PENTECOST CELEBRATION 2001

ESCUELA CATEKUMENAL

(Catechumenla School)

Province of Camarines Sur and Albay

PENTECOST CELEBRATION

Overnight Vigil and Outing

2-3 June 2001

Agomaa Resthouse

Duang NIog, Libmanan, Camarines Sur

and

Pongol Beach Resort

Pasacao, Camarines Sur

Theme: PENTECOST: Whose Birthday Is it?

                After the gospel reading, all sit for the echoes of the Word of God by the members of the community.

                The members of the community will have all the chance and opportunity to speak before their assembly, about what they think or feel about the occasion and its theme: “Pentecost: Whose Birthday is it?” because Pentecost is the birthday of their Church.

                The theme, “Pentecost: Whose Birthday is it?” presupposes that every brethren in the assembly knows already that the feast is the birthday of the Christian Church. Otherwise, before anything else in the homily, it is wise to tell the brethren, especially the new ones, what the Christian feast of Pentecost is all about, what it means and that it is the birthday or inauguration of the Christian universal Church of God.

                Since Pentecost Day for all Christians is supposed to be the birthday or inauguration of the Christian universal Church of God, the sharing of the brethren will give us some clues or hints about their understanding and experiences of the Church, and how they live and perceive their life within her reality by going back to the memory of their first moment of encounter and knowledge of her call.

                Then, follows the homily of the president of the assembly.

                Based on the theme, the president’s homily must clarify the point which church is supposed to be celebrating her birthday today, and make a clearer distinction between the institutional church, which is the church of the leaders, and the charismatic church, which is the church of the people, and the urgent need to properly put them together in their proper places for the effective and vibrant life of the Universal Church of God in the modern world.

                The members of the community can start by sharing how, when and where they were called to be members of the Church of God.

PENTECOSTES: KIISAY NA KUMPLEANYO INI?

(Pentecost: Whose birthday is it?)

               

                Kan kamo nagsi-share dapit kan mga eksperyensya nindo kun paano, kasuarin asin saen kamo inapod o nakalaog sa primero sa Sta. Iglesia, arin dawn a Sta. Iglesia an nasa isip o an iniisip nindo?

                Importanteng malinaw sa isip nyato kun siisay o arin na Sta. Iglesia nin Dios o simbahan an nagbi-birthday ngonina nates na kita magselebrar kan saiyang kumpleanyo ta tibaad an aram nyatong nagbi-birthday ngonian yaon diyan sa balyo o sa ibang harong asin mayo man digdi kaiba ta.

                Arin dawn a Sta. Iglesia o simbahan an may birthday ngonian?  (Ask some members of the assembly to speak again and ask some answers to the question, just to be able to clarify your point and to give everyone another chance to think very well about the point before venturing to give any answer. This will make them own whatever point you want to make by way of an answer.)

                Arin baya na Sta. Iglesia an may birthday, nin huli ta kadakul na Iglesia an aram kan mga tawo ngonian na panahon? Igwa nin iglesia nin Dios ki Kristo Jesus? Igwa nin Iglesia ni Kristo? Igwa nin Iglesia Katolika Romana? Igwa nin Iglesia Ortodoks sa Subangan? Igwa nin Iglesia Baptista? Igwa nin Iglesia Episcoapl Anglikana? Igwa nin Iglesia Sabadista Adbentista? Igwa nin Iglesia kan mga Santo para sa  Huring Aldaw? Igwa nin Iglesia ni Yehovah. Igwa nin Iglesia ni Jesus na may Krusada nin Milagro. Igwa nin iglesia para sa ikaapat na Pagpuka. Asin kadakul pang iba. Arin sa mga ini an nagbi-birthday ngoian na aldaw nin Pentecostes? (After all the answers taken from the eldest brothers to the youngest members of the  community, the proceed with the homily.)

                Tamang simbag sa hapot: an Iglesia Karismatika. Asin, kun siring, arin naman an iglesia karismatikang ini?

