PAGLALANG ASIN PAGKAHULOG - PSB No. 1 - Primerong Lakad

ESCUELA CATEKUMENAL COMMUNITIES

Pronbisya nin Camarines Sur asin Albay

PAG-ADAL SA BIBLIYA No. 1

Enero 3, 2000

Tema: PAGLALANG ASIN PAGKAHULOG

Komunidad kan Iriga

TEMA                                                                                              SITAS

Paglalang                                                                                       Gen. 1:1-2:4

                                                                                                          Gen. 2:5-25

                                                                                                          Gen. 3:7

                                                                                                          Jb. 9:8-10; 26:1-14; 38:4-11

                                                                                                          Sal. 8:3-9; 19:1m; 51:10 (Ex. 34:10); 147:1-20

                                                                                                          Tal. 8:22-31

                                                                                                          Kad. 1:14m; 1:7

                                                                                                          Sir. 16:26-17:14; 24:8; 42:15-43:33

                                                                                                          Is. 48:6b-7; 65:17-25

                                                                                                          Jr. 31:22

                                                                                                          Hab. 3:2 (Mikias 7:2-6)

                                                                                                          Mt. 3:16-17

                                                                                                          Jn. 1:1-5; 5:17

                                                                                                          Gibo 17:26

                                                                                                          Rom 8:19-23

                                                                                                          2 Co. 5:17-18

                                                                                                          Ef. 1:3-10

                                                                                                          Col. 1:15-17; 3:10

                                                                                                          Heb. 11:3

                                                                                                          Apo. 21:i

                                                                                                         

Pagkahulog                                                                                   Gen. 3:1-24; 4:1-16; 6:1-12, 7:17-24; 9:1-17

                                                                                                          Jb. 20:4-7

                                                                                                          Rom. 5:15-21

                                                                                                          Phil. 2:6-7

                                                                                                         

HOMILIYA PARA SA PRIMERONG TEMA KAN KASAYSAYAN NIN KALIGTASAN PARA SA ENOT NA LAKAD SA KATEKUMENADO

        I.            Dapit sa kasaysayan nin Kaligtasan:

An Dios seguradong marhay na nagtatrabaho sa laog kan kasaysayan kan mundo asin sa pang marhay na nagtatrabaho sa laog kan kasay-sayan kan mundo asin sa pangindibidwal asin pagkagabsan na kasaysayan sa buhay nin lambang tawo.An gawe niyang paglalang iyo an paglaog asin pagpasakop niya sa dalagan kan panahon asin espasyo na iyo an karakter kan gabos na materyal na linalang. Hulikaini, an pakikilabot asin an pagsubaybay niya sa kasaysayan kan gabos niyang linalang ginigibo niya sa paagi kan saiyang mga dekreto asin pagsaway kun saen itinatao niya an saiyang mga tataramon kan saiyang mga kabotan para sa tawo asin sa iba pang mga linalang. Kan binutsan nin Dios an saiyang makapangyarihan na tataramon tanganing maglalang kan material na mundo, dai niya ini pinabayaan na basta sanang mahaman asin pagkatapus magpadagos sa sadiri niyang kagustuhan bilang sakop kan mga patakaran asin kagustuhan kan panahon asin espasyo, tanganing padagos o magpadagos sa pagkalapa asin pagkaraot.

Kan maraot ini huli sa kaluyahan nin tawo, an Dios dai nagpabaya na dai niya ini ikaligtas asin pakarahayon giraray tanganing makasulit sa dating magayon asin marhay na kamugtakan siring sa enot niya ining ginibo. An suma total kan gabos na trabaho iyo an boot sabihon kan kasaysayan nin kaligtasan para sa tawo.

Sosog sa “Introduction to the Pentateuch” kan Jerusalem Bible, pahina 14, igwa nin mensahe para sa lambang kristyanong kalaga na dara kan kasaysayn kaj Israel  sa Antigong Tipan na iyo na an lambing saro sa saiyang pagbaklay pasiring sa Dios minalakaw sa dalan na inagihan kan Israel: minatalikod siya sa lumang dalan nin buhay, minasakit ini nin sarong panahon nin pagtesting o pagbalo, minabutwa ining dalisay.

Kaya, para satuya, ini an plano, o estruktura, kan kasaysyan nin kaligtasan para sag abos na tawo. Iyo ini an nagin p;lano na sinusunod sa historya ni kaligtasan. Yaon an mga kamot ni Dios disgi sa mga pangyayaring ini. Kaya huli kaini, dapat na bantayan kan lambing indiwidwal an dalagan kan saiyang buhay na magin sarong kasaysayan kan kaligtasan kan Dios para sa saiya. An gabos na tawo inaapod nin Dios para sa kumbersyon, pagpenitensya asin sa rekonsilyaston o restorasyon kan saiyang pagka-buhay. An tolong doktrinang ini iyo an nagdadara kan konsepto kan kasaysayan nin kaligtasan sosog sa estorya kan Israel sa Bibliya.

Kun siring, an gabos na tawo, kabilang an kristyano, naghihiras man kan sasarong pangangapodan asin trabaho nin Dios para sa saindang kaligtasan. An pagligtas nin Dios yaon sa pagsulit niya sa dating kamugtakan kan naturalesa nin tawo na naraot asin napahanakahuli kan kasalan.

      II.            Dapit sa Estorya nin Paglalang asin pagkahulog kan Enot na tawo:

Digdi sa estorya kan paglalang asin pagkahulog kan tawo mahiling nyato an katotohanan dapit na sinasabi nyato dapit sa kasaysayan kan kaligtasan na iyo an pagbaya sa lumang pagkabuhay, pag-agi nin mga kasakitan asin an pagluwas na malinig asin dalisay.

              Sakop sa kasaysayan na ini kan kaligtasan an gawe nin paglalang asin an pagkahulog nin tawo nin huli ta an paglalang iyo an kapinunan kan eksistensya o pagbutwa kan barang na uniberso o manipestadong kanaban na iyo an kinaban nin materya, an kinaban nin mga linalang. Na pagkatapos na linalang nin Dios an tawo, sinda nahulog sa pagkakasala sa Tugon nin Dios asin iyo an pinunan kan disorder o an pagkawara nin kahusayan sa gabos na linalang na yaon digdi sa ibabaw nin daga.

    III.            An konsepto kan Paglalang:

Sa Bibliya, lalo na sa enot na duwang kapitulo kan libro nin Genesis, igwa nin duwang konsepto kun paano an Dios naglalang kan kinaban asin kan tawo.

An enot na konsepto o ideya, iyo na ibinaing an Dios sa sarong ama, bilang sarong lalaking prinsipyo, na naghaman nin sarong pamilya. Pano iprenisentar kan Bibliya an konseptong ini? Bako man sana si Jesucristo an nagimbento kan pag-apod sa Dios bilang sarong Ama, kundi maski pa sa Antigong Tipan,  lalo na sa mga profeta, an Dios inaapod na bilang sarong ama. Bilang sarong paralalang, an apod sa Dios kan mga profeta iyo an Ama.

“Nag-apod ako sa Kagurangnan, an ama kan sakong Kagurangnan^c, ‘Hare ako pagtalikodi sa mga aldaw nin sakong kasakitan. Sa oras nin sakong pagluya laban sa mga mapa-abhaw’” (Sir. 51:10; Hilnga man an Sal. 2:7; Gibo 13:33; Heb. 1:5; 5:5).

“Siring na mahuyong kinukulkol kan sarong ama an saiyang mga aki, arog kaiyan an pangangataman ni Yahweh sag abos na may pagkatakot saiya; aram niya kun sa ano kita ginibo, romdom niya na kita mga alpog” (Sal. 103:13-14).

“Hale sa langit maghuruhod ka, maghuruhod ka hale sa saimong banal asin mamurawayon na eerokan. Haen an saimong init, an saimong kusog, an kaisipan kan saimong pinakahararom na puso? Hare pagtugot na an saimong pagkaherak dai mahiro, huli ta ika an samong Ama.Huli ta bako kaming pagsasadiri ni Abraham asin dai kami midbid ni Israel; ika, Yahweh, iyo mismo an samuyang Ama, samong Paratubos an saimong antigong ngaran” (Is. 63:15-16; Hilnga man an Dt. 1:31; Tobit 13:4).

