GIVING OF A NEW NAME Part II

ESCUELA CATEKUMENAL/BEATITUDINAL COMMUNITIES

Camaligan, Camarines Sur

CELEBRATION OF THE WORD

March 6, 1999

Theme: Giving of A New Name

I.       Introduction Heneral ………………………………………………Iluminada

II.    Opening Song: IF TODAY, p. 40

III. Greeting and Opening Prayer

Invocation to the Holy Spirit: O LORD, SEND FORTH YOU RSPIRIT,” p. 185

IV. First Reading: Ex. 32:30-35…………………………………………Maria

Catechesis on the 1^st reading………………………………………..Julian

Acclamation Song: BLESS YAHWEH MY SOUL, p. 42.

V.    Second Reading: Is. 65:15-25...……………………………………..Natalia

Catechesis on the 2^nd Reading……………………………………….Dolores

Acclamation Song: YAHWEH YOU ARE MY GOD. P.69

VI. Third Reading:  2  P. 1:3-11……………………………………….Engracia

         Catechesis on the 3^rd Reading……………………………………..Veneranda

         Acclamation Song

VII.    Fourth Reading: Lk. 33-39………………………………………..President

         Catechesis on the 4^th Reading…………………………………….Bienvenida

         Homily…………………………………………………………….President

VIII. Giving of the new name. The President will pray. Those who will receive  new name will come forward, one by one, to receive a new name from the list previously prepared, then will be anointed on the forehead and enrolment will follow.

IX. Prayer of the Faithful, to end with the “Our Father.”

X.    Kiss of Peace

         Song

XI. Closing Prayer and Send-off blessing……………………………..President

         Closing and Agape

GIVING OF A NEW NAME

Introduksyon Heneral:

            Ngonian, sa presensya kaining enerong komunidad, sarong bago, angay asin mahalagang bagay  an mangyayari sa buhay kaining mga miyembro sa komunidad na holoy na sa paghimate asin pag-adal kan ebnaghelio nin Dios.

            Sa puntong ini sa panahon nin pag-adal ninda kan Tataramon nin Dios, sinda masimbag sa pag-apod nin Dios tanganing gibuhon an pinaka-enot na lakdang sa pagigin nindang mga parahinanyog kan Tataramon nin Dios bilang mga estudyante kan Bibliya sa peryodo nin Bautismo na iyo an pagigin mga lehitimong katekumen. An pag-ako nyato nin bagong ngaran na kristyano asin an pagpalista sa libro nin mga katekumen iyo an saro sa pinaka-importanteng rekesitos sa pagigin sarong katekumen, o parahinanyog kan Tataramon nin Dios.

            An pwertahan kan Sta. Iglesia nakabukas sa pag-ako saindo. An presensya kan komunidad na ini iyo an garantiya asin saksi kan gaweng ini na gigibuhon nindo sa boluntad na boot asin mayo nin anuman na pagpirit o pag-impluwensya kan saindong libreng mga isip. Kamo mismo an nagdulok sa komunidad tanganing gibuhon an mahalagang lakdang na ini na ribayan an saindong dating mga ngaran na sibil, na iyo an simbolo kan saindong pagtalikod sa buhay nin kinaban, asin mag-ako nin bagong ngaran, na iyo man an simbolo kan saindong sinseidad asin seryosidad na mabuhay sa bagong buhay na nagsusunod asin nagkukuyog sa espiritu nin Dios.

            Mayo nin ibang relihiyon o grupo sa laog nin mga relihiyon ngonian an naggigibong magsangle nin ngaran, o magtao nin sarong bagong ngarana na kristyano sa mga tawong saindang binabautismohan kundi an ngaran an sibil na dati na nindang duro-dara na iyo an ipinarehistro kan mga magurang ninda sa Rehistro Sibil iyo man sana an gingagamit ninda para sa ikasyon nin bautismo. Kun kaya, an nabautismohan sa ebanghelio nin Dios namumugtak sa sarong sitwasyon nin saiyang pagkabuhay na parehong kinukuyog niya an pangapodan kan Dios asin kan sibil  na kinaban o sosyedad. An saiyang pagkatawo nakadedekar sa Dios, lagad an paagi kan saiyang pagkabuhay nakadedikar sa kinaban. Nin huli ta makusog an pag-apod kan kinaban sa buhay nin tawo, kaya an sarong kristyanong binautismohan sa ngaran na sibil minasuko sa katapus-taposi sa kapangyarihan kan kinaban na ini.

Ngonian na banggi, hahaleon nyato sa buhay nindo an saindong pasapote o lisensya na magpadagos na mamuhay pa sosog sa kapangyarihan kan kinaban na ini. An gabos na pakikipag-transaksyon nind osa kapangyarihan kan kinaban na ini, magpoon kaidto sagkod ngonian, satong hahalean nin bias o kapangyarihan sa paagi nin pagtanggal kan ngaran na sibil na itinao kan kinaban na ini sa saindo. An malinaw na boot sabihon kaini iyo na, magpoon ngonian, “bako na kamong taga-kinaban na ini, siring na si Cristo bako man na taga-kinaban, nin huli ta si Cristo bako man na taga-kinaban na ini” (Hil. Jn. 17:14). Kaya kakaongisan kamo kan kinaban, nin huli ta si Cristo enot  na ikinaongis kan kinaban (Jn. 15:18). An sarong tanda na si Cristo asin an mga disipulo niya bako nang taga-kinaban iyo na si Cristo nag-ako nin sarong ngaran na “Jesus” gikan mismo sa Dios (Mt. 1:21), siring man an mga disipulo nag-ako nin mga bagong ngaran hale ki Jesukristo (Mt. 3:16; LK. 6:15; Jn. 21:2; Mt. 10:3-4, aspba.). Maski si Saul nagbago nin ngaran na Pablo bilang tanda kan saiyang kumbersyon hale sa pagigin Hudiyo pasiring sa pagigin kristyano (Gibo 13:9). Sa pag-ako nyato nin bagong ngaran, kita nagkukuyog asin nagsusunod man sana sa tradisyon kn enot na mga kristyano na yaon sa Bibliya na nagkaigwa nin mga bagong ngaran bilang tannda kan saindang kumbersyon sa pagka-kristyano asin pag-ako kan kristanong bautismo.

            Sa mga ritwal nyato ngonian na banggi, nagigibuhon sa laog kan sarong selebrasyon kan Tataramon nin Dios, gigibuhon nyato an pag-ako nin mga bagong ngaran na satong dadarhon asin iaapod sa lambang saro magpoon ngonian sagkod na kita buhay pa sa kinaban na ini patin sa masund na daing tapus na buhay. Magkakaigwa kita nin apat na babasahon hale sa Bibliya, mga babasahon na hale duman sa mga sitas na inadalan na nyato kan mga naka-aging mga semana na yaon sa PSB No. 26 dapit sa temang “Ngaran asin LIbro nin Buhay.”

            Pagkatapus kan mga babasahon asin mga katekesis dapit kan mga babasahon, lalo na pagkatapus kan homiliya, gigibuhon na nayto an seremonya nin pagtao kan mga bagong ngaran. Lambang saro sato aapudon sa saiyang ngaran na sibil, o dating ngaran, tanganing magdigdi sa enotan. Giraray hahaputon siya kan Presidente kun ano an saiyang ngaran na sibil asin iba pang mga kahapotan na, halibawa, “Ano an kahulugan kan saimong dating ngara na sibil,” asbpa. Dangan hahaputon siya kun ano an bagiong ngaran na boot niyang iapod saiya magpoon ngonian. Masimbag giraray siya kun ano an bagong ngaran na boot niyang darhon magpoon ngonian. Kun mayo siya nin sadiring napiling ngaran, mabunot siya nin sarong ngaran sa mga listahan nin mga ngaran na inandam antes. Dangan, babasahon niya ini nin makusog na madadangog kan gabos. An Presidente, ipapahayag sa gabos an bagong ngaran na dadarahon kan lambang saro magpoon ngonian.

