PROKLAMASYON KAN PASSOVER 2000

MGA IMPORTANTENG BAGAY NA TINUKAR SA PROKLAMASYON KAN PASSOVER 2000 SA SAN ISIDRO, IRIGA CITY, PILIPINAS.

2 Abril 2000

1.      Nagpasalamt si Adam sa mga miembro kan comunidad na nagpahonra sa imbitasyon  sainda kan mga katekista na magtipon tanganing iproklmar sainda an imbistasyon para sa pagselebrar kan Paskuwa 2000 sa CSSAC sa nagdadangadang na 22 Abril 2000, aldaw na Sabado Santo. Inalo an mga miembro kan comunidad sa Fatima na magselebrar kan Paskuwa 2000 bilang tanda kan satuyang pagkahulagpos sa mga sitwasyon nin kagadanan na nag-abot sa sainda sa laog kan taon na nagtalikod asin maski ngani nagin depisil na nagin nindag pagkabuhay, nin huli sa dakul na pagduwa-duwa sa pagpadagos nin paglakaw sa komundiad alagad nakahulagpos asin nakaantos man giraray sinda sa tangkahan kan Paskuwa 2000. Kaya, mahalaga para sa mga tawo an Paskuwang nagdadangadang na ini tanganing iselebrar ninda an saidang kapangganahan.

2.      Nagduduwa-duwa an ibang miembro sa pagpadagos sa paglakaw sa comunidad nin huli ta an mga tawo naghahanap nin lisensya o awtoridad na makapggibo kan mga dati na ninda kaidtog ginibo sa Katekumenado, arog baga kan pagselebrar kan Eukaristiya, Penitensya kun saen may kumpisalan nin kasalan, an pag-ebanhelisar asin an pag-bautismo, asin iba pa. I[inaliwanag ni Adam sa mga tawo na si Cristo mismo asin bako lamang an siisay man na tawo, ni Sto. Papa, obispo, kura párroco, kundi si Jesucristo mismo. Halimbawa, para sa eukaristya – “Danzan kinua ni Jesús an tinapay; pagkatapos niyang magpasalamat sa Dios, pinagbaak-baak saka tinarawan an saiyang mga didipulos. Nagsabi pa siya ‘Gibuhon nindo in isa pagromdom sako’” (Lk. 22:19-20). Sinabihan ni Jesús an mga disipulos niya na gibuhon an ginibo niya kan HyringPamanggi bilang pagromdom saiya. Dai man siya nagsabi na maghagad muna sinda nin lisensya o aworidad sa obispo, o sa Sto. Papa, o sa KUra Párroco bago sinda maggibo kan Eukaristya (Huring Pamanggi). Ni naghapot an mga disipulos saiya kun “Iowa ka daw nin autoridad o lisensya sa paggibo kan Paskuwa?” An kondisyon para magselebrar sinda kan Paskuwa iyo na dapat Israelita sinda, siring na an kondisyon sa paggibo kan Eukaristiya iyo na dapat kristyano ka, asin bako na padi o obispo siya, nin huli ta an ministro kan Eukaristiya iyo si Jesucristo mismo, an satong halangkaw na Padi. Pinagbotan niya kitang mga kristyano, bilang taga-paghiras sa pagkapadi ni Jesucristo, na magsagibo kan Eukaristya sa sarong lebel o grado nin partisipasyon sa pagkapadi ni Jesucristo, bilang pagromdom kan saiyang Paskuwa. Dapit naman sa Ebanghelisasyon, sosog sa binasa nyatong evangelio ngonian na aga gikan sa Markos 16:1-18, sinasabi sa mga disipulos na “Lakaw kamo, ipaghulit nin do an evangelio sa gabos na linalang, magbautismo kamo sa ngaran nin Ama asin nin Aki patin nin Espiritu Santo; gibuhon nindo sindang mga disipulos ko, asin tukdoan nindo sindang magkuyog kan gabos na ipinagboboot ko saindo…” (Mt. 28:19-20). Malinas man digdi na an trabaho nin paghulit kan evangelio, an pagbautismo, an poagtukdo asin  paggibo nin mga bagong disipulos ni Cristo gikan mismo sa direktang pagboot ni Jesucristo sa saiyang mga disipulos. Dai man si Jesús nagsabi, “Lakaw kamo, ipaghulit nindo an ebaghhelio alagad maghagad muna kamo nin lisensya o awtoridad sa obispo o kura párroco.” Siring man para sa gaweng Penitensya asin kumpisyon, ini makukua sa Bibliya: Kaya ikumpisal nindo an saindong kasalan sa lambang saro, asin ipamibi an lambang saro asin siya patawadon (Stgo. 5:16). An gaweng pagkumpisal kan mga kasalan ipinagboboot ni Cristo na gibuhon sa konteksto kan comunidad na naggigibo  nin pagpenitensya pasiring sa tunay na kumbseryon, asin bako man na sarong individual na gibo nin sarong padi o ministro n asa sadiri niyang kapangyarihan asin autoridad na magoatawad siya kan saiyang kasalan nin iba. Kun siring, bakong gikan sa marhay na kaisipan ni Cristo an paghanap nin lisensya o autoridad tanganing magpatawad nin kasalan nin iba, kundi gikan sa maraot na isip kan Diablo na gustong ulangon an pag-ako nin kapatawaran kan mga tawo para sa saindang mga pagkakasala na dapat gibuhon ninda sa lambang saro asin sa atubang kan enterong comunidad na nagkasala asin nagngaipo gabos nin pagpatawad.