Kun an Dios ibinibilang, o hinihiling, bilang sarong Ama, paano niya linalang an mundo? Sa paagi kan pag-agom niya kan daga, ‘dai kana aapudon bilang ‘pinabayaan’, ni an saimong daga ‘inaliwalasan’. Kundi aapudon ka nang ‘bakong kaogmahan’ asiin an saimong daga ‘an inagom’;huli ta naoogmahan ka ni Yahweh asin an saimong daga magkakaigwa kan saiyang kasal. Siring sa sarong hoben na lalaki na minaagom nin sarong birhen, kaya siya na nagpatindog saimo iyo an mapakasal saimo, siring na an nobyo naoogma sa saiyang esposa (nobya), kaya an saimong Dios maoogma saimo” (Is. 62:4)

Si Yahweh, bilang sarong saldang nin katanosan, iyo an sarong nobyo.

“Sa ha;angkaw na kaitaasan, pinatindog niya an sarong tolda para sa saldang, na minaluwas siya diyan sa saiyang pabilyon siring sa sarong nobyo, naglulukso siring sa sarong heroe na nagdadalagan kan saiyang karera” (Sal. 19:5).

An daga iyo an matris:

“Siisay an naglangub kan dagat sa likod nin mga saradong pintoan, kan iyan nagluksong maribok paluwas sa matris?” (Job 38:8).

An daga iyo an ina:

“Dakul na kadepisilan an linalang para sa lambang tawo, sarong magabat na sakal an nakadatog sa mga akin i Adan magpoon sa aldaw na nagluwas sinda sa matris kan saindang ina, sagkod sa aldaw na minabalik sinda sa ina nin da gabos” (Sir. 40:1).

“Sa gabos na ini digdi ako naogma, huli ta dara ini kan kadonongan, alagad dai ko pa aram kaidto na siya iyo an ina ninda gabos” (Kad. 7:12).

An ikaduwnag ideya, o konspeto, kan Dios bilang kaglalang iyo an saiyang pagigin sarong paradinahon.

“Ginibo ni Yahweh Dios an tawo hale sa alpog kan daga” (Gen. 2:7).

“Hilnga an sarong paradinahon, kun paano niya tinatrabaho an malumoy na daga, minaporma siya nin gabos na klase nin mga bagay na satong magagamit…siya na dai pa sana nahahaloy ginibo man mismo hale sa daga, mabalik sa tolos kun saen siya naghale, sa oras na apudon siyan tanganing magtao nin luwenta para sa buhay niya” (Kad. 15:7-8; Hilnga an Is. 45:7,9-13).

“Alagad ika Yahweh iyo an samong Ama; kami an dalipay, ika an paradinahon, kami gabos iyo an gibo kan saimong mga kamot” (Is. 64:7; Hilnga man an Is. 29:16+ ^k).

“Hahaputon nindo ako, ‘Kun siring, paano nin Dios mababasol an siisay man, nin huli ta mayong siisay man an puwedeng makakontra kan saiyang kabotan?’ Alagad siisay ka, na sarong tawo lamang, an puwedeng maka-imbestigar sa Dios? An kuron mayong deretsong magreklamo sa paradinahon: Ano ta ginibo mong arog kaini an itsura ko? Segurado na an paradinahon puwedeng gumibo kan ghusto niya sa dalipay? Totoong makakapagboot siya kun magamit siya nin sarong particular na masa nin dalipay tanganing makagibo nin sarong espesyal na kuron o nin sarong ordinaryong kuron?” (Rom. 9:19-21).

“Harong ni Israel, dai ko daw puwedeng gibuhon saimo kun ano an ginigibo kan sarong paradinahon? Si Yahweh iyo an nagtataram. Oho, siring na an dalipay sa kamot nin sarong paradinahon, kaya ika yaon man sa mga kamot ko, harong ni Israel” (Jer. 18:6; Hilnga an Is. 45:9-10; Sir. 33:13).

    IV.            Paano naglalang an Dios?

Sa Kasuratan, ini an makukua:

“Sunod, gusto kong ipagiromdom saimo an mga trabaho nin Kagurangnan, asin isabi ko kun ano an sakong nahiling. Sa paagi kan mga tataramon^h kan Kagurangnan buminutwa an saiyang mga trabaho asin an gabos na linalang minakuyog kan saiyang kabotan” (Sir. 42:15; Hilnga man an Sir. 43:26; Gen 1; Sal. 53:6; Kad. 9:1,2; Jn/ 1:1+; Tal. 8:22; Heb. 11:3; Rom 1:20; Is. 40:8).

“Siisay an nagsukol kan tubig sa dagat sa bubon-bubon kan saiyang palad asin nagkarkulo kan kahalabaan kan mga kalangitan, sinukol an bilog na daga sa takaran, tinimbang an mga kabukidan sa timbangan? … Dai nindo naaaramn, dai nindo nadangog? Dai sinabi saindo sa kapinunan? Dai nindo nasabotan kun paano pinatindog an daga? Nageerok siya sa itaas kan sirkulo kan daga, an mga habitants diyan garo siring sa mga lukton an itsura. Biniklad niya an mga kalangitan siring sa sarong tela, inunat niya sinda siring sa sarong tolda tanganing pagerokan kan mga tawo. Itaasan an saindong mga mata asin hilnga. Siisay an naggibo kan mga bitoon na ini kun bakong siya na mina-ensayo sainda siring sa sarong hukbo, inapod na lambing saro sa saindang ngaran? Gurano kadakula an saiyang kapangyarihan, gurano kadakula an saiyang kusog, na mayo ni saro an minataong kasimbagan” (Is. 40:12, 21, 26).

“Kaya nagsabi an Dios, si Yahweh, na naglalang kan kalangitan asin nagbiklad kaiyan, na nagtaong itsura sa daga asin an anuman na minabutwa diyan, na nagtatao nin hinangos sa saiyang katawohan asin buhay sa mga linalang na naghihiro diyan. Ako, si Yahweh, an nag-apod saimo tanganing maglingkdo sa kawsa kan katanosan; kinua taka sa sakuyang mga kamot asin pinorma taka^e; pinili taka bilang tipan kan banwaan asin liwanag kan mga nasyon” (Is. 42:5-6; Hilnga an Is. 44:24).

“Puwede daw siyang makipagdiskusyon sa tawo na iyo an nagporma kaiyan, sarong baso sa tahaw nin mga dagang baso? Puwede daw magsabi an dalipay sa saiyang parahorma, ‘Ano an ginibibo mo?’, makapagsabi daw an bagay na pinorma makapagsabi, ‘Mayo ka nin abilidad! Herak man sa saiya na minasabi sa saiyang ama, Tano ta ginibo mo akong tawo?’ o sa sarong babae, ‘Ano an ipinangaki mo?’” (Is. 45:9-12).

“Sa ngonian an saimong Kaglalang iyo an saimong magigin agom, an saiyang ngaran iyo si Yahweh Sabaoth; an saiyang paratubos iyo an Sarong Banal ni Israel, siya inaapod Dios kan bilog na daga” (Is. 54:5; Hilnga an Is. 62:5).

Kun paano inagom ni Dios an Israel, an dagang eerokan kan saiyang mga aki (Sal. 87), sa gawe nin Paglalang inagom man nin Dios an tohu (bohu) asin pinahiro an tubig tanganing magkaigwa nin mga bagong bagay hale sa mayo. (Hilnga an 2 Sam. 22:10).

“Sa kapinunan linalang nin Dios an mga langit asin an daga. Mgonian an daga sarong guang na mayong proma, igwa nin kadikloman sa kairaroman asin an espiritu nin Dios minakunkob sa katubigan: (Gen. 1:1).

“Sa panahon na iyan kan ginibo ni Yahweh Dios an daga asin an langit, mayo pa kaidto nin tinanom sa daga o anuman na layas na tinanom na nagbutwa, nin huli ta dai pa minapadara nin uran si Yahweh Dios sa daga, asin mayo pa nin tawo na minabungkal kan daga. Alagad, igwa nin sarong baha na nagiitaas hale sa dga asin iyo an nagpapatubig sa enterong ibabaw kan daga. Ginibo ni Yahweh Dios an tawo sa alpog hale sa daga. Dangan hinangosan niya an saindang dungo kan hinangos nin buhay, asin kaya an tawo nagin sarong buhay na linalang” (Gen. 2:5-7).

Paano naman nagburutwa an mga bagay-bagay digdi sa daga? Sosog sa Bibliya, linukoban nin Dios an daga kan saiyang espiritu asin an mga bagay-bagay nagkaigwa nin buhay asin nagkaralalang. (Hilnga an Sal. 104).An aksyon kan kalangitan sa daga iyo an minapamundag kan mga bagay, minapatubo kan mga tinanom asin mga hayop asin ginigibo  siyang mabinunga (Jer. 10:11-13; Gibo 17:24m; Sal. ; 19:1; 148).