                An Iglesia Karismatika inaapod man sa iglesia Pentecostal nin huli ta iyo ini an iglesia na namundag o pinag-inagurar kan aldaw nin Pentecostes kan mga kristyano. Kun siring, iyo ini an iglesia na may birthday ngonian na aldaw.

                An Iglesia karismatika dinidistingir sa Iglesia Institusyonal sa arog kaining sistema (konsepto):

 

                Sa eskimang ini, malinaw na an buhay na hale sa Dios minadagos pasiring sa maniba-ibang sekta o indibidwal na iglesia sa paagi kan karisma asin bakong sa institusyon.

                An karisma iyo an itinao kan Espiritu Santo sa mga miyembro kan Iglesia kaidtong enot na kristianong Pentecostes tanganing an mga ini iyo an magbalangibog asin magdara kan katukdoan, doktrina o adal ni Kristo sa mga tawo digdi sa kinaban sa paagi kan institusyon.

                An iglesia karismatika nahuhulog sa pagigin sekta asin pagka-institusyon sa pagkaregulisado asin nakasentro sa mga lider, sa pagprioridad kan instutusyon asin pagkonsentrar sa organisasyon, na nagigin mayeryoso asin makatawo, na nagdadagos sa daganon asin manipestadong reyalidad kun ini  nalalaogan asin sinasalakay nin pulitika asi natural na pagkarelihiyosa. 

                Ano an pagtubod asin an natural na relihiyon?

                An pagtubod iyo an pagsunod sa Dios sa paagi kan saiyang mga tataramon, viz., pagsaway asin pina, mga katugonan asin pagboot, asin an saiyang mga kapangakoan asin panuga.

                An pagtubod iyo an tanda na an tawo nasa kapangyarihan asin nasasakopan nin Dios. Kun siring, an tawong iyan nasa Iglesia nin Dios huli kan pagtubod.

                An pagtubod sa Dios nagpoon ki Abraham asin sa mga kapag-arakian ni Israel.

                Alagad an Sta. Iglesia primerong nagpoon duman sa Iglesia sa langtad o disyerto (Latin “solitudo”  = eremus, Spanish yermo = hermita), na sinabi ni San esteban sa saiyang argument na “Kan giniribo ninda an asembleya sa disyerto nagin sanang sa paagi ni MOises nakipagkomunikar an satuyang mga kapungalan sa anghel na nagtaram saiya sa Bukid nin Sinai; siya an pinag-enkarguhan kan mga tataramon nin buhay na idadakit niya sato” (Gibo 7:38).

                An iglesiang ini sa disyerto pinaghiligan kan Espiritu Santo nin Dios, sa paagi nin pagwaras asin paghiras kan espiritung yaon ki Moises duman sa setentang mga kamagurangan (Bilnag 11:24-30).

                An iglesiang ini, enot pinamahalaan ni Moises bilang sarong karismatikong lider asin lehislador. Dangan kan mga hukom magpoon ki JOsue sagkod ki Samuel. Asin kan panahon kan mga hade nin Israel an mga profeta iyo an nagbubuhay asin namamahala sa Iglesia duman sa disyerto sagkod na nawara an mga profeta asin nawara o natahoban an iglesia nin Dios nin natural na relihiyon kan Judaismo, asin an mga tawo nagkawararak (Ez. 34:5), na huli kan pagkawarak asin pagkawara kan mga tawo, an Iglesia napukan (Amos 9:11, Gibo 15:14-17, Mt. 15:24, 10:6). Dangan sa pag-abot ni Jesus sinabi niya na “Asin sa gapong ini papatindugon ko an sakong iglesia” (Mt. 16:18). Pinatindog giraray ni Jesukristo an Iglesia nin Dios sa pamamayo niya (Dt. 18:18; Gibo 3:22; Dt. 7:6; Jer. 23:5; Zak. 6:12; Apo. 22:16; Ef. 5:23; 1 Co. 11:3).