            Pagkatapus na an gabos magkaigwa nin bagong ngaran, giraray saro-saro matindog asin madulok sa lamesa na nabubugtakan kan sarong bukas na libro sa Biblia asin isusurat an saiyang bagong ngaran sa sarong papel na inandam bilang sarong listan kan mga ngaran kan mga miembro. Iyo ini an ritwal kan pag-enrol o paglista kan bagong katekumen. Pagkatapus na an gabos makalista kan bagong ngaran sa Libro nin Buhay na iyo an libro kan Tataramon nin Dios, mapadagos an selebrasyon sa paagi kan Pamibi nin Bawaan para sa mga bagong nagresibi nin mga ngaran. Sinda ipapamibi kan gabos tanganing magdanay na totoo asin maninigo sa kahulugan kan ngaran na saindang napili. An Pamibi nin Banwaan tatapuson kan ’Ama niamo.”  Isusunod an pagtao kan hadok nin Katoninongan sa lambang saro, tanda kan pag-ako sainda bilang mga bagong callón sa grupo kan mga estudiante sa Bibliya. Tatapuson an Selebrasyon sa Pantapus na Pamibi asin bendisyon kan President. Kun inandam an kadikit na pagkakan para sa oksyon na ini, ini gigibuhon tulos pagkatapus kan huring awit nin pasasalamat antes magpuruli.

            Ngonian, matindog na kita sa pag-awit kan sarong await sa pagpoon kan satong selebrasyon.

Awit sa Pagpoon: IF TODAY

PATARA-TARA ASIN PAMIBI SA PAGPOON.  Hahagadon kan Presidente sa Dios na ipadara an Banal na Espiritu sa mga mieymebrong ma-ako nin bagong ngaran asin magigin mga katekumen.

IMBOKASYON SA BANAL NA ESPIRITU (Awit)

Enot na Babasahon: Ex. 32:30-35

Katekesis para sa enot na babasahon:

            An sitwasyon na namumugtakan kaining satong enot na binasa hale sa Exodo 32 iyo an dakulang apostasiya na naginibo kan mga Israelita suman sa pamitisan kan Bukid Sinai. Kan mahaloy si Moises sa pakikipag-olay niya sa Dios duman sa itaas kan bukid, an mga tawo nagkaralangkag asin nagdulok ki Aaron sa pagreklamo asin naghagad na igibo sinda nin sarong idolo na gibo  sa mga bulawan asin mga plata tanganing iribay duman sa Dios ni Moises. Nagkuyog si Aaron sa sutsot kan mga tawo asin guminibo siya nin sarong idolong bulawan na baka asin ipinasamba ini sainda. Duman sa itaas kan bukid nadangog ni Moises an kariribokna nin mga musika asin kaorogmahan na yaon sa ibaba, asin siya buminaba na dara an mga tabla kun saen nakasurat an Sampulong Tugon. Kan mahiling niya an ginriibo kan mga tawo sa pamamayo ni Aaron, naanggot siya asin idinaklag niya sa mga tawo an duwang tabla asin sinulo sa kalayo an idolong bakang bulawan. Dangan pinagbotan ni Moises an mga levita na kumukua nin mga espada asin garadanon idtong mga tawo na habo mag-iba ki Moises. Sinunod kan mga levita an mga pagboot ni Moises, asin pagkatapus na ginibo ninda an paggadan sa mga kapwa-Israelita na nagsuhay sa Dios sinabihan an mga levita na, “Ngonian nagyari sa saindong sadiri an imbestidura bilang mga padi ni Yahweh karibay kan halaga nin saro sa mga kaakian nindo, saro sa tugang nindo, asin iwinaras niya ngonian sa saindo an sarong bendisyon.” Pagkatapus kan parteng ini iyo na an parte na satong binasa. Dapit ini sa pamibni ni Moises para duman sa nagkasalang banwaan. Marereparo nyato na igwa digdi nin tolong  partido na imbuewelto. An enot iyo an banwaan na nagkasala huli sa paggibo kan bulawan na baka na saindang sinamba siring duman sa mga tawong taga-Egipto asin mga pagtaraid na banwaan. An mga ini parasamba nin mga idolong gibo sa kamot nin mga tawo. Iyo ini an nadarang gawe-gawe kan mga Israelita magpoon na maghale sinda sa Egipto, o an relihiyon na nagimatan ninda. Huli kan gibo nindang ini, nahihiling nin Dios na magigin ulang in isa bagong pagkabuhay na boot itukdo nin Dios sa paagi kan eskuwelahan nin pagtubod duman sa disyerto. Boot nin Dios na darahon sinda sa disyerto tanganing duman bukason an saindang mga talinga sa pagdangog kan saiynag mga tataramon nin mga pagboot asin regulasyon para sa sarong banal na buhay na boot niyang itao sainda. Kun sinda padagos na magibo kan saindang dating relihiyon na saindang nagimatan duman sa dagang saindang hinalean asin padagos na magsaramba sa sarong idolo o rebulto na hihiling nin mga mata, dai ninda tolos pag-iinityendihon an mga tataramon na ipagboboot nin Dios sa paagi ni Moisés. Kaya, ining ginigibo nindang paggibo nin sarong bulawan na baka sarong kasalan na minimidbid sa atubang nin Dios.

            An ikaduwang partido iyo si Moisés, an lider kan banwaan pagkuwas sa Egipto. Kan mangyari an pagsaramba kan banwaan sa idolong bakang bulawan na sarong kasalan sa Dios, si Moisés nakimaherak sa Dios na sinda patawadon. Nagsabi siya sa banwaan, “Ngonian nagkaginibo kamo nin sarong makuring pagkakasala. Alagad ngonian masakat ako duman ki Yahweh tanganing gumibo nin sarong pagtubos para sa saindong kasalan.” Kaya, nagbalik si Moisés duman ki Yahweh. Asin siya nagsabi, “ako namumundo  huli ta nakaginibo nin sarong makuring pagkakasala an mga tawong ini huli kan pagibo ninda para sa saindang sadiri nin sarong dios na bulawan. Alagad kun papagkaniguon mo na patawadon sinda sa saindang mga kasalan; alagad, ta kun dai man ako paraon mo na sinda sa libro na saimong isinurat.” An boot sabino kan mga tataramon na ini ni Moises  iyo na hinahagad niya na lingawan na nin Dios si Moisés asin isikwal na niya siya bilang lider na poon kan mga tawong ini n nagkasala. Boot ni Moisés na ibalik sa Dios an saiyang pagkalider asin pakapamayo kan banwaan na ini na nagsumbikal. Masakripisyo siya akan saiyang katongdan sa banwaan tanganing sana na ipadagos nin Dios an saiyang pag-ataman asin pagsurog sa mga tawo. An pagpili nin Dios ki Moisés bilang Tamayo o para sa katongdan na lider kan banwaan nanganaghulugan man na an saiyag ngaran isinurat na nin Dios sa saiyang libro nin mga tawong pinili niyang maglingkod saiya sagkod pa man. Kun siring, makakalaom kita na an gabos na inaandam ni n Dios para magkaigwa nin dakulang  katongdan saiya makakasabi na an saiyang ngaran nasa listan sa libro nin Dios. Asin na-adalan nytao na an librong ini nin buhay iyo an puso nin Dios, an saiyang pakultad nin pagromdom o memorya. Sinasabi nyato na ini sarong libro nin huli ta habo nyatong direktang sabihon na may puso man an Dios. Kaya, kita man kun boot nyato na an satong ngaran makalista sa librong iyan, dapat na maghanda ki ta kan satong sadiri na mag-ako nin katongdan sa Dios.