Halimbawa, paano minapatubo nin mga tinanom an sarong paraoma? Kaipuhan na bungkalon niya an daga tanganing ramason niya an daga asin an ayre sa irarom kan daga bago siya maghasok nin semilya nin tinanom. An tuyo kan pagmisla kan daga asin ayre sa daga iyo na an abuno sa ayre makaramas tanganing ini masurop asin mapakinabangan kan mga gamut kan tinanom. Kun siring, kaipuhan kan bagong tanom an aksyon kan langit sa daga tanganing makapatubo nin bagong buhay sa ibabaw kan daga.

Arog kaini an paglalang na ginibo nin Dios.

“Kinua ni Yahweh Dios an tawo asin ibinugtak siya sa hardin in Eden tanganing bungkalon asin atamanon iyan” (Gen. 2:15).

Kun paano an Dios nagpatubo nin buhay sa daga sa paagi nin pagtrabaho kaiyan tanganing an langit asin an daga maghalo asin magmundag nin bagong buhay, siring man an tugon nin Dios sa tawo kun paano siya mapabutwa nin buhay sa daga. Kaipuhan na gudakon asin trabahohan nin tawo an daga tanganing magtao iyan nin bagong buhay.

“Oho, siring na an uran asin an yelo minaibaba sa mga kalangitan asin dai minabalik na dai mapatubigan an daga, na minapabunga asin minapatubo tanganing magtao nin semilya para sa mga parasabwag asin tinapay para sa kakanon, kaya siring man an sakong tataramon na minagikan sa sakong nguso dai minabalik na mayong laog, na dai minaotob kan sakong kabotan asin minagibo kan anuman na ipagibo ko saiya” (Is. 55:10-11).

Arog kaini an paglalang nin Dios. An gabos na bagay nahaman sa paagi kan saiyang pagboot (Sal. 148:5; 33:9; Sir. 39:16; Lam. 3:37-38). An tataramon nagsilyab sa daga (Sal. 147:15). An tataramon na ini iyo an kikilat (Sal. 29:7), asiin an hinangos nin Dios iyo an duros o ayre.

“An bilog na linalang maglingkod saimo! Nagtaram ka asin nagburutwa an mga bagay, ipinadara mo an saimong hinagos asin nahaman sinda asin mayong makakasuhay sa saimong boses” (Hudith 16:14). An kikilat, na iyo an tataramon nin Dios (an hurog-hudog -Sal. 29:3b), iyo an minapahulog kan uras asin yelo (Is. 55:10), na iyo man an minapatubo kan mga bagay sa daga.

“Hale sa puso kan bagyo, nagsimbag si Yahweh ki Job. Ini an sabi niya…”(Job. 38:1; Hilnga an Sal. 18:17-18; 50:3; Na. 1:3; Ezk. 1:4; Ex. 13:22+; 19:16+).

Sa kapangyarihan niya linalang niya an daga, sa kadonongan niya pinapusog niya an kinaban, sa kabatiran niya linatag niya an kalangitan. Kun siya minahurug-hudog (kun minatarm siya) igwa nin kariribokan nin tubig sa kalangitan; minapaitaas siya nin mga panganuron hale sa mga linderos kan daga, minapasilyab siya kan kikilat para sa pagpabulos kan uran, asin minapaluwas kan duros hale sa bodega niya” (Jer. 10:12-13).

Ano an boot sabihon kan mga tataramon na, “Sa kapinunan linalang nin Dios an mga langit asin an daga? (Gen. 1:1)

An boot sabihgon kaini iyo na an Dios luminaog sa modo (punsyon, uso, mekanismo, trabaho, o temperamento) nin duwalismo.

‘Nabubuhay asin nagdadanay sinda gabos na daing sagkod, anuman an kamugtakan an gabos nagkukuyog saiya. An gabos na bagay nakukuang may kapadis, na may kahampang, asin mayo siyang ginibong anuman na may kakundian; an saro nangangaipo kan karahayan kan saro, siisay an mabaabsog sa paghiling kan saiyang karahayan?” (Sir. 42:23-25).

“Kahampang kan karatan yaon an karahayan, kahampang kan kagadanan iyo an buhay; kaya man, kahampang kan debotong tawo iyo an parakasala. Iyo ini  an paagi sa pagmidbid kan gabos na trabaho kan Kahuro-halangkawe; makukua sindang may kapadis, na magkahampang” (Sir. 33:14-15).

“Igwa nin panahon para sa gabos na bagay, sarong panahon para sa lambang trabaho sa irarom kan langit. Sarong panahon para sa pagmundag, sarong panahon para sa pagkagadan; sarong panahon para sa pagtanom, sarong panahon para sa pagklagadan; sarong panahon para sa pagtanom; sarong panahon para sa paggabot kan anuman na itinanom. Sarong panahon para sa paggadan, sarong panahon para sa pagpaomay; sarong panahon para sa paggaba, sarong panahon para sa pagpatugdok. Sarong panahon para sa pagluha, sarong panahon para sa pagngisi; panahon para sa loto; sarong panahon para sa pagbayle” (Qo. 3:1-4).

Kun siring, sa saiyang trabaho nin paglalang, an Dios naglaog sa duwalismo kan panahon asin espasyo.

“An gabos niyang gibo angay sana para sa saiyang panahon; alagad maski ngani tinutugotan niya an tawo na konsideraron an panahon sa saiyang ka-enteruhan, an tawo dai makakasabot kan trabaho nin Dios magpoon sa kapinunan sagkod sa katapusan” (Qo. 3:11).

Sa paagi nin paglalang, an Dios duwalismo nin espirituwal asin material, na dati nasa modo siya nin unitarianismo bilang espirituwal na bagay (Hilnga an Is. 45:7; 42:14). An Dios luminaog sa duwalismo nin lalaki asiin babae, asin an pagsaro kan lalaking element asin babaeng element iyo an nagmundag kan gabos na bagay na nalalang. Huli kaini, nagkaigwa nin diklom asin liwanag, aldaw asin banggi, dagat asin mamarang daga, bukid asin kapatagan, saldang asin bulan, mga tinanom asin mga hayop, lalaki asin babaeng tawo, langit asin daga, puti asin itom, buhay asin kagadanan. Kan maglaog an Dios sa modo nin duwalismo, lumiinaog siya sa material na kinaban kun saen igwa nin panahon asin espasyo an gabos na bagay. Kaya an Dios naglaog sa kasaysayan asin nagtatrabaho sa laog kan kasaysayan nin tawo asin kan gabos na linalang. Ini an kasaysayan nin kaligtasan. Kaya an kasaysayan nin Pagligtas nin Dios minapoon sa panahon nin paglalang. An Dios nagpasakop man sa panahon asin espasyo kan an saiyang aking si Jesukristo luminaog sa plano ni Dios na iyo an Enkarnasyon, Krusipiksyon asin resukreksyon (o restorasyon).

An mga linalang nin Dios nagpapahiling kan milagro nin Dios sa aro-aldaw na pagkabuhay nin tawo. An pagsirang kan saldang na nagtatao sa tawo nin liwanag, init asin buhay sa paagi kan saiyang tolong sirang nin barang na radyasyon (liwanag), radyasyon na ultra-violet (Vitamiina D na may epektong kemikal sa hawak nin tawo) asin an infrared na iyo an nagtatao nin init sa hawak. An mga tinanom, halimbawa, an paroy, an mais asin an mga prutas. Siring man an mismong kagayonan asin karahayan kan hawak nin tawo. Asin an iba pang mga bagay na linalang na nagpapahayag kan kamurawayan asin kapangyarihan nin Dios, arog baga kan tubig, kan ayre asin iba pa.

“Magpoon na lalangon nin Dios an kinaban an saiyang daing sagkod na kapangyarihan asin pagkadios- maski ngani dai barang - pirmeng yaon diyan tanganing mahiling kan isip an mga bagay na saiyang linalang o ginibo” (Rom. 1:19-20; Kad. 13:1-9; Sir. 17:8; Gibo 17:24-29).

An peligro naman na yaon sa mga linalang nin Dios iyo na:

“Aram ninda an Dios alagad nagsayuma sindang igalang siya bilang Dios o na magpasalamt saiya; embes, ginibo nindang mayong saysay an lohika asin an saindang daing laog na isip nadikloman. Lalo sindang nagpa-apod na mga pilosopo, lalo man siindang nagin estupido, sagkod na irinibay ninda an kamurawayan kan immortal na Dios para sa sarong daing halagang imitasyon, para sa imahen nin mortal na tawo, nin mga gamgam, nin mga may apat na bitis asin mga nagkakaramang na hayop. Kaya pinabayaan sinda nin Dios sa saindang mga maating kaogmahan asin mga gawe-gawe na nagtatao nin mayong paggalang sa saindang sadiring mga hawak, huli ta isinikwal ninda an katotoohan na gikan sa Dios para sa sarong kaputikan asin nagsaramba asin nagrilingkod sa mga linalang embes na sa Kaglalang, na yaon saiya an bendisyon sagkod pa man. Amen!” (Rom. 1:23-25; Hilnga man an 1 Co. 1:21; Kad. 11:15; Is. 5:21; 40; 26:28; Ep. 4:17-18; 1 Co. 1:19-20’ Sal. 106:20; Ex. 32; Dt. 4:16-18; Kad. 11:15; 12:24; 13:10m; Jer. 2:11; Ep. 4:19) Ini an pagkahulog nin tawo sa kasalan nin pluralism (Mt. 5:7).

