POINTERS FOR PASSOVER 2000

SOME POINTERS ON THE FOUR HOMILIES OF PASSOVER CELEBRATION 2000

Theme: FROM FASTING TO FEASTING (Hale sa Pag-ayuno pasiring sa Pagpipiyesta)

PRIMERONG HOMILIYA

An Primerong tolong Babasahon, na hale sa mga libro historikal, nagtatao sato kan tolong monumental na trabaho sa kasaysayan kan Pagligtas (pagbalyo) kan tawo:

1. An paglalang (Enot na Babasahon)
2. An pagsakripisyo ki Isaak (Ika-duwang Babasahon)
3. An pagbalyo sa Dagat Pula (Ika-tolong Babasahon)

An tolong babasahon na ini igwang katuyuhan tanganing mapunan an paghorop-horop nyato dapit sa pinaka-angay na katuyuhan kan gabos na pag-aadal asin siyensya nin tawo, na iyo pagdiskubre asin pag-aram kan saiyang sadiri, kun ano siya bilang tawo.

Tinatabangan asin tinutukdoan kita kan Inang Natura tanganing madiskubre asin mamidbidan nyato an satong sadiring pagkatawo. Tinutukdoan kita kun tano ta yaon kita digdi nabubuhay sa ibabaw nin daga, napapalibotan nin gabos na bagay, nin mga linalang, sa langit asin sa daga. Tinutkdoan kita kan Inang Natura na an gabos na bagay na linalang padagos na namumundag asin nagagadan asin nabubuhay-liwat, an dapit sa pagkamundag asin pagkamundag-liwat kan gabos na bagay sa Inang Natura.

Tinutukdoan asin dinadara kita kan Inang Natura sa pagkadiskubre na an tawo iyo an sarong linalang na namundag digdi sa daga tanganing magadan asin mamundag-liwat, o mabuhay-liwat, siring sa nangyayari sa gabos na bagay sa natura. Anuman na materya dai nawawara kundi minasangle sana nin bagong porma asin bagong katuyuhan sa buhay.

Alagad an pundamental na reyalidad sa buhay nin tawo iyo na an pagkagadan saro man sanang parte kan katotoohan dapit kan saiyang sadiring pagkatawo. Nakadestino man kita para sa pagkamundag o pagkabuhay-liwat pagkatapus kitang magadan o mawaran nin hinangos. Yaon digdi nabubugtak an imortalidad nin tawo: an saiyang eksistensya bilang sarong indibidwal na linalang nakakabalik sa ibang porma asin katuyuhan maski pirang beses siyang magadan or mawaran kan presenteng buhay.

Kaya, duwang elemento an minabilog kan satong pagkatawo: an moral, asin an imortal na elemento. An mortal na elemento iyo an elementong magagadanon sa tawo. Alagad an imortal na elemento iyo an magdadanay sagkod pa man.

Máhalaga para sa sato na, mantang nabubuhay pa kita sa ibaba nin daga na madiskubre nyato kun ano asin kun haen saen ta makukua an imortal na elementong ini kan satong pagkatawo.

An halangkaw na kamawotan kan kristyanismo iyo na darahon an gabos na tawo sa pagkadiskubre kan bunga kan resureksyon, o kan pakamundag-liwat, o pagkabuhay-liwat, tanganing ngonian mismo makamtan an pakabuhay-liwat ni Cristo mantang kita buhay pa digdi sa daga asin darahon kita sa kapahayagan kan mga nakatagong sekreto o misteryo kan kristyanong pagkabuhay, na iyo an kapahayagan kan satong tunay asin totoong mga sadiri.

1. Paglalang kan kinaban (The Christian World View)

An pundamental na katukdoan kan Enot na Babasahon, sa estorya kan Paglalang kan kinaban, iyo an ipatalastas sa tawo an dapit sa ginikanan kan Inang Natura, kun saen siya naghale, kun pano siya buminutwa asin kun saen siya mapuli.

Parte kan katukdoan na ini dapit sa ginikanan kan Natura, iyo an ginikanan kan tawo na kaiba sa paglalang kan Natura. Kun siring, an tawo kaipuhan na magmidbid kan katuyuhan asin kan kabotan kan saiyang Kaglalang, siring na an Natura nagkukuyog asin nagsusunod sagkod sa pinakasadit na detalye kan mga katugunan kan saiyang Kaglalang tanganing dai mapasala o maraot an katuyuhan kan paglalang saiya.

Pano linalang an kinaban? May sinasabi an babasahon dapit sa paglalang.

Siisay an naglalang kan kinaban? An Dios.