                An Iglesia in Dios sa Bagong Tipan iyo an iglesiang pinamamayohan ni Jesukristo asin pinamamahalaan niya iyan bilang saiyang Hawak (1 Co. 12:27-28, Ep. 4:11-13) (Hilnga man an “System Theory”). An hawak na ini winarasan niya nin mga balaog nin pagka-apostol sa iba, sa iba, profeta; sa iba, ebanghelista; sa iba, mga pastor asin paratukdo; asin iba pa, tanganing an mga banal sarabay na magin saro sa trabaho nin paglingkod sa pagpatindog o pagpatalubo kan hawak ni Kristo.

                Alagad, tresiyentos may kabangang taon pagkalihis kan pagkapatindoga liwat ni Jesukristo an Iglesia nin Dios, ini sinalakay liwat nin natural na relihiyon durante kan panahon ni Emperador Konstantin, kan tinawan niya nin  proteksyon asin opisyal na pagmidbid an Iglesia nin Dios sa saiyang Emperyo.

                Pagkatapus kaini, nahulog tolos sa pagka-sekta-sekta an iglesia sa duwang grupo; sa subangan, an Iglesia Ortodoks, asin sa sulnupan, an Iglesia Katolika Romana. Hale sa duwang ini, naggikan an iba pang mga sekta nin kristyanong relihiyon sagkod sa panahon ta ngonian.

                An pangapodan kan Konsilyo Vatikano Segundo iyo na magbalik kita sa Iglesia kan Bagong Tipan; boot sabihon, an Iglesia na yaon sa BIbliya. Ini yo an sarong pangapodan na magbalik sa pagka-iglesia karismatika asin iglesia na yaon sa pagtubod asin bakong yaon sa natural na pagkarelihiyon.

                Iyo ini an iglesiang may-birthday ngonian, na iyo an Iglesia Karismatika o Pentekostal na nagbutwa sa kinaban bilang sarong hawak ni Kristo na an trabaho iyo an paglingkod.

                An karismatikong Iglesiang ini na namudag asin nag-inagurar kan enot na Pentecostes nin mg akristyano iyo an inaapod na Iglesia kan Bagong Tipang, sosog sa pag-apod kan Konsilyo Vatikano II, na an Iglesiang iyan iyo an simbahan o iglesiang nababasa asin nakukua sa Bibliya (Gibo 20:28, 1 Co. 1:2+, 10:32, 11:16,22; 15:9, 2 Co. 1:1; Ga. 1:13, 1 Th. 1:4; 1 Tim. 3:5,15) o an “Iglesia ni Kristo” (Rom. 16:16, Mt. 16:18, Gibo 5:11+).

                An iglesiang ini nagpoon kan saiyang eksistensya kaidto pa sa iglesia sa disyerto,pinag-inagurar ni Jesukristo kan enot na aldaw nin Pentecostes kan mga kristyano.

                Kaya, sa hapot na “Sa kiisay na Sta. Iglesia an nagbibirthday ngonian, iyan iyo an Iglesia Karismatika, asin bako an Iglesia Institusyonalisada. An birthday kan Iglesia Institusyonalisada iyo an aldaw na tinawan nin opisyal na pagmidbid kan Emperador Konstantin an iglesiang ini kan taon na 316 A.D., tresyentos na taon pagkatapus na nainaguraran ni Jesukristo an saiyang Sta. Iglesia karismatika.

                Idtong mga tawo na namimintas sato ngonian, inosente sinda kan satuyang kamugtakan asin ginigibo na iyo an pagbangon asin pagbuhay liwat kan iglesia karismatika na iyo an Iglesia Pentekostal para sa satuyang insitutusyonalisadong Iglesia.

                Sa pagsambit nyato kan IGlesia Karismatikang ini, dai kita minasabi na igwa ni duwang klaseng iglesia kundi sinasabi sa sasarong Iglesia nin Dios nagkakaigwa nin duwang klaseng itsura o lalawgon nin huli ta apesar na dating iglesia nin ni Kristo, ini nahulog sa pagka-iglesia nin mga tawo sana. Kun siring, bako nang iglesia nin Dios na pinundar nin Dios na mabuhay sosog sa saiyang espiritu o tataramon (si Jesukristo), kundi Iglesia nin mga tawo n asana, nin huli ta institusyonalisado nang marhay, na nabubuhay sosog sa mg atradisyon asin reglamento nin mga tawo (sosyedad sibil).