      V.            An boses nin Dios na naglalang:

An boses nin Dios na naglalang iyo an kikilat (Sal. 29:7), Nagtaram siya sa paagi nin bagyo (Job 38:1) asin sa paagi nin baha (Gen. 2:6). An Dios nagpapadagospa man na magtaram sa tawo sa paagi nin mga kalamidad, problema, sitwasyon sa buhay asin nin mga linalang asin sa mga tanda nin panahon (Sir. 42L1m), Dai ini nadadangog nin tawo huli sa kasibotan niya sa sadiring buhay.

    VI.            An Paglalang kan Tawo (Tobit 8:6; Is. 45:2):

                                                                                                         

Ano an tuyo nin Dios sa paglalang? (Dt. 32:6)

Ano naman an servi kan tawo para sa Dios? (Gen/ 2:15).

MGA TEMA PARA SA LAOG NIN SARONG TAON SA PRIMERONG LAKAD SA CATEKUMENADO Taon 2

ESCUELA CATEKUMENAL COMMUNITIES

Provinces of Camarines Sur and Albay

AN MGA TEMA PARA SA LAOG NIN SARONG TAON SA PRIMERONG LAKAD SA CATEKUMENADO

Taon 2000

BULAN                                                                                            TEMA

Enero                                                                                            Paglalang asin Pagkahulog 

Febrero                                                                                          MgaPatriarkaasin Abraham

Marso                                                                                             ExodoasinPaskuwa

Abril                                                                                                 AssembleyasaDisyertoasinTipan

Mayo                                                                                               DagangPanugaasinmgaHukom

Hunyo                                                                                             KahadeanasinDistierro

Hulyo                                                                                               MgaProfetaasinMesias

Agusto                                                                                            Jesukristo

Septyembre                                                                                 MgaApostolesasin Kerygma

Oktubre                                                                                         Iglesia

Nobyembre                                                                                  MinisteryoasinMisyon

Disyembre                                                                                    Parousia/IkaduwangPagdatong

AN MGA PAAGI NIN SELEBRASYON SA LAOG NIN SARONG BULAN:

1.       PrimerongSemana: SabadongBanggiasinDomingongBanggi - PRESENTASYON KAN DUWANG TEMA.

2.       IkaduwangSemana: SabadongBanggiasinDomingongBanggi - KATEKESIS DAPIT SA DUWANG TEMA.

3.       IkatolongSemana: SELEBRASYON SA HARONG -SabadongBanggi - EnotnaGrupoasinDomingongBanggi - IkaduwangGrupo

4.       IkaapatnaSemana: SELEBRASYON KAN TATARAMON - SabadongBanggi/CONVIVENCIA - BilognaAldawkan Domingo

KUWESTYONARYO PARA SA BULANAN NA MGA TEMA

Paglalangasinpagkahulog:

1.       Anodaw an boot sabihonkanmgatataramonna “Sa kapinunanlinalangnin Dios an mgalangitasin an daga”(Gen, 1:1)?

2.       Anu-ano an mgamilagroasinmgapeligronayaonsamgalinalangnin Dios?

Patriarkaasin Abraham:

1.       Siisay an inaapodnamgaPatriarkasabibliyaasinpaanomonahihiling an saimongsadirisasainda? Paanokadawmagkakaigwaninpartisipasyonsabuhaynindasapanahonnaini?

2.       Paanodawsi Abraham nagigin sarong tataramonninkaligtasanparasasaimongoniannapanahon ta?

3.       Paanomodawmaootobsasaimongbuhayngonian an tataramonnin Dios na “Bayae an saimongharong, dagangnagimatanasin an harongkansaimongmagurangtanganingmagpasiringsadagangitutukdokosaimoasingigibuhon taking sarong dakyulangnasyon”?

ExodoasinPaskwa:

1.       KanmagluwaskamosaEhipto, anu=ano an mgabinayaannindodumanasinkasuarinkamonagluwassaEhipto?

2.       Siisaydaw an saindong “Faraon” sapresente, asin an saindong “Moises” ngonian?

3.       Ano an pagkakaparehokan “Paskuwa” kanmgaIsraelitasa “eukaristiya” kanmgakristyano?

DisyertoasinTipan:

1.       Anodawiningdisyertosabuhaymongonian? Kanyaonkanasadisyerto, ano an naginsitwasyon o kamugtakankanbuhaymo? Ano an mgabagaynanahihiliongmodumansadisyerto?

2.       Totoo dawn a pinagtentarankakanDiyablodumansadisyerto? Ano an kahuluganparasaimokantenstasyondapitsatinapay, dapitsaidolo, asindapitsapaghagadninmga ,milagro? Paanomoininahihilingnanangyayarisabuhaymo?

3.       ArogkikiJesukristo, paano mod aw kinokontra, o linalabanan, an pagtentarsaimokanDiyablo? Ano an mgabagaynapanguntraparasatenstayonkantinapay, kanidolo, asinninpaghagadninmgamilagro? Paanokanakipagtipansa Diossasaimongbuhay?

DagangPanugaasin an mgaHukom:

1.       Anodaw ankahalagahankanngaranna “katalingkasan” parasabuhaynin sarong tawo? Para saimo, guranodawkahalagaansaimongkatalingkasan? Makakapagsaysayka dawn in mgaokasyonsasaimongbuhaynaikanawaranninkatalingkasan?

2.       Minatubodka dawn a an Dios sana an makakataosatawonintunayasintotoongkatalingkasan? Tano ta nagtutubodka?

3.       Sa saimongpag-adalkansatongtemang “Dagangpanuga” asom “An MgaHukom”, ano an relasyoonkantataramonna ‘katalingkasan’ digdisamgatemangini?Anu-ano an mgaklaseninkatalingkasannaitiinataonin Dios asinnaeksperyensiyahankan mg atawosaAntigongTipan? SaBagongTipan?

KahadeanasinDistierro:

1.       Para sasadirimong opinion, mas makakarahaydawan sarong teyokrasyanggobyernodigdisasatuyangnasyon?

2.       a. Sa pagmasidmo, marhaydaw o maraot dawn a an sarong relihiyosongtawo, o mgaliderninrelihiyon, iyo an maglaogsapulitikaasinmagkapotninmgasensitibongposisyonsagobyerno? Kun uyonka, anu-anoansaimongmgarason? Kun daikauyon. Anu-anoan    saimongmgareserbasyon?

b. Para saimo, anodaw an pinakaugatnadahelankanpagka-distierronin Dios ki Israel? Anonaman an naginresultangmagayonparaki Israel kansaindangpagka-distierro?

3.       Ano an masasabimokanpagkadistierrokansatuyangheroenasyonalkanmgaprayelengkastila?

MgaProfetaasinMesias:

1.       Bilang sarong magurang, anu-anoanmaniba-ibangklasengmgatataramon an saindongginagamitsa mg aakimotanganigmasuheto o, kaya, mapasunodmosindasasaimongmga gusto?

2.       Kadakulnamgatawongonian an nagtutukdosamgatawonasindaasin an relihiyonnasaindangdinadaraiyo an sa Dios. Paanomomaaaraman, sosogsaBibliya, na an sarong paratukdoninrelihiyonsarongtunaynasugo o, kaya, totoonggikansa Dios asin an saiyangdarangrelihiyontotoonggikansa Dios o bako?

Jesukristo:

1.       Para saimo, anodaw an pinakmahalagangtrabhonaginiboasininutobniJesukrstoparasa Dios asintawo?

2.       AnongngarankanrelihiyonnaipinundarniJesukristoparasakatawohandigdisakinaban?

PROFETA ASIN MESIAS - Hulyo 2000

ESCUELA CATEKUMENAL COMMUNITIES

Camaligan, Camarines Sur

HOMILIYA PARA SA BULAN NA HULYO 2000 (PROFETA ASIN MESIAS)

Tema:PAANO MO MAARAMAN NA AN SARONG PARATUKDO SA RELIHIYON, O ARIN MAN NA TAWONG SA DIOS, ASIN AN SAIYANG DINADARANG RELIHIYON IYO AN TOTOONG GIKAN SA DIOS O BAKO?