            Duwang leksyon an pwede nyatong maguno sa parteng ini. An enot na adal, o leksyon, iyo idtong sinabi ni Moises sa mga levita na an imbestidura ninda bilang mga padi ni Yahweh asin an pagkamit ninda nin bendisyon yaon duman sa ginibo nindang pagpuho kan mga miyembro kan komunidad na nagtalikod asin nagkasala sa Dios. An imbestidura bilang mga padi ni Yahweh may kalakip na bendisyon. Alagad may katakin man ini nin dakulang sakrispiyo sa parte kan mina-ako nin imbestidura. Sa parte kan mga levita, an sakripisyo na katimbang kan saindang pagigin mga padi ni Yahweh iyo an pagkagadan kan saindang mga aki, mga tugang asin mga magurang na sinda mismo an guminadan huli ta an mga ini nagsuhay ki Yahweh. Huli ta dai sinda nag-alang-alang na gumadan sa espada kan mga tawong harani sa saindang mga puso, kaya nagkanigo sindang mag-resibi nin sarong imbestidura hale ki Yahweh. Kita man ngonian, mga tugang, nag-aako nin sarong imbestidura nin sarong bagong bngaran. An bagong ngaran igwa nin kalalkip na bendisyon, na sosog ki Porfeta Iasaias, iyo “an sarong sarong monumento sa sakong harong asin sa laog kan sakong kudal an itatao ko asin sarong ngaran na mas marhay kisa sa mga akinglalaki asin mga aking babae; tatawan ko sinda nin sarong dai nagtatapos na ngaran na dai lamang mapapara, olay ni Yahweh“ (Is. 56:3-7). Alagad katimbang kan dakulang bendisyon na ini iyo an dakula man na sakripisyo na hinahagad nin Dios huli sa pag0-ako nyato nin bagong ngaran ta an boot sabihon kaini dai na kita midbid kan mga datri nyatong mga kamidbid asub dai ta na man sinda midbid nin huli ta kita gadan na para sainda asin sinda gadan na man para sa sato. Boot sabihon kaini, idtong dating mga karelasyon asin mga kamidbid nyato digdi sa sosyedad nin kinaban dai na angeeksistir para sa bagong tawo na yaon sa sato; siirng man, kita na may bakong darang ngaran ngonian dai na man mina-eksistir para sa mga dati nyatong mga ka-relasyon asin mga kamidbid. Iyan an kahulugan kan enot na adal sosog sa estoryang ginikanan kaining satong babasahon.

            An ikaduwang leksyon yaon mismo digdi sa satong enot na babasahon. An ikaduwang adal na ini na maski pinili na kita nin Dios huli kan saiyang pag-apod sa sato, alagad puwede pa niya kitang paraon sa saioyang libro nin buhay kun kita mapadagos sa pagkahulog sa kasalan. An estoryang ini magserbi logod bilang patanid para sa siisay man saindo na pagkatapus na mag-ako kamo nin bagong ngaran asin ipalista an ngaran na iyan sa libro ni buhay dangan pagkatapus ngapit magtalikod sa pagsunod sa nakasurat sa libro na linakipan niya kan saiyang baging ngaran, sa tawong iyan sumpaon logod nin Kagurangnan habang-buhay nin huli kan saiyang pag-olog-olog sa bagong ngaran na saiyang inako asin an gabos na mga kastigo na nakasurant man sa librong ini mahulog logod sa ibabaw kan saiyang payo siring sa sarong magabaton na gapo tanganing iyo an ikagadan kan saiyang kalag. Siring kaini an nangyari duman sa mga Israelita na tuminalikpod ki Yahweh asin nagsamba asin nagpasambay sa mga ibang dios.

            An ikatolong partido iyo an Dios. Sinabihan nin Dios si Moises na an paparaon niya sa libro nin buhay bako an ngaran kan saiyang lingkod na si Moises kundi an ngaran kaidtong mga tawong nagsuhay saiya tanganing maglingkod sa ibang dios. An paglingkod sa ibang diios para ki Yahweh sarong pagsambay or pagpasambay. An kasalan na ini iyo an parating kasalan kan nasyon na Israel, asin an saiyang kasaysayan iyo pagburo-balyo nin leyaltad asin pagserbi sa ibang  mga dios. An Dios iyo an nag-agom ki Israel asin iyo an nagtao saiya nin ngaran magpoon kan siya aki pa (Ez. 23). An monoteismo, o an pagsamba sa sarong dios, inintrodusir sa na nasyon na Israel tanganing maprotehiran an nasyon na dai maki-alansya sa ibang kataraid na nasyon sa takot na sinda sakupon asin matunaw an saindang sadiring nasyon. An relihiyon na monoteismo minaserbi sa partikukar na katuyuhan na ini kan saindang sosyedad. Mala ngani ta nagkapiprang dauyahn na nasyon luminaog sa Israel asin sinakop ini, sa dakulang perwisyo sa saiyang mga namamanwaan. Iyo ini an gustong sabihon  kan Bibliya nin pagsamba  kan Israel sa ibang dios, nin huli ta mga dios na ini iyo an mga dayuhan na nagsasakop sainda asin minahagad sainda nin leyaltad asin paglingkod. Sinasabi na si Yahweh maimon, na habo siya nin ibang dios na pagsasambahon kan Israel, nin huli sa peligro asin kasakitan na dadarhon sa mga tawo asin sa saindang sosyedad kun maserbi sinda sa mga dayuhan na kapangyarihan. Magigin trangkilo an saindang pagbuhay-buhay sa laog kan sadiring nasyon kun an mga tawo tawo nagseserbi sana sa saindang sadiring nasyon, asin dai magpara-burobaliktad nin leyaltad sa ibang mga dayuhan na nasyon. Iyo ini an rason kun tano ta sa estoryang ini kun apostasya kan mga tawo ki MOises asin sa Dios duman sa bukid Sinai, naanggot an Dios sa mga tawo asin pinapuho an mga tawong nagtalikod tanganing magserbing leksyon sagkdo pa aman para sa mga Isarelita sa masurunod  pang generasyon. Kaya sinasabi na an paglingkod ki Yahweh iyo an sarong pagpakasal saiya bilang agom.

            An estoryang ini ki Israel dai man logod madoble sa siisay man na ma-ako ngonian nin bagiong ngaran, sa pag-andam sainda sa pagpakasal ngapit sa Dios. Kun mangyari iyan sa kiisay man, ngonian pa sana tawan na logod siya nin sarong maraot na ngaran tanganing magbasol siya kan saiyang maraot na kaisipan na pagkawatan an marhay na intesyon nin pakikiagom niya sa Dios.

            Mga tugang, himateon na nyato an enot na babasahon na hale sa libro nin Exodo, kapitulo 32, mga bersikulo 30 sagkod sa 35.

