginibo niya, na palibrehon an sarong dakulang banwaan. Mga tugang, pirme kamong magkakaigwa sa saindo nin mga pagbalo alagad hinongaon na trataron sinda na maogmang pribelihiyo kun sinda dumatong.	Ep. 4:4-14 Gn. 50:20 Rm. 12:19 8:28 Ph. 1:12 Stgo. 1:2 Mt. 5:11+ 1 P. 4:13-14 Hb. 12:11 1 P. 1:6-7 Rm. 5:3-5	Rm. 8: 28	INAPOD KITA NIN DIOS NA MAGHIRAS KAN SAIYANG KAMURAWAYAN. Aram ta na an Dios minakooperar sag abos na namomoot saiya, sag abos na inapod niya sosog sa saiyang katuyuhan sa paagi nin  p pagbirik na magin marhay an lambing bagay.	p An iba (Vulg) ‘Aram ta na para sagabos na namomoot sa Dios an lambang bagay minaresulta sa marhay, para sagabos na saiyang inapod…’
Bago ka nahaman sa tulak midbid taka na e; bago ka imundag pinabanal taka na f; pinili taka nang magin profeta sa mga nasyon.’ Asin kitang inarog sa tawong daganon, iaarog ngapit sa tawong langitnon. Asin liliwaton ining satong makaherak-herak na mga hawak na magin kopya kan saiyang mamurawayon na hawak. Gigibuhon niya iyan sa parehong kapangyarihan na isasakop niya sa bilog na uniberso. Ngonian an Iglesia iyo an saiyang hawak, siya an payo f kaiyan. Mantang siya an kapinunan, siya an naenot na iminundag hale sa kagadanan, tanganing siya an magin enot sa anuman na bagay.	Jr. 1:5 Is. 49:1,5 Lk, 1:15 Jn. 10:36 Gibo 26:17 Ga. 1:15 Rm. 8:29 1 Co. 15:49 Rm. 8:29+ Ph. 3:21 Ph. 3:21 Col. 1:18 1:5,24 Ep. 1:22-23; 5:23m.	29	Sinda idtong pinili niya kaidto pang mga panahon na magin tunay na mga imahen kan saiyang Aki q, tanganing an saiyang Aki pwedeng magin matua sa dakul na tugang.	q Si Cristo, an imahen nin Dios sa antigong paglalang, Col. 1:15+, Hilnga Heb. 1:3+, uminabot na ngonian sa paagi nin bagong paglalang, 2 Co. 5:17+, tanganing ibalik sa tawong daog an banaag kan imahen n aiyan na pinadiklom kan kasalan, Gn. 1:26+; 3:22-24+, Rm. 5:12+. Ginigibo niya ini sa pagporma sa tawo na magin mas brilyanteng imahen kan sarong akin in Dios (Rm. 8:29); kaya, toltol na maroal na paghusgar ibabalik sa ‘bagong tawo’ (Col. 3:10+) asin man an saiyang deretso sa kamurawayan na naisakripisyo niya huli sa kasalan, Rm. 3:23+. An kamurawayan na yaon ki Cristo bilang deretso kan pagigin imahen siya nin Dios, 2 Co. 4:4, itinataong paluway-luway sa kristyano, 2 Co. 3:18, sagkod an mismong hawak niya mabadoan sa imahen kan ‘langitnon na tawo’, 1 Co. 15:49.
		30	Inapod niya idtong tinalaga niya para digdi; idtong mga inapod niya saiyang tinanos, asin idtong saiyang pinagin matanos ihiniras an saiyang kamurawayan r.	r An gabos na bagay itinalaga nin Dios para sa kamurawayan nin saiyang pinili; para digdi sinda inapod sa pagtubod asin tinanos huli sa bautismo; sa paging ini, pwedeng sabihon bilong antisipasyon na nabadoan na sinda.