1.    Igwang paboot an Dios na dapat testingon an tawo, Sir. 27:7, o an lambang espiritu, 1 Jn. 4:1-6, Apo. 2:2. An dahelan kainiiyo an nasa 1 Hde. 22:21.

2.    An paratukdong totoong sa-Dios iyo idtong tawo na an katukdoan bakong minagikan sa tawo sana kundi idtong gikan mismo sa Dios, Job 32:13; Jer. 8:8; Jn. 7:14-19; 1 Co. 2:1-16, 4:1-5; Ga. 1:1-2, 11-12; 1 Jn. 2:27.

3.    Ano an mga katukdoan na sa-Dios? AN DIOS DAI NAGPUPUTIK, Bil. 23:19; 2 Sam. 7:28; Jos. 21:45; 23:14-15; Job. 23:12-13; Is. 55:10-11; Jer. 5:3; Ezk. 12:25,28; Hab. 2:3; Tal 30:5-6; Zak. 1:2; Jn. 17:17; Rom.11:29; 2 Tim. 2:13-15; Tit. 1:2; Heb. 6:18; Stgo. 1:17-18; Jn. 8:45; 1 Jn. 2:11; Is. 25:1; Sal. 31:6.

4.    Bako siyang arog sa tawo na sarong putikon, Bil. 23:19; 1 Sam. 15:29; Job 9:32; Sal. 5:8-9, 10:7, 12:2, 14:1-3, 31:18, 63:11, 55:20-21, 32:3; 116:11, 140:3; Sir. 19:16; Is. 28:15,17 ; 59:3-4,13; Jer. 5:1; 9:2,7; Ez. 13; Ho. 12:1-2; Mi. 7:2; Rom. 3:13; 1 Tim. 4:2; Stgo. 3:2, 14-15; 1 P. 1:14; Mikias 6:12.

5.    Si Satanas putikon, Gen. 3:1,5; 1 Hde. 22:21; Kad. 1:4; Jn. 8:44; Rom. 16:19-20; 2 Tes. 2:9-12; 1 Tim. 4:1,2; Stgo. 3:15, 4:7; 1 P. 5:8; Apo. 20:2; Mt. 5:37; Job 1:8-11, 2:1-5.

6.    An pagpuputik, Tal. 12:18,22, 14:5,25, 26:28; Sir. 20:24-25; Mt. 5:37.

7.    An tawong matanoos dai minasibog sa saiyang mhga itinaram, Sal. 17:1,4, 55:20-21; Tal. 4:1-3,11, 8:8, 13:5, 30:8; Sal. 15L2,4; Heb. 2:4; Rom. 11:29; Job 6:28,30; Sir. 14:1; 19:16. 1 Tes. 5:21-22; Heb. 10:37; Stgo. 1:26.

8.    An paratukdong dapat sa Dios, Sir. 37:22-26; Tal. 1:1; 4:2; 30:6-7; Qo. 5:5; Is. 6:5-13; Jer. 1:9; Ezk. 16:17-18; 1 Co. 2:1-16, 4:1-2, 14:36-38; 2 Co. 2:17, 3:5, 4:5, 6:3; 1 Tim. 4:4-16; 6:3-12; 2 Tim. 2:15-26; 4:1-5; 3:14-17; Tito 1:7-8; 2 P 3:16-17; 2:1m; 2 Jn 10; 1 Tes. 5:12-13; 1 P. 4:11 (2 Hde. 4, 5:15-16), Am. 7:12-15.

9.    An mga paratukdong dai dapat sa Dios, 1 Hde. 22:21-23; Jer. 5:13-14,31, 8:8-92; Lam. 2:14; Mikias 2:6-11; 3:5-8 (Is. 9:14) Mikias 3:11 (1 Sam. 9:7-8; Bil. 24:10-14; 1 Hde. 14:3; 13:15-22; 2 Hde 4:42-44; 5:15-16, 20-27; 8:7-15), Jer. 23:21-40. Sal. 62:4; Job 9:20; Mt. 23:1-39; 24:23-24; Gibo 20:30; Rm. 16:17-19; 1 Tim 4:1-3, 6:3-10; 2 Tim. 3:1-13; 2 P. 2:1-3, 12-22; Lk. 11:37-53.

10.Sa Deut. 13:2-6, duwang sukolan an makukua tanganing maaraman kun an sarong tawong sa-Dios o propeta, totoong gikan sa Dios o bako: Enot, an saiyang tataramon nagkakatotoo, Dt. 18:21-22, 1 Sam. 9:6, Jer. 28:9; an ikaduwa, dai siya nagtutukdo nin ptik o palso, Jer. 23-13-17,23-40. 27:10. 28:15-16., 14:14. 19:31-32, Lam. 2:14. 2 p. 2:1-3. 1 Jn. 4:6 Jds. 4:11-19.

11.An pagmimilagro bakong sarong tanda nin sarong tatoong propetang sa Dios, Mt. 24:24, 2 Tes. 2:9-12, Apo. 13.

12.An kastigo para sa mga palsong propeta o mga paratukdong bakong totoong sa Dios, Jr. 15:14-16, Mi. 3:7, Ezk. 7:26. Apo. 20:10; alagad, kun ginibo kan sarong propeta an saiyang trabaho, dangan dai nagsurunod an mga tawo, Ez. 3:16-21, 33:7-9; Jr. 6:16-19, Ho. 8:1-3.

13.An premyo para sa mga totoomg profetang sa Dios asin an mga sumpa para sa mga palsong profetang sa Dyablo, Lk 6:22-23,26 Mt 5:11-12, Kad. 2:10-20: Mt 23:31-32, Phil. 1:24. Col. 1:24, Heb 10:34-36. Stgo 1:2-4.

TATARAMON NIN DIOS , LIWANAG

Escuela Catekumenal Communities

San Isidro, Iriga City

Ikaduwang Komunidad

BULANAN NA CONVIVENCIA

9 Hulyo 2000

Mga Tema:TATARAMON NIN DIOS, LIWANAG ASIN KADIKLOMAN, KAHADEAN ASIN BALAGON

I.      BABASAHON (Para sa Pamibi sa Pagka-aga,  Semana IV) - 1 Jn. 1:1-10

An babasahon na ini nagpapahiling sato kan gabos na mga temang ini (an apat na tema para sa bulan na ini)

Sa versikulo 1 nasasabi an dapit sa Tataramon nin Dios.

Sa versikulo 5 nasasambit an Dios bilang liwanag.

Sa versikulo 3 nasasabi an dapit sa unyon o pakikisaro sa Ama asin ki Jesukristo na mapapadapit sa temang Balagon.

Sa versikulo 12 - 17 kan Kapitulo 2 makukua nyato an dapit sa Kahadean nin Dios na nagpupoon sa kahadean kan harong.

II.      TATARAMON NIN DIOS

A.      Etym. kan ‘tataramon’ iyo an ‘dabar’, tataramon na itinaram (spoken word). Debir,  banal na Kabanal-banalan, iyo an sarong lugar sa santuwaryo, o templo, nin Dios na iyo an kabanal-banaleng lugar, 2 Kron. 3:16. Digdi nasasaray an arka kan Tipan na an laog iyo an duwang table kan Tugon. Kun siring an dabar iyo an mga tataramon nin Katugonan na itinaram nin Dios ki Moises duman sa Bukid Sinai asin sa disyerto.

An tataramon nin Dios iyo man an tingog, tanog, boses, mga letrang gikan sa Dios, Sal. 19:3-4,10. Minataram siya sa paagi kan mga profeta, nin huli ta sinda iyo an inaabotan kan saiyang mga tataramon, Jr. 1:2, Ho. 1:1, Lk. 3:2.

B.      Tolong klase an mga tataramon nin Dios sosog sa Bibliya:

1.       PAGSAWAY, PAGBAWAL - Ini an mga Tugon, mga pagboot, asin mga pagsusundon. An klaseng ini makukua sa Antigong Tipan (AT).

2.       PANGAKO, PANUGA, EVANGELIO - Ini an mga tataramon in Dios sa paagi kan mga profeta asin ki Jesukristo.

3.       PATANID, PAGTUKDO NIN ADAL, PAGHATOL - Ini an mga tataramon nin Dios sa paagi kan mga apostol.

C.      An Banal na Kasuratan - 2 Tim. 3:14-17

“Magdanay ka sa kun ano an itinukdo sa saimo asin naaaraman na totoo: giromdoma kun sa irisay an saimong mga paratukdo kaidto, asin, magpoon na kan aki ka pa, kun paano mo nanodan an banal na mga kasuratan - huli kan mga ini makakanood ka nin kadonongan na nagdadara sa kaligtasan sa paagi kan saimong pagtubod ki Kristo Jesus. An gabos na kasuratan ipinasabong ni Dios asin mapapakinabangan para sa pagtukdo, para sa pagsaway kan sala, para sa pag-antabay sa buhay kan tawo asin pagtukdo sa sainda na magin banal. Ini an paagi kun paanong an sarong tawong idinidekar sa Dios nagigin armado asin handa para sa anuman na marhay na gibo”.