AWIT NIN AKLAMASYON:

IKADUWANG BABASAHON: Is. 65:15-25

Katekesis para sa Ikaduwang Babasahon:

            An satong ikaduwang babasahon binibilog nin onseng mga bersikulo dapit sa sarong estoryang eskatolohikal o sarong apokalipsis. An eskaton nangangahulugan kan kinaban na maabot pagkatapus na mapara an kinaban na ini. An eskaton iyo an pagpahayag kan mga bagay na mangyayari sa maabot na aldaw.

            An babasahon na ini, kun ibabaing sa sarong dadalanon, minabukas kan saiyang telon sa mga pinili nin Dios asin sa saiyang mga surugoon. An mga pinili magamit kan ngaran na babayaan nindo bilang sumpa na an sinasabi arog kaini: “Pakulon ka logod ni Yahweng Kagurangnan nin sarong kagadanan.“ An sumpang ini na nakapalaman sa ngaran na babayaan may kapangyarihan na magtao nin kagadanan, nin huli ta para sa Bibliya, an ngaran nin sarong persona may kapangyarihan na magtao nin bendisyon o nin maldisyon. An dahelan kaini iyo ta an destino asin personalidad nin sarong tawo yaon sa saiyang ngaran. “Si Yahweh nagsabi ki Abram, ’Bayae an saimong banwa, an saimong pamilya asin an harong kan saimomg ama, pasiring sa daga na itutukdo ko saimo. Gigibuhon takang sarong dakulang nasyon; bebendisyonan taka asin tatawan ko nin dakulang kabantogan an saimong ngaran tanganing gamiton iyan bilang sarong bendisyon: “Bebendisyonan ko an mga mabendisyon saimo; mamaldisyonon ko an masikwal saimo. An gabos na mga tribu mabendisyon sa sadiri ninda huli saimo“ (Gn. 12: 1-3). An pagbaya o paghuba nin ngaran minataong sumpa o maldisyon sa ngaran na iyan, asin an maldisyon iyo an kagadanan na mangyayari yaon sa pagsikwal kan ngaran na nagdara nin kagadanan duman sa dating nag-gamit kaiyan. “Maldisyon an mapaduman sa minasikwal saimo” (Gn. 12:3b). “Kun kamo taga-kinaban na ini, mamomotan kao kan kinaban siring sa rogaring niya; alagad nin huli ta kamo bakong taga-kinaban, nin huli ta hinale ko na kamo sa kinaban huli kan sakong pagpili saindo, kaya ikakaongis kamo kan kinaban” (Jn. 15:19). Kita na bako nang taga-kinaban na ini huli sa pagpili sa sato nin Dios iyo an nagsikwal kan satong dating ngaran na taga-kinaban na ini. An dati tang ngaran na iyan sa kinaban pano-pano nin mga eksperyensya nin kagadanan asin kararatan, kaya an siisay man na naggamit giraray o magsambit kan ngaran na iyan na satong hinuba nin huli sa pagtalikod nyato sa kinaban tanganing maglakaw kita sa bagong buhay iyo an makakaresibi kan maldisyon nin kagadanan na yaon pa nakapalaman sa ngaran na iyan.

               Dangan, sabu pa ni Isaias, an mga surugoon nin Dios maako nin sarong bagong ngaran. Ining sinasabing ini ni Isaias huli ini sa mga masurunod niyang sinabi dapit sa madatong na bagong langit asin bagong daga na ilinadawan sa pagbutwa giraray kan nawarang hardin nin Eden digdi sa daga. Kun siring, an bagong ngaran itatao duman sa mga surugoon nin Dios na iyo an magigin mga kandidato sa paglaog sa bagong pag-lalang na saiyang gigbuhon.

               An hinaboan ta nang ngaran nakakagid sa satong mga hinubang mga maating gubing. An gubing na hinuba sarong gubing na pano nin ati, alpog, ganot sin iba pang daing dtang mga bagay na dara kan pag-gamt nyato kaini. Hinuba ta iyan tanganing labanan asin magin malinig giraray asin ikagubing liwat. Siring kan satong ngaran. Huli sa dai nyato pag-ngat na magkasala an ngaran nyato mina-ati asin nagkakaigwa nin daing datang dangog. Huli kaiyan dai nyato naootob an destino asin tunay na misyon kan satong ngaran digdi sa daga. Sa kamugtakan na ini na an dating ngran nyato pano nin kaatian, kademalasan asin maraot na dangog, kaiouhan na iyan hubaon tanganing labahan tanganing isulot syato iyo an bagong ngaran na malinig, fresco asin bagong laba.

               Arog man kaini an boot na gibuhon sa satuyang pagkatawo nin Dios. An dati nyatong mga ngaran  pano na nin kaatian asin mga kumpromiso sa kianaban na ini. Nin huli kan dakul nyatong mga kasalan, an satong dating ngaran pano nin mga daing datang dangog asin maraot na reputasyon. Inaapod kita ngonian nin Dios sa dalan na ini kun saen babaguhon an satong dating natiral na pagkatawo pasiring sa pagigin sarong supernatural na pagkatawo sa paagi kan pagtao sato kan tubig nin Bautismo na iyo an tubig na mahugas kan satong maati asin daing datang pagkatawo. Paagkatapus na kita magparigos nin pag-gamit nato ni bagong ngaran sa bautismo. Ini an hararom alagad malinaw na kahulugan kaining ikaduwang babasahon na gikan sa surat ni Profeta Isaias, kapitulo 65, mga bersikulo 15 sagkod sa 25. Kimateon nyato an babasahon.

AWIT NIN AKLAMASYON:

IKATOLONG BABASAHON:  P. 1:3-11.

Katekesis sa Ikatolong Babasahon:

               Pinunan kan Aprostol Pedro an saiynag tataramon sa paagi nin pagpahayag nin pagseguro kan satong isip asin pusong nagdududa asin naghahapot kun tano ta kaipuhan pang mangyari na tawan kita nin bagong ngaran. Nin huli ta tood na kita kan satong dating pagkabuhay sa kinaban asin dai na kaipuhan na magbago pa, kaya nag-aalang-alag an satuyang puso na mag-ako nin bagong ngaran na hale sa Dios. An dahelan kaini iyo na naghohona kita na kontento na kita sa buhay nyato sa kinaban na ini, asin mayo na nin ibang kinaban apuwera kaining materyal na kinaban na satong na-eesteran. Kaya, mayo na kitang nahihiling pang iba kundi an ikinakato sato kan kinaban na ini, na daing iba kundi an mga bisyo, karaotan asin mga kalapaan.

               Alagad, an sabi kan Apostol, malinaw na marhay na intensyon asin an plano nin Dios para sa tawo, siring man an gabos na dapat niyang gibuhon sa buhay na ini.

               Enot, ano an desenyo o plano nin Dios na ipinapangapodan niya para sa tawo? An simbag  iyo na tawan niya sinda “kan gabos na bagay na kaipuhan ninda para sa buhay asin para sa totoong relihiyon” (2 P. 1:3), asin “na magdara sainda sa pagkamidbid sa Dios mismo.” Iyan an pangapodan nin Dios sa tawo.

               Ikaduwa, kaiba sa biyayang ini, tintatawan niya kita nin garantiya na makahiras kan mga bagay na maarabot tanganing makahiras kita sa diosnon na naturalesa asin makadulag sa pagkalapa sa kinaban na ini na lantop na sa mga bisyo. Iyo ini an katuyuhan talaga kan pag-apod asin pagpili sa sato nin Dios. Bilanmg tanda o simbolo na ilinilikay kita sa Dios sa kalapaan nin kinaban, kita tinatawan nin sarong oportunidad na makahale diyan huli kan pag-ako asin pag-gamit nyato magpoon ngonian nin sarong bagong ngaran na iyo an magigin tanda man kan satong pagsikwal kan pangangapodan kan kinaban asin kan gabos na bisyo na yaon sa kinaban. An dati tang mga ngaran pano iyan nin mga bisyo asin mga kalaywan sa buhay. Alagad ining bagong ngaran sa satong aakuon ngonian iyo an magigin tanda kan satong pagkalinig asin kabinian..