Siisay an Dios? An Dios iyo an payo o utak kan Inang Natura na iyo an saiyang puso (agom, pamilya, eerokan), asin an gabos na linalang iyo an saindang enterong hawak.

Pano naglalang an Inang Natura? Sa paagi nin pagpasulpot o pagmundag kan manlaen-laen na bagay digdi sa uniberso. Alagad, an gabos na naimundag kan Inang Natura nagsusunod kan lehe nin hirarkiya o ebolusyon sa saindang paguswag. An lehe nin hirarkiya o ebolusyon nagpapahayag kan natural an eksperyensya kan ekspansyon asin kontraksyon, na daing iba kundi an pagkamundag asin an pagkagadan asin an pagkabuhay-liwato an Pagkagadan asin Resulreksyon, na an kahulugan iyo “an menos o sadit iyo an pirmeng katadestinong mag-mayor o magdakula, asin an dakula iyo an nakadestinong magin sadit o menos.” An leheng ini iyo an kahulugan kan kasabihan sa evangelio na “An enot iyo an mahuhuri, an huri iyo an maeenot” (Hilnga an Mt. 19:30, 20:16; Lk. 13:30, Mk. 10:31), asin “An nagpapakumbaba, iiitaas, an nagpapahalangkaw, ibababa.”

Nagpapadagos pa daw sagkod ngonian an trabahong paglalang kan INang Natura? IYO, nin huli ta padagos pang nangyayari asin naoootob an leheng ini kan hirarkiya o ebolusyon, na iyo an lehe kan ekspansyon asin kontraksyon kan gabos na bagay, an lehe kan pagkagadan asin an resureksyon o kan pagkamundag asin pagkamundag-liwat kan gabos na linalang digdi sa kinaban.

Saen sa kristyanismo nangyayari asin naootob an leheng ini? Sa Bautismo, na iyo an sakramento nin pagtubod, asin sa Eukaristiya, na iyo an sakramento kan Pagkanuhay-Liwat.

Saen mapuli an Inang Natura? Sa Amang makakamhan kan gabos na linalang. An pagpuli mangyayari sa pagbalyo (crossing).

2. Pagsakripisyo ki Isaak (The Value of Self-Sacrifice)

Si Isaak inagaw nin Dios sa talaan na pagkagadan. Binalukat o tinubos siya sa talaan na pagkagadan, huli kan corderong inatang kan ama niyang si Abraham, bilang karibay/kabalyo kan buhay ni Isaac.

An klase kan pagtubod asin pagsarig ni Abraham sa Dios, asin sa mga tataramon kan panuga, iyo an nagbukas kan telon tanganing mangyari an espesyal na kasaysayan nin pagligtas sa tawo.

An tawo dai pinapabayaan o inaaliwalasan kan Natura asin kan Dios kun matiwala siya sa mga pagboot kaini, sagkod sa ikatao niya sa voluntad na boot an saiyang buhay alang-alang sa pagsunod asin pagtubod sa Dios, na anuman na itinao nin tawo magin iyan buhay niya mismo, ibabalik iyan nin Dios sosog sa saiyang kagustuhan.

3. Pagbalyo kan mga Israelita sa Dagat na Pula (Pagbalgar nin Dios kan Lehe nin Natura alang-alang sa pagligtas sa saiyang banwaan) (The Value of Crossing)

Ano an kahulugan kan pagsalungat na ini nin Dios sa Leheng Natural? An pagpahiling nin Dios kan saiyang personal na pagkamoot asin panganagataman sa sarong banwaan na nasa makuring kaapihan asin kasakitan.

Tanganing mailigtas nin Dios an inaping banwaan na ini, kaipuhan siyang maggibo nin PASOVER (Pesach o paskuwa), na gingibo niyang bago an sarong lumang kamugtakan, asin naggigibo siya nin “overpass” sa dagat tanganing an banwaan makabalyo hale sa kamugtakan kan luma (Egipto) pasiring sa bago (an disyerto). Sa lambing taon nin Exodo, sa lambing pagselebrar kan Paskuwa sa disyerto, igwang pirmeng bagong minaabot na pangyayari sagkod na makalaog sinda sa Canaan.

Sa pangyayari kan Exodo, an banwaan nin Israel nakanamit asin naka-ekspereynsya nin srong ‘tig-ugbos” siring kan ginigibo nin Dios taon-taon sa Natura. An tig-ugbos igwa nin hatod na bagong buhay asin bagong paglaom sa sarong pagbabago o pagklamuindag-liwat, asin nin sarong resureksyon hale sa satong eksperyensya nin kagadanan.