Ining mga marhay na gibong ini, sa pagsagibo kan Eukaristya, an paghulit kan evangelio asin an pagbautismo, an pagtukdo, asin an pagpatawad kan mga kasalan nin kapwa, anas gabos naghahagad nin lisensya o autoridad kan ibang tawo na ignorante sa katukdoan kan Bibliya. Alagad kun hahaputon sinda kun saen sa Bibliya makukua na kaipuhan na magprodusir an sarong tawo nin lisensya tanganing magpraktis kan mga bagay na ini, mayo man sindang ikakabutwang ebidensya sa Bibliya. An mga tawong ini naghahanap nin lisensya duman sa mga tawong nagsasagibo nin mga marhay na gibo, alagad dai minahanap ni lisensya duman sa mga tawong nagbibisyo o naggigibo nin kararatan. Halimbawa, an sarong aking naninigarilyo o nagbuburat, minahanap daw nin lisensya para manigarilyo o maginom nin arak na saiyang aki?  Kun an sarong aking minagibo kan mga ini dai man hinahagadaon nin lisensya, tano ta an mga tawong naggigibo nin karahayan iyo an hinahagadan nin lisensya? Tano ta idtong mga daing gibo kundi mag-istambay maghapon iyo an dai paghagadan nin lisensya kan gobierno envés na idtong mga tawong naghahanap-buhay sa pagnegosyo? Bako daw ini nin huli sa buwis na iyo an lamag kaindtong nangangaipo asin naghahanap nin mga lisensya? Bako daw na iyo ini an sinabi ni Jesucristo na kapaabaw-abawan kan mga Fariseo na nagsasara nin lamok sa saindang inumon alagad pinapalusot an mga kamelyo sa saindang mga halanuhan (Hil. Mt. 23:24).  An lisensya kaipuhan huli sa buwis na dapat ibayad tanganing buhayon idtong mga tawong daing kapagal-pagal na nabubuhay huli diyan. Bako daw na tama giraray an sabi ni Jesús na, “Mga hipokrito! Kinukuahan nindo nin pagbuhay an mga babaeng balo, danzan sagin man na namimibi kamo nin halawig” )Mt. 23:14). An butang mga lider nyato naghahagad nin lisensya sa mga tawong naghihingoang masunod sa mga katukdoan ni Jesucristo huli sa buwis na saindang pakikinabangon, kaipuhan na bayadan sinda nin kuwarta antes magtugot sinda na gumibo kamo nin karahayan. Alagad kadakul na tawo na nagbibisyo o nagkakasala an dai ninda hinahagadan nin lisensya.

Kun kita hinahagadan nin lisensya sa paggibo kan ipinagbobot sato ni Jesucristo, an dahelan kaini iyo na ulangon kita sa satong mga ginigibo asin tanganing sinda sana an magin marhay sa mata nin mga tawo. Ipinagbabawal sinda sa sato an poagsagibo kan Eukaristya nin huli ta kun sinda an maggibo kaiyan, natural na mabayad kita sainda. Garo baga saindang sadiring imbensyon an Eukaristiya, an kumpisyon, an bautismo, an evangelo, asin iba pa, tangaing maghagad sinda ni bayad para sa paggibo kaiyan.