               Ikatolo, tanganing maotob ini kaipuhan ta an mga minasunod: primero, an pagtubod; ikaduwa, an karahayan, ikatolo, an pagkasabot; ika-apat, an pagpugol sa sadiri; ikalima, an pagkamatinios; ika-anom; an totoong debosyon; ikapito, karahayan nin boot sa kapwa-tawo; an ikawalo asin ultio, iyo an pagkamoot. Ining mga pasurunod-sunod na mga pag-uugaling ini, iyo an bagong pag-uugali na dapat na makua asin mahihiling sa satong bagong ngaran. Kaya, pagkatapos kan panahon nin pagprobar dapit sa pagbuhay nyato kan satong bagong mga ngaran, hahaputon asin eeksamenon kita dapit sa mga bagay na ini bago kita ipasar sa masunnodn grado kan satong pag-adal bilang mga katekumen. Sabi pa kan Apostol Pedro, “Kun igwa kamo nin dakul na saray kan mga bagay na ini, dai lamang kamo panluluyahon o daing bunga; dadarhon kamo kaini sa tunay na pagkamidbid ki Jesukristong Kgurangnan ta. Alagad kun mayo kamo kan mga bagay na ini, an sarong tawo magigin buta o halipot an pananaw; liningawan niya kun paano nahugasan siya kan saiyang mga dating kasalan” (2 P. 1:8-9). An mga sinabing ini kan Apostol bako sanang sadit na garantiya kundi sarong dakula asin seguradong garantiya, nin huli ta an satong pagigin mga epektibo asin pagigin mabinunga ainiseguro na mantang kita makukusog pa.

               Sa duwang huring mga versikulo kining satong Ikaduwang Babasahon, sinabi kan Apostol Pedro na, “Mga tugang, kamo inapod asin pinili: magtrabaho kamo tanganing patotoohan iyan. Kun gigibuhon nindo an gabos na ini mayo lamang nin peligro na mahulog kamo. Sa dalan na ini, tatawan kamo nin admisyon pasiring sa daing tapo na kahadean ni Jesukristong Kaguranagnan asin Paratubos” (2 P. 1:10-11).

               Sa kabilugan, an babasahon na ini nagpapahayag kan gabos na elemento na makukua sa Bautismo. Ano an mga elementong ini? An enot iyo an pag-apod asin pag-pili nin Dios, na iyo an enot na duwang peryodo kan Bautismo, and Ebaghelisasyon asin an Eleksyon. An ikaduwang elemento iyo an garantiya kan paglaom para sa darakula asin makangangalas na mga bagay na maabot na iyo an pagtubod; an oagtubod iyo a enot na dalan na linalakawan nin sarong katekumenado, an dalan na paibaba pasiring sa tubig kan Bautismo, na iyo man an dalan nin pagka-igwa nin sentido komun, pagtubod, paghkuyog, asin kapakumbabaan. An masunod na dalan na paglalakawan nin sarong katekumen sa proseso kan Bautismo iyo an pagkasilag o pagigin honesto, an paglaom, an kadukhaan asin pagigin simple. An ikatolong dalan iyo an dalan pagkatapos kan pag-ako sa bautismo na iyo an mga dalan nin pagtinarabang-tabangan, pagkamaheherakon, kabinian, asin pag-omaw. An mga dalan na ini iyo an sinabi sa nagkapipirang tataramon na pagtubod, karahayan, pakasabot, pagpugol sa sadiri, pagkamatinios, pagkamoot. An ikatolong elemento na sinasabi digdi kan apostol na an paghugas kan mga kasalan sa tubig kan Bautismo. An ika-apat na elemento iyo an adminisyon pasiring sa tubig kan Bautismo. An ika-apat na elemento iyo an admisyon psiring sa kahadean ni Jesukristo, na an boot ipahayag iyo an paglaog nin sarong kristyano sa pagigin lubos na kristyano sa pag-ako kan Eukaristiya bilang pinakahuring tangga sa dalan nin pagtubod asin kumbersyon.

               Mga tugang, himateon na nyato an ikatolong babasahon na ginuno sa ikaduwang surat ni Apostol Pedro, kapitulo 1, mag bersikulo 3 sagkod 11.

AWIT NIN AKLAMASYON:

IKAAPAT NA BASAHON: Lukas 5:33-39

                  An masuniod tang babasahon iyo an ebanghelio sa Lukas 5:33-39. Dapit ini sa hapot kan mga Pariseo manonongod sa pag-aayuno. An kasimbagan ni Jesus sa hapot na ini nagpapahayag sa sato kan mapapadapit sa daan asin bago, na angay man na gayo sa ginigibo nyatong paghale kan satong daan na ngaran asin an pag-ako nin sarong bagong ngaran.

               Sa babasahon na ini, hinapot kan mga Pariseo si Jesus dapit sa pag-utob kan saiyang mga disipulo kan saro sa mga daan na esprituwalidad kan mga Hudiyo, na io an pag-aayuno. An pag-aayuno, kaiba an pamibi asin paglimos, iyo an tolong mayor na espirituwalidad na itinukdo ni Moises sa mga Israelita sa kalangtadan. Huli ta si Jesus asin an mga disipulo mga Israelita man, sinda sakop kan ipinagboboot na espirituwalidad, o paagi nin pagbabanal, ni Moises. Kaya nagsabi an mga Pariseo ki Jesus bilang pagtuyaw ninda sa saiyang mga disipulo na, “An mga disipulo ni Juan Bautista asin an samong mga disipulo sinda gabos nag-aarayuno. Alagad, an saimong mga dsipulos dai nanggad nag-aarayuno. Ano an masasabi  mo dapit kaini?an hapot ninda.” (Lk. 5:33).

               An hapot  na ini kan mga Pariseo igwa nin pahka-inosente, alagad pano man ini nin malisya, o puwede nyatong sabihon na ini sarong malisyosong obserbasyon dapit sa pagkatawo kan mga disipulos ni Jesus na napapatos sa sarong inosenteng hapot. Boot sabihon kaini iyo na minimenos kan mga Pariseo an mga disipulos ni Jesus nin huli ta an mga ini bakong arog kabanal asn karahay kan mga dsipulos ninda nin huli ta an mga disipulos kan mga Pariseo patin mga dispulos ni Juan Bautista gabos nagkukiyog kan lumang espirituwalidad na itinukdo bilang doktrina kan Judaismo na iyo an apag-ayuno, pagpamibi asin paglimos. Sa obserbasyon kan mga Pariseo, an mga disipulos ni Jesus mayo sa totoong dalan nin kabanalan asin espirituwalidad na ipinapasunod sa mga Hudiyo kun ikukumparar sa mga sadiri nidang disipulos kaya pinipiontasan kan ga Pariseo an mga disipulos ni Jesus. Dai nida nasasabotan asin dai inda kayang akuon na si Jesus sarong paratukdo nin kabanalan asin katanosan nin Dios kun an saiyang mga disipulos isinisikwal o habiong mag-otob kan lumang kutkdoan na aprobado na asin saindang nagimatan. Dai kaya kan mga Pariseo na iribay an lumang doktrina asin gawe-gawe kan saindang nagimatan na relihiyon para sa bagong doktrina asin gawe-gawe na boot na itukdo sainda ni Jesus bilang sarong bagong relihiyon o pakikipagrelasyon sa Dios. Kaya, tanganing ikapahayag ninda ki Jesus an saindang paglaban sa bagong relihiyon ni Jesus, nghapot sinda saiya dapit sa bagay nin pag-aayuno na iyo ansaro sa pinakamahalagang gawe nin sarong deboto asin relihiyosong Judiyo.