Taon-taon, an Dios nagdadara nin oprtunidad para sa gabos na tawo tanganing makabalyo hale sa luma pasiring sa bago, hale sa dating mayo ngonian, Iowa na, hale sa pagkagadan pasiring sa pagkabuhay-liwat, huli kan pag-abot kan tig-ugbos kada taon. Ityo ini an pagpamate kan personal na pangangataman kan Dioso para sa tawo, sa pagbugtak niya nin sarong “overpass” sa kada taon, tanganing an tawo makabalyo hale sa luma pasiring sa bagong taon, asin makadakit hale sa pagkagadan pasiring sa bagong pagkabuhay o pagkamundag.

An gabos na mga ideyang ini mahihiling sa sarong selebrasyon kan Paskuwa. Sa Paskuwa, an Dios nagigibo nin pagbalyo o p[agdakit hale sa lumang taon pasiring sa bagong taon, siring na an Natura minadakit hale sa panahon nin tig-lipot pasiring sa panahon nin Tig-init huli kan pag-abot kan panahon nin tig-ugbos, kun saen an banggi asin aldaw paeho an pagkahalaba sa entering kadagaan. Siring man an gabos na tawo minabalyo hale sa kumang pagkatawo kan lumang taon pasiring sa bagong pagkatawo kan bagong taon. Sa pag-abot kan Paskuwa, an rehenerasyon kan mga tawo asin kan kadagaan nangyayari, kun saen an gabos na bagay nakakabalik giraray sa dati. Asin an Paskuwa gibo nin Dios, na an tama asin eksaktong petsa kada taon minatao saiya kan saiynag pangangataman asin pagmangno sa kinakaipuhan na pagbuhay-liwat kan gabos na bagay.

IKADUWANG HOMILIYA

            An kaligtasan, eksistensya asin estabilidad kan kahadean sa Israel, iyo an segiradong tanda kan pangangataman asin pagsubaybay nin Dios para sa tawo. Iyo ini an katukdoan asin kapahayagan kan gabos na profeta sa Israel, na iyo an madadangog nyato sa apat na mga babasahon hale sa libro profetikal, magpoon sa ika-apat sagkod sa ika-pitong babasahon ngonian na banggi.

“An kahadean iyo an saiyang pamilya“ (ika-4 na babasahon)

”An Kahadean iyo an Saiyang Hawak“ (Ika-5 babasahon)

“An Kahadean iyo an saiyang Harong“ (Ika-6 na babasahon)

An daing untok na pagtrabaho asin pagtao nin pangangataman asin regalo kan Inang Natura tanganing sinda mabuhay iyo an nagtataong seguridad asin estabilidad sa buhay pang-ekonomiya, pangkultura asin pampolitika (Isaias 55:1-11). Bubuhayon niya liwat asin babaguhon an harong ni Israel sa pagwaras sa gha tawo ni bagong espiritu asin bagong kusog o kapangyarihan (Ez. 36:16-28).

Kun siring, padagos an Dios na nagigibo nin mga “Overpass“ asin an Paskuwa sa kasaysayan kan eksistensya asin para sa estabilidad asin katoninongan kan kahadean nin Israel.

HALIPOT NA HOMILIYA PARA SA SIMBAG SA MGA HAPOT KAN KAAKIAN

            Lambang taon nin pagselebrar kan Vigilia Paskuwal, nag aasenso kita. An Dios iyo an nagigibo man sato nin “overpass,” hale sa pag-ayuno pasiring sa kapiyestahan. Bako sana kita nag-aasenso sa materyal asin pisikal na aspeto, kundi sa kalidad asin kantidad kan satong mga miembro.

            An mga mayaman asin an saindang mga kaakian, siring mana n dating mga miembro nin ibang mga sektang pangrelihiyon, nagiba n asa satong karaban (an mga uhoy na dapat madara ta sa pag-puli nyato sa Ama) asin naglalaog n asa satong mga selebrasyon.

            Haraom na gayo an kahulugan kaini para sa sato. An hararom na kahulugan kan pangyayaring ini iyo na an lagwat sa tahaw kan mga pobre asin mga mayaman, kan mga miyembro nmin sarong sektang pangrelihiyon sa ibang sekta, sa mga gurang asin sa mga hoben, sa mga lalaki asin mga baabe, sa igwang inadalan asin mayo, asbpa., nasumpayan na nanggad tanganing an duwang magka-ibong na dati magkainulean na. Nangyari ini huli sa kapangyarihan ni Jesucristong nabuhay-liwat na iyo an satong ‘tulay o tagapag-ultanan sa Dios asin sa tawo na nagdusay kan saiyang buhay bilang pantubos