3.      An pagkakasuspedir kan mga miembro kan comunidad bakong totoo kundi sarong dakulang panloloko sa gikan ka Diablo. Gikan in isa nagkakapirang miembrong may maraot na kaisipan na nagsuspendir kan saindang sadiri sa paggibo nin karahayan. Ini sarong taktika sikolohikal na kinumbensir an ibang miembro na sinda suspendido sa itaas, alagad kun hahagadon na ipaluwas ninda an dokumento nin suspensión hale sa itaas mayo man sindang ikinakapahiling. Haen saen an dokumento nin suspensión na pirmado nin autoridad sa itaas? Mayo. Mala ngani ta kun suspendido an mga comunidad, tano ta sa ibang mga parokya igwang mga comunidad na nag-eeksistir o nagpapadagos? Dapat kutanang hinanap kan mga miembro an sarong dokumento nin suspensión antes nagpundo sinda sa comunidad. Malinaw na panloloko sana an gibo ninda tanganing gipiton idtong mga gustong magpadagos nin paglakaw sa comunidad. Minaluwas ngonian na, nin huli sa kawarang nin sarong opisyal na dokumento nin suspensión, an suspensión na iyan nasa isip sana kaidtong mga tawong nagsuspendir kan saindang sadiri sa paglakaw sa comunidad asin habo Nang mag-ako nin obligasyon nin pag-ataman sa mga pobre asin ignoranteng miembro kan sosyedad. Kaya, boot ninda kitang idamay sa pagsuspendir kan saindang sadiri sa paggibo nin marhay. Kaya dai kita dapat na magtubod asin magtiwala sa suspensión na ini. Malinaw na maniobra ini kan Diablo tanganing kontrahon an trabaho nin Dios. Arog man kaini an eksperyensya nin mga Israelita kaidto kan makaluwas sinda sa daga nin Egipto. Rinalamag sinda kan mga Egipsyo tanganing pabalikon sa saindang pagpapaoripon.

4.      Huli kaini, orog na iniimbitaran an mga miembro kan comunidad na magmaigot na magtindog nin pusog sa saindang pagtubod asin kumbeksyon na idepensa an saindang kaisipan na marhay asin magpartisipar o mag-ayon sa gigibuihon na Passover 2000 bilang tanda kan saindang pag-uyon sa trabaho nin Dios na saindag inako kaidto.  Tinatabanagn kita nin Dios na an marhay na kaisipan na yaon sa mga miyembrong  maglataw asin magliwanag tanganing mailing kan mga contra na sala sinda na suspendiron an saindang sadiri sa paggibo nin marhay asin tanganing ipahiling nyato an kapangyarihan asin kamurawayan ni Cristo na iyo an nagtatabang asin nagpapakusog sato na makahulagpos sa pagkakaoripon sa Diablo. An prueba na inaantabayan kita ngonian nin Dios sa pagpadagos nin paglakaw iyo na an satong mga kaiwal mayo man nin mga kapot nin konkretong dokumentong nagbabawal asin nagsusupendir sato sa pagpadagos nin paglakaw.

5.      Nin huli ta binoot nin Dios na makahulagpos kita sa pagkatakot sa kagadanan, na iyo an kawasa kan may maraot na kaisipan na naglulusob asin nagsasalakay sato sa paagi nin pagtanom nin pagduwa-duwa asin pagduda sa pagtubod ta, kaya nag-oogma kita huli ta tinabangan it akan kapangyarihan ni Cristo na manggana laban sa maraot na kaisipan na gikan sa Diablo na iyo an gustong mag-olang sato na makalibre sa satong pagkaoripon saiya huli sa kapot niyang  kapangyarihan na iyo an pagkatakot sa kagadanan. Kaya haleon ta sa tahaw nyato an pagkatakot na ini, asin an mga p[agduwa-duwa o pagduda, asin iribay ta an kapangganahan kan nabuhay-kliwat sa mga gadan na Cristo, nin huli ta sadiri na niya kita asin mayo na sato an kapangyarihan nin kagadanan. Dai na kita tako sa kagadanan, nin huli ta solido an satong pagtubod na kun kita man magadan kita mabubuhay-liwat tanganing mabalik sa satong orinal na harong na iyo an hardin nin Dios, an imortalidad kan katawohan.