III.      AN TATARAMON NIN DIOS, BILANG SARONG ADAL O DOKTRINA, IYO AN LIWANAG O ILAW NA ‘NAGLILIWANAG SA KADIKLOMAN” (Jn. 1:9):

An pag-uswag sa Bagong Tipan (BT) kan temang Liwanag-Kadiloman puwedeng gayong masusog na malinaw sa tolong mayor na linya:

Enot, siring na an saldang nagtataong liwanag sa dalan ni tawo, kaya anuman na bagay na minapahiling sa saiya kan dalan pasiring sa Dios iyo an ‘liwanag’.

Kaidto, sa AT iyo an Lehe, an Kadonongan asin an Tataramon nin Dios, Qo. 2:13; Tal. 4:18-19; 6:23, Sal. 119:105; Hilnga man an Rom. 2:19.

Ngonian, iyan iyo si Kristo, Jn. 1:9; 9:1-39; 12:35; 1 Jn/ 2:8-11; Hilnga man an 2 Co. 4:6, na itinatampad sa sarong maliwanag na panganuron na nag-aantabay sa mga Israelita Jn. 8:2; Hilnga an Ex. 13:2m; Kad. 18:3 minasunod; iyan man iyo an saiyang mga disipulo kun saen an liwanag kan perpeksyon nin Dios minaliwanag sa katawohan, Mt. 5:14-16; LK. 8:16; Apo. 21:24.

Ikaduwa, an liwanag iyo an simbolo kan buhay, kakontentohan asin kagaya-gayahan, siring na an kadikloman iyo man an simbolo nin kagadanan, kamundoan asin kasakitan, Jb. 30:26; Is. 45:7; Hilnga an Sal. 17:15+;

Kaya, an kaoripnan iyo an sarong porma nin kadikloman, asin an pagtalingkas o pagligtas sa pag-abot kan panahon nin Mesias sarong porma nin liwanag, Is. 8:22 - 9:1; Mt. 4:16; Lk. 1:79; Rm. 13:11-12.

An liwanag na ini minasirang man sa mga paganong nasyon, Lk. 3:32; Gibo 13:47, sa paagi ni Kristo na iyo an Liwanag; Jn. 1:9(Hilnga an mga sitas na sinasarambit na), Ep. 5:14; ini yaon sa saiyang mamurawayon na kaliwanagan sa kahadean nin langit; Mt. 8:12; 22:13; 25:30; Apo. 22:5; Hilnga  an 21:3-4.

Ikatolo, an nagbabangaan na temang Liwanag-Kadikloman ginagamit sa magkalaban na kinaban kan Marhay asin  kan Maraot (Hilnga an mga teksto kan mga Essene kan Qumran).

Kaya, sa BT, igwa nin duwang empirio, si Kristo iyo an Kagurangnan kan saro, si Satanas naman iyo an nasa ibong, 2 Co. 6:14-15; Col. 1:12-13; Gibo 26:18; 1 P. 2:9, an lambing saro naghihingohan magin ano o kagurangnan na gusting pansusundon, Lk. 22:53; Jn. 13:29-30.

An mga tawo pwede sanang magin ‘aki nin liwanag’ o magin ‘aki nin kadikloman’, Lk. 16:8, 1 Th. 5:3, Ep. 5:7-8; Jn. 12:36, sosog sa kun baga an saindang buhay pinaghahadean nin liwanag (ni Kristo) o nin kadikloman (si Satanas), 1 Th. 5:4 minasunod; 1 Jn. 1:6-7; 2:9-10, asin an mga gibo ninda iyo an nagpapahiling kun para saen sinda, Rom. 13:12-14; Ep. 5:8-11.

An pagdatong kan Liwanag iyo an minabanga (minahatol) kan tawo sa saiyang kapwa-tawo, huli ta an pagdatong na ini iyo an minapuwersa sa lambang saro na magpahayag kan saiyang sadiri kun baga saen siya nagkakampi o nakaka-ayon, Jn. 3:19-21; 7:7; 9:39; 12:46; Hilnga an Ep. 5:12-13.

Alagad, sarong aldaw, an gabos magigin marahay-rahay asin, sarong aldaw, an kadikloman magtatao nin dalan para sa liwanag, Jn. 1:5, 1 Jn. 2:8; Rom. 13:32, hale sa kadikloman pasiring sa mamurawayon na liwanag, 1 P. 2:9; Gibo 26:18; Lk. 1:79; Col. 1:12-14.

IV.      AN KAHADEAN

Hale sa kadikloman nin pagkakasala, inapod kita nin Dios pasiring sa liwanag kan saiyang Kahadean sa langit.

An soberanya nin Dios sa ibabaw kan Banwang Pinili, asin, sa paagi ninda, sa enterong kinaban, iyo an nasa puso kan paghulit ni Jesukristo na siring kaidto sa teokratikong ideyal kan AT.

An implikasyon iyo na ini sarong kahadean nin mga ‘santo’ (banal) na kun saen an Dios iyo an talagang totoong Hade huli ta mimidbidon ninda an Saiyang mga deretsong reyal huli sa pagmidbid asin pagkamoot saiya.

An soberanyang ini, na nasukro kan kasalan nin pagrerebelde, i-aasertar giraray sa paagi nin sarong halangkaw na interbensyon sa parte nin Dios asin kan saiyang Mesias (Dn. 2:28+).

An interbensyon na ini, bilang pagsunod ki Juan Bautista (Mt. 3:2), na ipinapahayag ni Jesukristo bilang madali nang mangyari (Mt. 4:17,23; Lk. 4:43), magkakaigwa nin porma na bakong arog kan linalaoman kan kagabsan na sarong ma-triunfong rebolusyon kan nasyon (Mk. 11:10; Lk. 19:11; Gibo 1:6), kundi sa paagi nin sarong espirituwal na mobimyento (Mk. 1:34+; Jn. 18:36).

An trabaho ni Jesukristo nin pagbalukat bilang siya an ‘Aki nin Tawo’ (Mt. 8:20) asin bilang ‘Suruguon’ (Mt. 8:17+; 20:28; 26:28+) iyo an minabutas o minapalibre sa tawo hale sa paghahade ni Satanas na minakontra sa Dios (Mt. 4:8, 8:29+; 12:25-26).

Antes na maotob niya an saiyang ultimng reyalisasyon eskatolohikal kun saen an mga pinili makakaiba kan Ama sa kaogmahan kan saiyang langitnon na bangkete (Mt. 8:11+; 13:43; 26:29), an kahadean madatong na dai narereparuhan (Mt. 13:31-33). An simple niyang kapinunan magigin sarong misteryoso (Mt. 13:11) asin nagpapalaad nin oposisyon o pagkontra (Mt. 13:24-30), minadatong iyan an dai naririsa (Mt. 12:28; Lk. 17:20-21); an pagtalubo kan kahadean digdi sa daga maingkot (Mk. 4:26-29) asin nagtatrabaho sa paagi kan Iglesia (Mt. 16:18).

Huli kan paghatol nin Dios na uminabot sa Jerusalem, ipinundar iyan na may kapangyarihan bilang iyo an kahadean ni Kristo (Mt. 16:28; Lk, 21:31) asin ipiinaghulit sa bilog na kinaban kan mga misyonerong apostol (Mt. 10:7; 24:14; Gibo 1:3+).

Pag-abot kan oras nin Huring Paghukom (Mt. 13:37-43, 47-50; 25:31-46) an pagbalik na mamurawayon ni Kristo (Mt. 16:27; 25:31) iyo an magigin ultimong gawe na mapatiindog kan kahadean kun saen ini ipipresentar sa Ama ni Kristo (1 Co. 15:24).

Sagkod na dai dumatong an panahon na iyan, mapahiling an kahadean bilang sarong gratis na regalo nin Dios (Mt. 20:1-16; 22:9-10; Lk. 12:32), aakuon sana kan mga mapakumbabang dukha (Mt. 5:3; 18:3-4; 19:14,23-24) asin kan mga heneroso (matinao) Mt. 13:44-46; 19:12; Mk. 9:47; Lk. 9:62; 18:29minasunod), isisikwal kan mga mapa-abaw-abaw asin makasadiri (Mt. 21:31-32m, 43; 22:2-8; 23:13).