                Seguro magigin mas malinaw an puntong ini na sinasabi ko kun magamit kita nin sarong imahen o retrato, an sarong poon nin kahoy. “Inosopan niya sinda nin saro pang parabola, ‘An  kahadean nin Dios nakakapareho sa sarong pisog nin mustasa na kinua nin sarong lalaki asin inihasok sa saiynag oma. Iyan an pinakasadit sa gabos na klase nin mga pisog, asin kun iyan nagtalubo na nagigin iyan an pinakadakulang tinanom asin nagigin sarong kahoy tanganing dinadapoan iyan kan mga gamgam sa ayre asin minapaili sa saiyang mga sanga’” (Mt. 13:31-32, Hilnga man an Mk. 4:30-32, Lk. 13:18-19).

                An kahadean nin Dios (=iglesia=asembleya=kongregasyon=pemilya=remnant=piniling banwaan=kolonya=harong=aripunon=komunidad nin Dios). Ipinapareho ni Jesukristo sa sarong pisog nin mustasa na, pagnagtalubo na, nagigin pinakadakulang kahoy sa oma.

                Kun siring, an Sta. Iglesia kapareho an kamugtakan sa sarong kahoy. Iyan hale sa sarong sadit na pisog, o semilya, na kun itinatanom sa daga iyan minatubo sagkod na magin sarong dakulang kahoy na pinapakinabangan kan ibang mga linalang.

                Arog man kaini an Sta. Iglesia. Hale iyan sa sarong sadit na pisog, na iyo an inihahasok nin Dios sa saiyang tataramon kan kahadean (Mt. 13:19), o an mga miyembro kan kahadean (Mt. 13:38). Hilnga man an 1 P. 1:23,25.

                An pisog na ini nagigin sarong dakulnag kahoy. Kun dakula na an kahoy, paano mo maaaraman kun an pisog na tinanom mo sarong pisog nin manga, o kamatis, o limonsito? “Maaraman nindo iyan sa paagi kan saindang mga bunga. Makakaguno daw an mga tawo nin ubas sa mga tunok, o nin higos sa mga katutunukan? Sa kaparehong paagi, an marhay na kahoy mabunga nin marhay na bunga asin an lapang kahoy nabunga nin mga lapang bunga. An marhay na kahoy dai mabunga nin lapang bunga  o an lapang kahoy mabunga nin maraot na bunga. Arin man na kahoy na dai nagtatao nin marhay na bunga pinapalod asin isinusugba sa kalayo. Ootrohon ko, maaraman nindo sinda huli kan saindang mga bunga” (Mt. 7:16-20).

                Siring man, maaraman nindo an sarong iglesia kun an iglesiang iyan sa Dios o bakong sa Dios sa paagi kan saindang mga bunga,  mga miyembro, sa klase kan saindang mga miyembro. Kun an iglesiang iyan, an mg amyembro makikuwarta, kun siring bakong sa Dios iyan kundi iglesia ni Mamon. Kun an iglesiang iyan igwa nin mga miyembro na sinsro sa pagsunod asin pag-otob kan mga tataramon, adal asin mga pagpina nin Dios, kun siring, an iglesiang iyan yaon sa Dios.

                Digdi na kita sa duwang komposisyon kan satuyang Sta. Iglesia. Kun ibabaing nyato sa sarong poon nin kahoy, na institusyonalisadong Iglesia nakakabaing sa sarong gurang nang marhay na kahoy, na an mga singsing sa laog garatak ain dai na nagbubunga asin tigiltilon na.

                An karismatikong Iglesia sa sasarong Sta. Iglesia iyo an hoben na kahoy na pano-pano nin buhay asin bunga asin an orihinal na pisog na yaon sa laog kan kahoy (esensya kan kahoy).

                An duwang komposisyon na ini, an institusyon asin an karisma, dapat na yaon sa laog kan Sta. Iglesia; an institusyon iyo an nagtataong orgnaisasyon o estrutura o eskeloton, mantang an kasrisma iyo an espiritung nagtataong buhay, liksi asin kagayagayahan.