RITO SA PRIMERONG LAKAD

RITO PARA SA PRIMERONG LAKAD SA KATEKUMENADO

Introduksyon General:

Eksaktong duwang taon kan nagtalikod na bulan kan Octubre an nakaagi kan kan naglakaw kita sa peryodo nin Pre-Katekumenado sagkod ngonian na bulan nin Disyembre 1999, nag-abot sato an imbitasyon kan satong Inang Sta. Iglesia na lumaog na kita sa puwerta kan saiyang tulak tanganing seryosong punan an pagpormar satuya na magin bagong linalang na iyo an sarongaki nin Dios sa paagi kan bautismo sa tubig asin espiritu (Jn. 3:5). Kun baga sa sarong aking omboy na binabados sa laog kan tulak nn saiyang ina, an mangyayari saindo sa laog kaining Primerong Lakad sa Katekumenado iyo an pormal na pagdokot sa lanob kan matris nin Inang Sta. Iglesia.

An Pre-Katekumenado na babayaan nyato iyo an peryodo kun saen ipinahiling nyato an pagka-aspirante para sa lubos na pagigin estudiante o paradangog kan tataramon nin Dios. Sa peryodong nagtalikod pa sana, an nangyari iyo an paglinaw kan labi sa treytang doctrina o bagay na yaon sa relihiyon na nagimatan tanganing masabotan na marhay. Sa paagi nin bukas na diskusyon asin pag-aadal kan mga doktrinang in isa liwanag kan Bibliya, haros nakua nyato an tamang doctrina nin Dios dapit sa mga temang tinukas sa Pre-Katekumenado. Mantang inako nindo an mga paliwanag kan Bibliya dapit sa mga mahalagang doktrinang ini, ngoniang ipinahayag nindo na handa na kamo sa pagpadagos kan saindong pag-aadalan sa halangkaw na antas kan Bibliya.

Sarong mahalagang pangyayari sa laog kan Pre-Katekumenado iyo an pag-ako nindo nin mga bagong kristyanong nagran/ Nanodan nyato na an bagong ngaran iyo an nagpapahayag kun ano klaseng bagong persona kita na Iowa nin bagong atitud sa buhay. Kaya, kan mag-ako kamo nin bagong ngaran, ipinahayag nindo an saindong candan na mag-bago kan saindong pagkatawo, isip asin ugali, sosog sa bagong ngaran an inako. An pangyayaring ini iyo an saro sa mahalagang tanda sa dalan kan pre-katekumenado. An bagong ngaran na iyan na saindong dara asin gagamiton magpoon ngonian sa laog kan komunidad na ini iyo man an ngaran na itinala nindo sa libro nin buhay.

Ngonian na bangi,sa paagi kan ritwal na satong gigibuhon, pormalmente asin permanenteng pipintoon nyato an pre-katekumenado asin bubuksan nyato an sarong pwerta tangannfg maglaog kamo sa katekumenado bilang mga katekumen o paradangog kan tataramon nin Dios.

Alagad, antes kan seremonyas, tolong Sabadong hapon asin bilog na aldaw kan Domingo kitang nagsagibo nin Convivencia kun saen an lambang sarong Domngo idininedikar nyato sa pagtao nin katekesis para sa tolong tema na iyo an Pagtubod, Kayamanan asin Buhay na Daing Kasagkoran. Digi sa toong katekesis na ini dinara kamo sa sarong buhay na apresasyon asin ekperyensya kan tolong kalidad nin pagkakristyano na iyo an Pagkamot, Kagayagayahan sin Magabat na Trabaho, na iyo man an kalidad na ootobon nindo sa saindong buhay sa laog kaining sarong taon magpoon digdi sa Primero sagkod sa Ikatolong Lakad sa Katekumenado. Sa paagi kan tolong katekesis nanondan nyato na an Pagkamoot dara sana kan tunay na Pagtubod, na an Kagayagayahan nangyayari sana kun minapabakal kita kan satong kayamanan, asin an magabat na trabaho iyo sana an magtatao sato kan buhay na daing kasagkoran. Sa tolong karakter na ini nabibilog an mga sangkap para sa buhay na daing kasagkoran na iyo an paguugali nyato para sa primerong Lakad.