	1 Co. 13:1+		SARONG HIMNO PARA SA PAGKAMOOT NIN DIOS
		31	Pagkatapus na sabihon ta ini, ano pa an ikakadagdag nyato? Kakampi nyato an Dios, siisay pa daw an makontra sato?
Kinua ni Abraham an kahoy na panggatong para sa tinotong na dolot, ipinapasan iyan ki Isaak, asin dar asa saiyang sadiring mga kamot an kalayo asina n kutsilyo. Dangan sindang duwa huminale na magkaiba. Sa ikaduwang beses hale sa langit an anghel ni YHWH inapod si Abraham, ‘Minasumpa ako sa sakong sadiri – ini si YHWHng nagtataram- huli ta ginibo mo ini, na dai mo isinayuma sako an saimong aking lalaki… Oho, namotan nin Dios na marhay an kinaban na ini n aitinao niya an saiyang iyo-iyong Aki, tanganing an siisay man na magtubod saiya dai mawara kundi magkaigwa nin buhay na daing kasagkoran. Iyo ini an pagkamoot na sinasabi ko: bakong an pagkamoot ta sa Dios, kundi an pagkamoot nin Dios para sato kan ipinadara niya an saiyang Aki na magin sakripisyo na minahale kan satong mga kasalan.	Rm. 5:6-11 Gn. 22:12,16 Jn. 19:17 Jn. 3:16 Gn. 22 Zc. 12:10 Mt. 21:37m Rm. 8:32 1 Jn. 4:9 2 Co. 5:14-21 1 Jn. 4:10 Dt. 7:8 Kad. 6:16 Rm. 8:31m Rm. 5:8 1 Jn. 2:2 Rm. 3:25+	32	Nin huli ta dai pinaligtas nin Dios an saiyang sadiring Aki, alagad itinao niya siya para sa pakinabang nyato gabos, makakaseguro kita na pagkatapus kan regaling iyan, na dai niya isasayuma an anuman na pwedeng ikatao niya.
An sakong bengador yaon na sa kataid ko. Siisay daw an ma-akusar kontra sako? Kun siring maiba kami sa korte. Siisay nagiisip na may kaso siya laban sako? Paraniha siya sako.	Is. 50:8 Rm. 8:31-33	33	Siisay daw an maakusar kaidtong pinili ni Dios?
An tawong ini, na sa tuyong intension asin enot pang pakaaram nin Dios ibinugtak siya sa saindong kapangyarihan o, saindong kinua asin itinao sa mga tawong nasa luwas kan Tugon p tanganing ipako sa krus. Ginadan nindo siya… Kaya an kasunod kaini iyo na an saiyang kapangyarihan sa pagligtas talagang segurado, huli ta buhay siya sagkod pa man na ipakimaherak an gabos na minadulok sa Dios sa paagi niya.	Gibo 2:23 4:10 1 Th. 2:15 Heb. 7:25 Rm. 8:34 1 Jn. 2:1 Apo. 1:18	34	Kun an Dios an mag-abswelto, makakapagkondenar daw an siisay man? Pwede daw si Jesucristo? Dai, bako lamang na siya nagadan para sato – nabuhay siya liwat, asin diyan sa toong kamot nin Dios siya nakatindog asin nakikimaherak para sato.	o An mga hula sa AT minapahiling kan diosnon na planong ini: Gibo 3:18, 4:28, 13:29; Hilnga 8:32-35, 9:22, 10:43, 17:2-3, 18:5,28; 16:22-23,27; 28:23, Lk. 18:31+, 22:22, 24:25-27,44. p An mga Romano sa kasong ini. An antigong kyregma minaakusar sa mga Judio  sa parehong paagi, asin hinampang sinda kan gibo nin Dios na nagbuhay-liwat ki Jesus, 2:32,36; 3:13-17, 4:10, 5:30-31, 7:52, 10:39-40, 13:27-30; 17:31, Hilnga Rm. 1:4+, 1 Th. 2:14+.
		35	Kun siring mayong makakapasuhay sato asin an pagkamoot ni Cristo maski kita napupurisaw o naghaahadit, o pinepersegir, o kulang sa pagkakan o sa gubing, o tinatakot o maski dinadaguso.
Tinutugotan mo kaming madara sa bunoan siring sa karnero, winarak mo kami sa mga nasyon; Kaya aram nindong marhay na an siisay man na magprobar na mabuhay na dayupot ki Cristo segurandong dadagusuon.	Sal. 44:11 Lv. 26:33 Dt. 28:64 1 Th. 3:4 2 Tm. 3:12	36	Siring sa itinuga kan kasuratan: para sa kapakanan nindo aroaldaw kami ginagadan, asin binibilang na mga tupa para sa bunoan.
Isinabi ko inin gabos saindo tanganing makua nindo sako an katoninongan. Sa kinaban mananabat nindo an mg akapurisawan, algad magin pusog kamo: dinaog ko na an kinaban.	Jn. 16:33	37	Iyo ini an pagbalo na kun saen kita minagana, sa kapangyarihan niyang namoot sato.
		38 -39	Huli ta segurado ako kaini: maski an kagadanan ni buhay, ni anghel, ni prinsipe, mayong nageeksistir, mayong bagay na maabot pa, ni arin man na kapangyarihan, o kaitaasan ni kahararoman o ni anuman na bagay na linalang, an pwede nanggad na makapasuhay sato sa pagmaoot sa Dios na nagpahiling diyan ki Jesukristo satong Kagurangnan.