               Nabasa tolos ni Jesus an boot sbihon saiya kan mga Pariseong mlisyoso, kaya may pagka-inosenteng sinimbag man sinda ni Jesus alagad may hararom asin makahulugan na simbag. An kainosentehan kan mga Pariseo sa tunay na doktrina asin mga katukdoan ni Jesus nin huli ta habo na talaga sindang mag-ako nin anuman na bagay na gikan ki Jesus iypo an dakulang olang tanganing dai ninda maapresyar an bago. Kaya nagsabi sainda si Jesus, “Mayong tawo na minakua nin telang pantagubang sa bagong tela tanganing itagubang sana sa lumang alikboy; kun gigibuhon niya iyan, bako sanang gigision niya an bago, kundi an telang hale sa bago iyo man sana an magisi kan luma” (Lk. 5:36). An simbag na ini ni Jesus kinua niya hale sa pag-obserbar nin sarong praktikal na bagay, na iyo an pagtatagubang. An sarong tataong para-tagubhang n may toltol an pagiisip minakua nin pangtagubang  para sa lumang bado duman sa luma man na tela, nin huli ta an lumang telang pangtagubhang dai na mahignit sa telang pagtatagubangan. Kun bago an badong tatagubhangan, pwdeng mag-gamit nin bago man na telang pangtagubhang nin huli ta ining duwa masabay sa paghignit asin dai na mabababa an badong tinagubhangan. Kuns iring, an telang pangtagubhang asin an badong tinagubhagang dai masasayang. Kaya, kun habo kang mapagal asin madepisilan sa trabaho nin pagtagubhang, an dapat na gibuhon mo iyo an paromdom kan prinsipyong ini: luamg telang pangtagubhang sa lumang bado, bagong telang pangtagubhang para sa bagong bado. Dai puwedeng magsalak an bagong tela sa bagong bado, siring na dai puwedeng magsalak an bagong bado sa lumang telang pangtagubhang.

               Nagtao pa si Jesus nin sarong halibawa kan saiyang boot na sabihon hale sa sarong praktikal na obserbasyon. An sabi niya, “Mayong tawong minapalis nin bagong arak sa lumang anit; kun iyo, an bagong arak iyo man sana and mabusi kan lumang anit, dangan an arak asin an anit parehong masasayang. Dai, an bagong arak para sa bagong anit” (LK. 5:37-38). Dangan singupunan pa niya, “Mayong siisay man an tood na mag-inom nin lumang arak an gusto kan bago. Masabi siya, “Mas marhay an luma’” (Lk. 5:39). Digdi sa mga sinabi niyang ini, an boot sabihon iyo an minasunod: Enot, an tawo na may toltol na isip dai nanggad mabugtak nin bagong arak sa lumang anit nin huli ta aram niya  na pagnagisog na an bagong arak, an alcohol kaiyan makusog asin an lumang anit maluya na tanganing makaya an pwersa kan maisog na alcohol hale sa bagong arak kaya an arak mauula asin an lumang anit masasayang; an ikaduwa, an tawong tood nang mag-inom nin lumang arak  siyempre dai maaprsyar an bagong arak ta mahamis asin bakong maisog, bakong arog kan lumang arak na maisog asin templado na. Kaya an hatol ni Jesus malinaw. An sabi niya, bagong arak ss bagong anot, asin an lumang arak sa lumang anit.” An bagong arak makusog pang marhay an espiritu na dai kayak an lumang anit na maluya na an pwersa, siring na an lumang arak dai bagay sa bagong anit huli ta mararaot an namit kan lumang arak huli kan bagong anit. Siring man, an tood maginom kan lumang arak dai maapresyar an paginom kan bagong arak tam as tood sinda sa luma.

               Mga tugat, sa paagi kan mga halimbawang ini, boot na itukldo ni Jesus an kahulugan asin kahalahagahan kan ginigibo tang ritwal ngonian na banggi, na iyo an pagtao asin pag-ako nindo nin bagong ngaran. Malinaw na marhay kun ano an kahulugan kan bagiong ngaran na ini para saindo. Iyo ini an bagong tela para sa saindong bagong bado, asin an bagong anot para sa saindong bagong arak. An bagong ngaran na aakuon nindo ngonian na banggi iyo an bagong lalagan para sa bagong mga katukdoan asin doktrina ni Jesukristo na maski haloy na ini alagad ngonian pa sana nindo maadalan. Iyo iyan an bagong espiritung makusog na satong ibubugtak sa bagong lalagan na iyo an saindong bagong puso na may bagong ngaran. Kaya palan na sa halawig na panahon na nagpaparabasa kamo kan Bibloya bilang mga miyembro kan simbahan asin nagparadangog kamo nin mga sermon o paliwanag tungkol sa bibliya alagad dai nyato maintyendihan an mga paliwanag ninda nin huli tam as tood kita sa lumang mga paliwanag asin katukdoan, asin luma na man an satuyang lalagan, na sisinmbolo kan satuyang mga lumang ngaran. Dai nindo maapresyar an bagong kutokdoan digdi sa dalan na ini kun an saindong lalagan iyo an mga lumang ngaran nindo. “Bagong anit para sa bagong arak; bagong telang pangtagubhang para sa bagong alikboy.” IYan an gigubuhon nyato ngonian na bangi sa pagtao saindo nin bagiong ngaran.

               Kaya, mga taugang, haleon ta na an mga pag-alang-alang asin pagduda sa satuyang mga puso. Ram tan a padagos an kahulugan kan mga ritwal na ini ngonian na banggi asin kun para saen an mga iyan. Ribayan ta na an satong mga dati o lumang ngaran nin huli ta iyan an sinabi sa ebanghelio na lumang anit asin lumang tela. Gamiton ta an bagong anot asin bagong tela para sa bagong espiritu na boot itao satuya kan Inang Sta. Iglesia sa paagi kan saiyang bautismo.

               Mga taugang, amtindog na tabi kita para sa pagbasa kan Ebanghelio sosog ki San Lukas, Kapitulo 5, magpoon sa bersikulo 33 sagkod sa 39.

HALIPOT NA PAGHOROP-HOROP ASIN PAGHIRAS KAN KOMUNIDAD DAPIT SA EBANGHELIONG BINASA.

Homilía kan Presidente.

PAGTAO KAN BAGONG NGARAN

            Pamibi kan Presidente.

            Lambang saro madulok sa Presidente, na dai kaipuhan na maglinya,asin masimbag siya sa mga hapot:

Presidente: Ano an saimong ngaran na sibil?

Kandidato: N. (Itatao niya an dating ngaran niyang sa sibil.)

Presidente: Ano daw an kahulugan kan saimong dating ngaran an sibil?

Kanditato: (Matao siya nin kahulugan para sa dating ngaran niyang sibil).

Presidente: Anong bentahe an mga naidulot saimo kan saimong dating ngaran na sibil?

Kandidato: (Matao siya nin mga bentahe kan saiyang dating ngaran na sibil.)

Presidente: Ano naman an mga disbentahe saimong dating ngaran na sibil, kun igwa?