Mayong makakalaog diyan sagkod na mayo kan gubing na pangkasal na iyo an bagong buhay (Mt. 22:11-13; Jn. 3:3,5), asin bakong gabos na tawo an inaako (Mt. 8:12; 1 Co. 6:9-10; Ga. 5:21).

Kaipuhan na an saro dapat na magpuka tanganing magin handa kun iyan dumatong na dai linalaoman (Mt. 25:1-13).

V.      AN BALAGON/ARAK (bago asin lumang arak)

An balagon iyo an simbolo kan unyon, o pagkakasaro, sa payo sagkod sa mga miyembro.

Hilnga an Juan 15:5; 1 Jn. 1:3,5; Jn. 17:21,23.

An balagon igwa nin koneksyon sa bagong buhay na boot itao nin Dios para sa mga bagong komunidad, Rom. 11:16-24.

Pag-adal sa Bibliya No.

Tema: IV - Tataramon nin Dios

9 Hulyo 2000

A.      Sa mga Libro Historiko asin Kadonongan:

1.       Dt. 6:6-9 - Pagdangog, Israel, si Yahweh na satuyang Dios iyo an iyo-iyo mo sanang Kagurangnan. Kamotan mo si Yahweh na satong Dios sa bilog mong puso, sa bilog mong kalak, sa bilog mong kusog. Ining mga tataramon na sinasadol ko sa saindo ngonian dapat na makasurat sa saindong puso. Ulit-uliton nindo iyan sa saidong mga kaakian asin taramon mo iyan sa sainda maski nagpapahingalo sinda sa saindong harong o nagbibiyahe sa ibang lugar, sa saindong paghigda asin sa saindong pagbangon; dapat igakod nindo iyan sa saindong mga takyag bilang tanda asin sa saindong angog bilang turban; isusurat nindo iyan sa mga hamba kan saindong mga pintoan asin sa mga trangkahan kan saindong mga harong.

2.       Dt. 8:3 - Pinahababa niya kamo, ginutom, pinakakan niya kamo nin manna na dai nindo midbid ni kan saindong mga magurang, tanganig pasaboton kamo na an tawo dai sana nabubuhay sa tinapay kundi a tawo nabubuhay sa lambing bagay na minagikan sa nguso ni Yahweh. (Hilnga man an Dt. 18:18,21-22).

3.       Dt. 30:14 - Dai, an Tataramon haraning marahay sa saindo, yaon iyan sa saindong nguso asin sa saindong puso tanganing maotob nindo.

4.       Dt. 32:45-47 - Kan matapos na si Moises sa pagsaysay kan mga tataramon na ini sa bilog na Israel, nagsabi siya sainda, ‘Akoa an gabos na mga tataramon na ini sa puso nindo; inaapod ko sinda na magsaksi laban saindo. Pagbotan nindo an saindong mga kaakian na timoson asin otobon an gabos na tataramon sa Tugon na ini. Bakong mayong sarong kwentang bagay an ginigibo nindong ini, huli ta an Tugon iyo an saindong buhay, asin sa paagi kaiyan mabubuhay kamong halawig sa daga na saindong sasadirihon pakabalyo nindo sa Jordan. (Hilnga man an Dt. 32:2).

5.       1 Hde. 20:36 - Kaya nagsabi siya saiya, ‘Huli ta sinuhay  mo an pagboot ni Yahweh, sa oras na magtalikod ka sako sarong leyon an masiba saimo’. Kan oras na maghale siya tolos kan manabatan niy an sarong leyon na iyong guminadan saiya. (Hilnga 1 Hde 22:5)

6.       2 Kron. 3:16 - An Debir (Arka kan Tipan); gikan sa “dabar” (Tataramon).

7.       Sal. 19:3-4,10 - Mayong tanog man lamang, mayong tataramon, mayong tanog na madadangog nin siisay man; alagad an saindong boses nakakalibot sa bilog na kinaban, an saidang nareta sagkod sa mga poro kan daga. Mas magayon kisa bulawan, maski sa pinong bulawan; an mga tataramon niya mahamis pa kisa sa tangguli, maski an tangguling nagbubulos sa anira.  (Hilnga an Job 23:12; 33:14-30.

8.       Sal. 107:20 - Pinadara niya an tataramon asin pinaomayan sinda…

9.       Sal. 36:1 - An orakulo kan tampalasan na tawo iyo an kasalan diyan sa irarom kan saiyang puso; mayo nin pagkatakot sa Dios sa atubang jkan saiyang mata.

10.   Sal. 119:9.16 - Paano madamay na mabini an sarong hoben? Sa pag-gawe-gawe sosog sa isinasabi kan saimong tataramon…Nasusumpungan ko an sakong kaogmahan sa saimong mga pagbopoto, dai ko nalilingaw kan saimong tataramon. (Hilnga an Sal. 147:15,18/ 148:8).

11.   Tal. 8:22-31 - Linalang ni Yahweh an kadonongan. (Hilnga man an Tal. 19:16; 30:5).

12.   Kad. 9:1 - ‘Dios kan samong mga magurang, Kagurangnan nin pagkaherak, na huli kan saimomg tataramon linalang mo an gabos na baagy…” (Hip;nga an kad. 18:14-15).

13.   Sir. 24:1-22 - An Kadonongan nagtataram kan saiyang sadiring kaomawan, sa tahaw kan katiripunan pinagmurawayn niya an saiyang sadiri. Binubuksan niya an saiyang nguso sa iglesia (katiripunan) kan Kahuro-halangkawe, nagmumuraway kan saiyang sadiri sa atubang kan Sarong Makapangyarihan; ‘Gikan ako sa nguso kan Kahuro=halangkawe, asin tinahoban ko an daga siring sa dampog…’

14.   Sir. 42:15 - Sunod, boot kong pagiromdomon kamo kan mga trabaho nin Kagurangnan, asin isabi kun ano an sakong nahiling. Sa paagi kan tataramon nin Kagurangnan nangyari an saiyang mga trabaho asin minakuyog kan saiyang kabotan an bilog na linalang. (Hilnga man an Sir. 43:26; Gen. 1:1m; Sal. 33:6; Kad. 9:1,2; Jn. 1:1; Tal. 8:22).

B.      Sa mga Libro kan Profeta:

1.       Is. 40:8 - An doot naaalang, an burak napapara, alagad an tataramon kan satong Dios nagdadanay sagkod pa man. (Hilnga an Is. 45:19, 23).

2.       Is. 55:10-11 - Oho, siring na an uran asin an yelo dai nahuhulog sa langit asin dai minabalik na dai natutubigan an daga, pinapabunga iyan asin pimapatubo tanganing magtaong banhi para sa parasabwag asin tinapay para sa kakanon, siring man an tataramon na minagikan sa nguso ko dai mabalik sako na mayong laog, na dai nasunod an sakuyang kabotan asin naotob an isinugo kong gibuhon niya.

3.       Jer. 23:29 - Bako daw na an sakong tataramon nagkakaraba siring sa kalayo - si Yahweh an nagtataram - bako daw na garo sarong maso iyan na nagrurunot nin sarong gapo? (Hi;lnga an Jer 1:9; 8:8-9; Lam. 2:14).

4.       Jer. 5:13-14 - Ngonian gigibuhon kong sarong kalayo an sakong mga tataramon sa saimong nguso, asin gigibuhon kong mga sungo an banwaan na ini tanganing suluon sa kalayo. (Hilnga an Jer. 20:9).

5.       Zak. 1:5-6 - Haen na an saindong mga magurang ngonian? An mga profeta dawn a idto buruhay pa? Bako daw na an sakong mga tataramon asin mga pagboot, na binoot kong taramon kan sakong mga surugoon na profeta, iyo an naglusob kan saindong mga magurang?

6.       Ezk. 13:2-4 - Dangoga an tataramon ni Yahweh..

C.      Sa mga LIbro kan Evangelio:

1.       Mt. 24:35 - An langit asin an daga mapapara, alagad an sakong mga tataramon dai nanggad mapapara.

2.       Mt. 13:18-23 - Paliwanag dapit sa parabola kan Parasabwag.

3.       Mk. 4:14 - An isinabwag kan parasabwag iyo an tataramon.

4.       Lk. 9:11 - Kun siring, ini an gusting sabihon kan parabola: an semilya iyo an tataramon nin Dios.

5.       Lk. 3:2 - Sa panahon kan halangkaw na padding si Anas asin kaifas, an tataramon nin Dios uminabot ki Juan akin i Zakarias duman sa langtad. (Hilnga an Jer. 1:2; Ho. 1:1).