Kaya, ngonian na banggi, gigibuhon nyato an seremonyas o mga ritual sa atubang kan publiko para sa Primeorng Lakad. Sa laog kan mga ritual na ini ipapahayag nindo an saindong candan na maglakaw sa tolong bagong kalidad na ini, na iyo an pagkamoot na dara kan saindong magurang na pagtubod sa Dios, an kagayagayahan na dara kan saindong pagpabakal kan saindong kayamanan tanganing magbakal kan kayamanan sa langit, asin an magabat na trabaho na iyo an pagsakat nindo sa kahoy nin buhay kan cruz ni Jesucristo na iyo an paagi na makalaog kamo sa buhay na daing kasagkoran, sa imortalidad asin eternidad. Sa toong remisitos na ini para sa Primerong Lakad ipinahiling nindong maootob sa saindong buhay, gigibuhon an saindong paguugali asin gawe-gawe sa laog nin sarong taon sa tolong sangkapo na ini. Pagkatapos kan paggibo nindo nin mga kapangakoan, itatao saindo kan Inang Sta. Iglesia an saiyang mga pamibi, an exorcismo o pagpapalayas kan mga demonyo sa saindong buhay, asin an tanda kan cruz sa saindong angog bilang sarong pangako para sa buhay na daing kasagkoran.

Tanganing Malinas na mailing nindo ini, an satobng selebrasyon ngonian na banggi babangaon sa tolong parte.

An enot na parte

An ikaduwang parte

An ikatolo asin ultimong parte

An lambang parte pupnan nin sarongpagbasa hale sa Evangelio na susundan nin sarong halipot na homiliya kan Presidente, kun saen ipapaliwanag niya an tataramon nin Dios sosog sa kahulugan kan seremonyas na masunod.

Kun handa na an gabos, matibndog na kita para sa awit sa pagpoon.

PARTE I. PAGTUBOD

Monisyon

Babasahon: Gn. 15:1-21.

Homiliya kan Presidente.

Awit; TO YOU GLORY AND PRASIE, p. 73, o AKEDAH, p. 140.

PAMBUNGAD NA DIALOGO (RCIA 75, SABM, p. 881)

(Saro-sarong aapudon an ngaran, asin madulok sa Presidente).

P. Ano an ngaran mo?

K. N. (Itao an bagiong ngaran an kristyano).

P. N., ano an hinahagad mo sa Inang Sta. Iglesia? O Ano an saimong hinahagad? Ano an tuyo mo digdi? Ano an dahelan kun tano ta napagdigdi ka?

K. AN PAGTUBOD. (o An biyaya ni Cristo, o an Paglaog sa Sta. Iglesia o An buhay na Daing Kasagkoran).

P. Ano an itinatao kan pagtubnod saimo?

C. BUHAY NA DAING KASAGKORAN (o Imortalidad, o An Eternidad, o An Paglaog sa daing tapos na panahon).

P. N., kun nagmaamwot ka na makalaog sa buhay, otoba an katugonan: kamotan mo an Kagurangnan saimong Dios sa bilog mong isip, sa bilog mong puso asin sa bilog mong kusog, asin an saimong kapwa siring kan pagkamoot m osa sadiri mo man sana (Mt. 19:17, 22:37-39).

K. AMEN.

Awit: ABRAHAM, p. 3.

PAMIBI: SABM, p. 357, No. 3.

PARTE II. PAGPAHAYAG KAN MGA ENOT NA PANUGA

Monisyon:

Babasahon: LK. 18:18-30.

Homiliya kan Presidente

Awit: THE SOWER

AN MGA ENOT NA KAPANGAKOAN O MGA PANUGA:

(Saro-sarong madulok sa Presidente sosog sa naenot na lista)

P.      Liniliwanagan nin Dios an lambang tawo na minadigdi sa kinaban. Sa paagi kan kinaban na saiyang linalang, ipinabarang niya an saiyang dai barang na mga nangangalasan kan saiyang pagkamot tanganing makanood an tawo na magpasalamt sa saiyang kaglalang.Nagsunod famosa saiyang liwanag. Ngonian an dalan para sa evangelio nagbukas sa atubang nindo. Nagiimbitar saindo na magkaigwa nin sarong bagong kapinunan na mamidbid sa Dios na buhay na nagtataram kan saiyang mga tataramon nin katotoohan sa mga tawo. Inapod kamo na maglakaw sa liwanag ni Cristo asin magsarig sa saiyang kadonongan. Hinahagad  niya saindo an magpasakop kamo saiya padagos asin magtubod kamo sa bilog nindong puso. Iyo ini an dalan nin pagtubod na gigiyahan niya kamo na may pagkamoot pasiringsa buhay na daing kasagkoran.Handa ka daw ngonian na maglaog sa dalan na ini sa pamamayo ni Cristo asin magbaya kan gbos na nagimatan asin nanodan mong gawe-gawe para sa daga na pangako nin Dios saimo ngonian?