Kandidato: (Matao siya nin mga disbentahe kan saiyang dating ngaran na sibil.)

Presidente:  Ano an bagong ngaran na saimong napili?

Kandidato: N.

Presidente: Ano an kahulugan kaini para sa buhay mo ngonian?

Kandidato: (Matao siya kan kahulugan kan saiyang bagong ngaran.)

              

(Kun mayo siyang napiling bagong ngaran, mabonot siya nin sarong bagong ngaran na yaon sa listahan nin mga kristyanong ngaran na inamdan. Dangan pagkabonot, ipapahayag niya sa katiripunan kun ano an bagong ngaran na saiyang nabonot. Kun an nabonot niyang bagong ngaran pareho man sana kan saiyang dating ngaran, mabonot giraray siya sa ikaduwang beses sa kahon na may mga lista kan kristyanong ngaran.)

Dangan sasabihan siya kan Presidente:

Presidente: Magpoon ngonian an saimong baging ngaran iyo an N., sa ngaran kan Ama (+), kan Aki (+), asin kan Espiritu Santo (+).

               Mantang sinasabi niya ini, malahid siya nin Sto. Oleo sa angog kan katekumen, tanda kan pagsurat kan bagong ngaran sa saiyang isip. Pagkalahid, an katekumen masibog sa saiyang lugar asin matukaw.

PAGLISTA KAN NGARAN SA LIBRO NIN BUHAY:

              

               Pamibi kan Presidente, bilnag paghagad nin tabang para sa mga katekumen na mapalista kan saindang ngaran sa pagigin mga bagong kaayon sa eskuwelahan nin pagtubod.

               Dangan saro-saro, na dai kaipuhan na maglinya giraray, madulok sinda sa  lamesang namumugtakan kan Bibliya asin isusurat an saiyang bagong ngaran sa pahina kan BIblia. Pagkatapus kaini, isusunod na an Pamibi kan Banwaan.

PAMIBI KAN BANWAAN

AMA NIAMO

Hadok nin Katoninongan. (Evenu Shalom).

HURING PAMIBI ASIN BENDISYON KAN PRESIDENTE

HURING AWIT ASIN AGAPE

Homiliya Para sa Rito kan Pagtao nin Bagong Ngaran

BAGONG NGARAN: BAGONG APOD, MIDBID ASIN UGALI…

Bagong Arak Para sa Bagong Anit” (Lk. 5:38)

            Pagkatapos na makadangog kamo kan tunay na Ebangelio nin Dios  huli kan sarong taon na pag-adal kan Bibliya sa panahon kan Pre-Katekumenda, ngonian na banggi inaapod na kamo kan Inang Sta. Iglesia na gibuhon an rito kan Pagtao nin mga Bagong Ngaran bilang enot na lakdang para sa paglaog ninda sa Ikaduwang Peryodo na iyo an Paglaog sa Katekumenado.

            Ano an kahulugan kan halipot na ritong ini nin Pagtao nin Bagong Ngaran? Sosog sa tema kaining satong homilya na “Bagong Ngaran: Bagong Pag-Apod, Pagmidbid Asin Ugali…Bagong Arak Para sa Baging Anit,” linaladawan sa mga halipot ma tataramn na ini an tunay na kahulugan kan bagong ngaran na satong dadarhon magpoon nhonian. Ano naman an boot sabihon kan temang ini?

BAGONG APOD

            Nagpag-adalan nyato sa Bibliya na an ngaran ginagamit bilang sarong tataramon na pang-apod. “Dinara niya sinda sa lalaki tanganing hilngon kun ano an iaapod niya sainda; an lambang saro magdadara nin ngaran na itatao saiya kan lalaki. Tinawan kan lalaki nin mga ngaran an gabos na kabakahn, gabos na mga gamgam sa langit asin an gabos na lalaw na mga hayop” (Gn. 2:19b-20a). “Aapodon ining ‘Babae,’ huli ta gikan siya sa lalaki: (Gn. 2:23b). “Tinarawan sinda kan namamayong eunuko nin ibang ngaran, Beltheshasar an inapod ki Daniel, Sadrak para ki Hananias, Meshak para ki Mishael, asin Abednego para ki Azarias” (Dn. 1:7). “Ngonian kan uminabot an ikaduwang aldaw na tuturion ninda an aki, aapudon kutana siyang Zakarias na sunod sa ngaran kan saiyang ama, alagad nagtaram an saiyang ina. Nagsabi siya, ‘Dai, kundi Juan an iaapod saiya’” (Lk. 1:59-60).

            Ining presenteng ngaran an sibil tang ini iyo an gingamit ta sa pag-estar sa kinaban na ini, asin sa ngaran na iyan kita namimidbiran patin sa ngaran na iyan kita nakikipag-transaksyon sa kinaban. Gabos na pagrorogaring ta nakapangaran sa ngaran na iyan. Kun siring, an pagtener ta dati tang ngaran nangangahulugan sa padagos tang pakikirelasyon asin pakikitransakyon sa kinaban. An kinaban na ini igwa nin dakulang impluwensya sa sato huli sa dating sibil na ngaran tang iyan. Kaya, an satong pagribay o pagsangle nin ngaran iyo an nangangahulugan kan satong pagpoon sa pagtalikod sa pangapodan kan kinaban asin an satong padagos na pagatubang sa Dios. “Sa paagi kan saiyang diosnon na kapangyarihan, itinao niya sato an gabos na bagay na kaipuhan ta para sa buhay asin para sa totoong debosyon, na nagdadara sato sa pagkamidbod sa Dios mismo, na nag-apod sato huli kan saiya mismiong kamurawayn asin karahayan” (2 P. 1:3).

            An pag-apod na ini saindo nin Dios ngonian iyo an kapinunan na mabuhay kamo sa laog nin sariobng komunidad nin pagtubod. “Mga tugang, inapod na kamo asin pinili: magtrabaho na kamong maigot tanganing patotoohan iyan. Kun gigibuhn nindo an gabos na mga bagay na ini mayo lamang nin pag-alaman na makasuhay pa kamo giraray. Sa dalan na ini tatawan kamo nin admisyon pasiring sa daing tapos na kahadean kan satong Kagurangnan asin paratubos na si Jesukristo” (2 P. 1:10-11). Kun siring, malinaw an pangapodan saindo nin Dios ngonian, na iyo an saindong “paglaog” pasiring sa kahadean ni Jesuckristo.

BAGONG MIDBID

            Sarong mahalagang gamit nin ngaran iyo an pagpamidbid nin sarong linalang dapit kan saiyang sadiri sa kaenterohan kan mga iba pang linalang digdi sa kinaban. Nin huli kan ngaran, an sarong persona nagkakaigwa nin halaga, importansya asin kamugtakan sa sosyedad nin tao. “Nagsarabi sinda, ‘Madya magturugdok kita pa sa sato nin sarong banwaan asin sarong torre na an alitoktok minasukdo sa langit. Gumibo kita nin sarong ngaran na may kabantogan para sa sato, tanganing dai kita magkawararak sa enterong kaibabawan nin daga” (Gn. 11:4).

            An boot sabihon kan pagkakaigwa nin ngaran iyo an pagkamiot nin sarong kabantogan, reputasyon asin pagiromdom. “Nagsabi siya, Mayo ako nin aki na magoaoadanay sa romdom nin sakong ngaran’” (2 S. 18:18).