6.       Mt. 4:4 - Alagad nagsimbag siya, ‘Nagsasabi an kasuratan: Bako sanang sa tinapay nabubuhay amn tawo kundi sa lambing tataramon na minagikan hale sa nguso nin Dios’

7.       Jn. 1:1-5,9,14 - Sa kapinunan yaon na an Tataramon; an tataramon yaon na sa kaibahan nin Dios asin an Tataramon Dios na…An Tataramon iyo an tunay na liwanag na nagliliwanag sag abos na tawo; asin siya minadatong sa kinaban. Asin an Tataramon nagsa-laman, nabuhay siyang kaiba ta, asin nahiling ta an saiyang kamurawayan, an kamurawayan  na saiya bilang bugtong na Aki ni Ama, pano nin grasya asin katotoohan.

8.       Jn. 3:34 - Nin huli ta siya na sinugo nin Dios nagtataram kan sadiring mga tataramon nin Dios.

9.       Jn. 5:24 - Totoong sinasabihan ko kamo, an siisay man na nagdadangog kan sakong mga tataramon, asin nagtutubod sa saro na nagsugo sako, igwa nin buhay na daing kasagkoran; na dai na dadarahon sa paghukom, nakaagi na siya sa kagadanan pasiring sa buhay.

10.   Jn. 5:37-38 - Dawa pa, an Ama na nagsugo sajo iyo mismo an nagsasaksi para sa sako; dai lamang nindo nadangog an saiyang boses, dai lang nindo nahiling an saiyang itsura, asin an saiyang tataramon dai nakukuang estaran diyan sa saindo huli ta dai kamo nagtutubod sa saro na sinugo niya.

11.   Jn. 6:63, 67-71 - An espiritu iyo an nagtataong buhay, an laman mayo nin ikakatao. An mga tataramon a itinataram ko sa saindo iyo an espiritu asin sinda iyo an buhay…Dangan sinasabihamn niya an Dose, ‘Kamo man, gusto man nindo na magharale? Nagsimbag si Simon Pedro, ‘Kagurangnan, sa kiisay kami maduman? Yaon saimo an mensahe kan buhay na daing katapusan, asin kami nagtutubod; aram mi na ika an Sarong Banal nin Dios. Nagsimbag si Jesus, ‘Bakong pinili ta kamo, kamong Dose? Alagad saro saindo iyo an Diyablo.’ Boot niyang sabihon iyo si Judas na aki ni Simon  Iskariote, huli ta siya an tawo, an saro sa Dose, na iyo an matraydor saiya. (Hilnga an Jn. 8:47,51).

12.   Jn. 10:34-35 - Nagsimbag si Jesus: Bakong nakasurat sa Tugon nindo: Nagsabi ako, kamo mga dios? Kaya ginagamit kan Tugon an tataramon na mg adios duman sa inabotan kan tataramon nin Dios, asin dai puwedeng isikwal an kasuratan. (Hilnga an Jn. 14:23-24).

13.   Jn. 17:17 - Pakabanala sinda sa saimong katotoohan; an tataramon mo iyo an katotoohan.

D.      Sa mga Epostola (Mga Surat):

1.       Mga Gibo 6:2,4,7 - Kaya nagpaapod an Dose nin dakulang miting kan mga dispulo asin sinabihan sinda, ‘Bakong tama para sa samuya na mapabayaan mi an tataramon nin Dios tangani sanang magrasyon nin kakanon; mga tugang, magpili kamo diyan sa saindo nin pitong kalalakihan na may marhay na dangog, pano kan Espiritu Santo asin nin kadononganl itatao mi saindo an obligasyon na ini, asin mapadagos kaming madusay kan samuyang sadiri sa pamibi asin sa serbisyo kan tataramon. An tataramon nin Kagurangnan nagpapdagos na naglakop; mas lalong nadagdagan an bilang kan mga disipulos sa Jerusalem, asin sarong dakulang grupo nin mga kapadean naggibo kan saidang pagpasakop sa pagtubod.

2.       Gibo 7:38 - Kan ginibo ninda aasembleya sa disyerto na sa paagi sana ni Moises na an satuyang mga magurang nakipag-olay sa anghel na nagtaram saiya sa Bukid Sinai; siya an pinaniwalaan kan mga tataramon nin buhay tanganing itao man sa satuya.

3.       Gibo 12:24 - An tataramon nin Dios nagpadagos na naglakop asin nakakua nin mga parasunod. (Hilnga an Gibo 10:36; 19:20).

4.       Gibo 13:5,46 - Nagdoong siinda sa Salamis asin ipinaghulit an tataramon nin Dios sa mga sinagoga kan mga Hudiyo; katabang ninda si Juan…Dangan hayag na nagsabi si Pablo asin Barnabas sa sainda. Dapat na ikahulit nyamo sa saindong enot an tataramon nin Dios, alagad nin huli ta isinikwal nindo iyan, huli ta dai kamo nagiisip na maniningo kamo para sa buhay na daing kasagkoran, kaya maduman kami sa mga pagano.

5.       Rom. 10:8,17 - Sa positibong parte, nagsasabi iyan na, ‘An tataramon, na iyo an pagtubod na samong hinuhulit, haraning marhay sa saindo, yaon iyan sa saindong ngimot asin sa saindong puso.  (Hilnga man an 1 Co. 14:3, 36-38; 2 Co. 2:17; 4:2).

6.       Ph. 2:16 - Huli ta idinodolot nindo sainda an tataramon nin buhay.

7.       1 Tes. 1:6-8, 13-14 - An evanghelio : tataramon kan Kagurangnan, mensahe nin Dios laban sa kaisipan nin tawo.

8.       Heb. 1:1-4 - Sa dakul na beses kaidtong mga nakaaging panahon asin sa manlaen-laen na paagi, an Dios nagtraram sa satong mga magurang sa paagi kan mga profeta; alagad sa panahon nyato, sa huring mga aldaw, nagtaram siya sato sa paagi kan saiyang Aki, an Aki na pinili niyang magmana kan gabos, asin huli saiya ginibo niya an gabos. Siya an nagbabanaag na liwanag kan kamurawayan nin Dios asin an perpektong kopya kan saiyang naturalesa, pinapapusog an kinaban huli kan saiyang makapangyraihan na tataramon; asin ngonian na rinaot niya an ati kan kasalan, naghale siya tanganing magduman sa saiyang lugar sa langit sa toong klamot kan diosnon na Kamahalan. Kaya siya ngonian mas halangkaw pa sa mga anghel siring na an titulo na saiyang namana mas halangkaw pa kisa sa saindang mga ngaran.

9.       Heb. 4:12 - An tataramon nin Dios sarong bagay na buhay asin aktibo: minagurot iyan siring sa arin man na espadang doble an tarom alagad mas pino; minasalipit iyan sa lugar kun saen an kalag nababanga sa espiritu, o an mga ngalo-ngaloan sa hutok; minahatol iyan sa mga sekretong emosyon asin kaisipan.

10.   Stgo, 1:21-25 - Akoa asin magpasakop sa tataramon na itinanom sa saindo asin makakaligtas kan saindong mga kalag. Alagad dapat na gibuhon nin do an sisinasabi saindo kan tataramon, asin bako sanang magdangog kaiyan asin lokohon nindo an saindong sadiri. An pagdangog sa tatarmon dangan an dai pagkuyog iyo an pareho kan paghiling nindo kan saindong itsura sa sarong saklming asin dangan, pagkatapus nin madaling pagsirip, minahale tolos kamo asin linilingawan tolos nindo kun anong klase an itsura nindo.

11.   1 P. 1:23-25 - An saindong bagong pagkamundag bakong gikan sa arin man na semilyang mortal kundi hale sa daing katapusan na tataramon kan buhay asin daing kasagkoran na Dios. An gabos na laman sarong doot asin an saiyang kamurawayan arog kan sa lalaw na burak. An doot naaalang, an bural nahuhulog, alagad an tataramon nin Kagurangnan nagdadanay sakod pa man. Ano an tataramon na ini? Iyo ini an Evangelio na dinara sa saindo. (Hilnga an 2 P. 3:2, 3-7).

12.   1 Jn. 1:1 - Sarong bagay na yaon na magpoon pa sa kapinunan, na samong nadangog asin nahiling mismo kan samong mga mata; na samong dinalan asin nakaptan kan samong mga kamot: an tataramon, na siya iyo an - ini iyo an satuyang tema. (Hilnga an v. 10; 1 Jn 2:14).

13.   Apo. 1:2 - Asin isinurat ni Juan an gabos asin miansumpa siya na iyan an tataramon nin Dios na ginagaramntiyahan ni Jesukristo.

14.   Apo. 19:13 - An saiyang alikboy nasasagom nin dugo. Namimidbid siya sa saiyang ngaran, an tataramon nin Dios. (Hilnga an Is. 11:4; Kad. 18:16; Ho. 6:5; Apo. 1:16; 2 Tes. 2:8)