K. OPO, HANDA PO AKO.

P. Linalang nin Dios an kinaban asin kitang mga tawo; sa saiya nagkakaigwa nin buhay asin kabuhayan an gabos na linalang. Pinapano niya nin liwanag an satuyang mga isip tanganing mamidbidan asin magsamba kita saiya. IPinadara man niya an sarong maimbod na saksi, si Jesucristo, tanganing ipahayag sato an saiyang parehong nahiling sa langti asin sa daga. Napano kamo nin dakulang kaogmahan sa pagdatong ni Jesucristo. Ngonian iyo an panahon na madadangog nindo mismo an saiyang mga tataramon tanganing magkaigwa kamo nin buhay na daing kasagkoran sa paagi nin pagpoon, kaiba nyamo, tanganing mamidbidan nindo an Dios asin mamomtan nindo an saindong kapwa. Handa ka daw sa tabang nin Dios, na mabuhay na arog kaining pagkabuhay, na ibinugtak mo an saimog kayamanan sa langit sa paagi nin pagpabakal kan saimong pagsasadiri asin mga kayamanan digdi sa daga tanganing maglimos sa mga ducha asin sinda iyo an saimong magin kayamanan?

K. OPO, HANDA PO AKO.

16. Iyo ini an buhay na daing kasagkoran: na mamidbid nindo an tunay na Dios asin si Jesucristo na saiyang sugo. Si Cristo binangon-liwat sa kagadanan asin pinili nin Dios na magin príncipe nin buhay asin Kagurangan nin gabos na linalang asin mga bagay, barang  asin dai barang. Kun talagang  mawot nindo na magin saiyang mga disipulo asin miembro kan saiyang Sta. Iglesia, dapat na makalaog kamo sa pagtalubo sa katotoohan na ipinahayag niya sato. Dapat na makanood kamo na mapasaindo asin masadirihan nindo an pagiisip nin Cristo. Dapat na magma-igot kamo na ikabagay asin masunod nindo an mga katukdoan kan evangelio sa saimong buhay, na an boot sabino, mamotan nindo an Kagurangnan na saimong Dios, sa bilog mong isip, sa bilog mong puso, asin sa bilog mong kusog asin an saimong kapwa siring sa sadiri mo man sana, huli ta iyo ini an tugon ni Cristo, asin tinawan nia kita nin sarong aarugan. Uyon ka daw sa gabos na ini asin nangangako ka na mahanap asin maako nin mga magabat na trabaho para sa ikabubuhay nindo tanganing makisumaro sa kruz ni Cristo, mamooot sa iba sagkod sa pagkagadan, tanganing mglaog sa buhay na daing kasagkoran?

K. OPO, NANGANGAKO AKO.

AN PAGHANGOS KAN ESPIRITU SANTO:

P. Lumayas ka diyan saiya, maraot na espiritu, asin tawan nin lugar an Espiritu Santo, an Pararanga (Isinasabi ini mantang itinutukdo an katekumen. Dangan hinahayopan an lalawgon kan lambang katekumen, mantang sinasabi an:

P. Hangosan an saimong Espiritu, Kagurangnan, asin palayasa an mga espiritu nin karatan: pagboti sinda na lumayas, huli ta an kahadean mo harani na.

P. Mamibi kita: (An pamibi na yaon sa RCIA, no. 82, p. 44).

Awit, NO ONE CAN SERVE TWO MASTERS, p/. 132.

PARTE III. AN TANDA KAN KRUS

Monisyon

Babasahon: LK. 10:25-28

Homiliya

Awit: THE GLOROIUS CROSS, p. 141.

AN PAGTAO KAN TANDA KAN KRUS SA MGA ANGOG:

(Saro-sarong madulok giraray an mga katekumen sa Presidente tanganing mag-ako kan tanda kan krus sa saindang angog).

P. N., Ano-ano an mga krus mo ngonian sa buhay?

K. ...

P. Ano an kahulugan kan mga krus na ini kun aakuon mo?

K. BUHAY NA DAING KASAGKORAN.

P. N. Akoa an tanda kan krus sa saimong angog: huli kan tandang ini kan saiyang pagkamoot (kapangganahan) ni Cristo iyo an saimong magin kusog. Makanood ka ngonian na midbidon asin magsunod saiya.

K. AMEN.

P. Pamibi kita (An pamibi na yaon sa RCIA. No. 87, p. 46).

Awit: THE WEAPONS OF LIGHT, p. 135.

PART IV. AN PAGLAOG SA INANG STA. IGLESIA

P. (N. asin N.), maogmang inaako nyamo kamo pasiring sa laog kan INang Sta. Iglesia tanganing maghiras kaiba nyamo sa lamesa kan tataramon nin Dios.

Awit: ALL THE KINGS SHALL SEE YOU, p. 126.

PAMIBI PARA SA PAGTAO SA PANGANGATAMAN SA INANG STA. IGLESIA, RCIA, no.

                              

PAMIBI NIN BANWAAN na tatapuson kan Ama Niamo..  

Tanda nin katoninongan

Awit: JERUSALEM REBUILT AGAIN

Huring Pamibi asin Bendisyon,