            Siring man, an ngaran nagpapamidbid kan destino o misyon nin sarong tawo. “Dai ka na aapodon Abram; magigi Abraham na an saimong ngaran, huli gigibihon takang ama nin sarong dakulang nasyon.’  Nagsabi pa Dios ki Abraham, “dapit sa agom mong si Sarai, bako nang Sarai an apod mo kundi Sarah’” (Gn. 17:5,15). “Mangangaki siya nin sarong lalaki asin Jesus an ingangaran mo saiya, huli ta ililigtas niya an saiyang mga kahimanwa sa saindang mga kasalan” (Mt. 1:21). “Kaya, tinawan niya nin mga trabaho an dose; si Simon na tinawan niya nin ngaran na Pedro; si Jaimeng aki nin Zebedeo asin si Juan na ugang ni Jaime na tinawan nin ngaran na Boanerges o ‘Aki nin hurog-hudog’” (Mt. 3:16).

            Kaya, an pagkakaigwa nindo nins arong bagong ngaran nangangahulugan na magkakaigwa kamo nin bagong tranaho na maitao saindo nin bagong kabantugan, o reputasyon tanganing magkaigwa man kamo nin bagong destino o misyon sa saindong buhay. Kun an pagka-aram kan kadaklan kamo mga dating daing halaga o may maraot na reputasyon, ngonian mababgo na iyan sa paagi sana nin pag-ako asin paggamit nindo nin sarong bagong ngaran. Huli kan saindong bagong ngaran, an Dios nangangako saindo ngonian na iyan tatawan nin bagong kahulugan asin kabantogan na magpapadanay kan saindong magayon na romdom digdi sa daga kun magayon man an magigin result kan saindong pag-implementar kan bagong trabaho o misyon na saindong aakuon magpoon ngonian digid sa eskuwelahan nin pagtubod. “Huli ta si Yahweh nagsabi kaini: ‘Sa mga enuukong minaotob kan sakong mga sabbath, asin nangangako na magibo kun ano an ikakakogma ko asin minakugos kan sakong tipan, sarong monumento an iatato ko sa  sakong harong asin sa laog nin sakong kudal asin sarong ngaran na mas marhay kisa sa mga aking lalaki asin mga aking babae; tatawan ko sinda nin sarong dai natatapus na ngaran na dai lamang mapapara” (Is, 56:3-7).

            An saindong bagong ngaran igwa nin darang bagong destino asin misyon para sa saindo nin huli sa bagong trabaho na aasumiron nindo kun kamo magin mga tunay na kristyano. An destinong iyan iyo an saindong pagigin tunay na mga kristyano sa totoong espiritu ni Cristo, na iyo an ilaw, asin asin lebadura kan daga. Kun siring, an saindong bagong misyon iyo man an pagigin ilaw, asin, asin lebadura sa kinaban (Mt. 5:13, 14, 33) arog ni Cristo.

BAGONG UGALI

            An ngaran ta iyo an malinaw na nagpapahayag kan ugali nins atong pagkatawo. Arog sa mga napag-adalan tang mga ngaran na yaon sa BIbliya, an ngaran kan mga tawong ini malinaw na nagsasabi kun ano an mga totoo asin tunay na ugali ninda. “Bako dawn a an dahelan kaini iyo na Jacob an saiyang ngaran, kaya ngonian makaduwang beses niya akong sinapawan” (Gn. 27:36). “Dai nindo pagintyendihon an ribong na tawong ini na si Nabal, nin huli ta an saiyang ugali kapareho kan saiyang ngaran: “Bruto” an saiyang ngaran asin bruto man an saiyang ugali” (1 Sam 25:25). An dati tanga mga ugali na daing data kun minsan iyan nakatakin sa mga duro-dara tang mga  daing dating ngaran na gikan sa satong natural na pagkamundag asin sa natural man na magurang nyato. An bagong ngaran nindo magigin bunga iyan sa sarong supernatural na pagkamundag huli sa bautismo, kun kaya magin man kamong kamong mga supernatural na linalang na may supernatural na magurang, an Dios.

            Ngonian an inapod kita sa dalan na ini pasiring sa sarong supernatural na buhay huli kan bagong pagkamundag sa Bautismo, kaipuhan na, sa pinakaprimeorng tangga kan satong paglakaw sa dalan na ini, bayaan nyato an datong ngaran tang mga sibil nin huli ta magpoon ngonian bako na kitang mga sisbilyan kan kinaban na ini kundi sibliyan kan langitnon na siyudad nin Dios. “An sakong mga pinili gagamiton bilang pangsumpa an ngaran na saindang babayaan: Pakulon ka logod nin kagadanan ni Yahwehng Kagurangan. Alagad tatawan nins arong bagong ngaran an sakong mga surugoon” (Is. 65:15).

            An saindong bagong ngaran may dara nin bagong pag-uugali nin huli ta an ngaran na iyan igwa man nin bagong kahulugan para saindo na iyo an danay nindong giya sa aglakaw pasiring sa tunay asin lubos na pagkakristyano. An boot sabihon kaiyan iyo na an bagong pag-uugali nin pagigin ilaw, pagigin asin, asin pagigin lebadura ni Cristo.

BAGONG ARAK SA BAGONG ANIT

              

               Para duman sa saindo na igwa nin pagduwa-duwa dapit sa pagsangle ninda kan saindang dating tinudan na ngaran, an mga tataramon na “bagong arak para sa bagong anit” iyo logod an magbikas  asin magpalinaw kan saindong isip asin puso dapit sa tunay na dahelan kan pag-ako nindo kan bagong ngaran para sa mga tawong nasa dalan nin pagbabago nin pagkabuhay bilang akin in Dios.

               Tano ta maski haluyon na kamo sa katekumenado magpoon kan taon 1980, maski dakul nang mga kadepisislan na inaragihan nindo sa dalan na ini, uya pa man giraray kamo sa paglakaw? An dahelan iyo na nagtutubod kamo na sa dalan na ini nindo makakamtan an tunay na pagbabago nin saindong buhay. Sa konsiderasyon an halawig na panahon na dai kamo nawara sa pagsunod beyteng taon na an nakaagi, may dakulang balidad an pagtubod nindong ini maski pasulnop na an saindong pagkabuhay alagad dai kamo naguuntok sa paghanap nin paging ikababago kan saindong buhay. Akpo nagtutubod na an pagtunod nindong ini gikan sa sarong pagkamate para sa karahayan na gikan sa Dios. Kaya dai niya kamo winawara sa dalan na ini sagkod ngoian.

               An boot kong sabihon kaini iyo na totoo man nanggad na an dalan na ini pasiring sa kumbersyon asin pagbabago nin buhay mantang ini dalan pasiring sa pagbuhay ta liwat sa grasya nin bautismo na inako nyato kan kita mga omboy pa asin inosente sa dalan na inaagihan nin pagka-kristyano. An espiritu nin Bautismo inaagid sa sarong bagong arak na mantang bago pa sanang gibo ini masiram, mahamis maluya pa an isog asin madalion na marhay na makaburat. Nin huli ta an bautismo iyo an kapinunan kan satong pakikirelasyon sa espiritu nin Dios asin si Jesukristo, kaya an pagnagom kan relasyon na iyan inaagiod na gayo sa pagnagom asin paggurang nin sarong arak. Kaya, an siisay man na persona na yaon sa dalan nnin pag-ako kan grasya nin bautismo yaon man sa dalan pasiring sa pagigin bagong linalang, asin an saiyang pagtalubo sa bagong kamugtakan nin pakikirelasyon sa espiritu nakaka-agid na gayo sa isog asin nagom nin arak.

               Kaya sinasabu sa ebanghelio na “Bagong rak sa Bagong Anit” (Lk. 5:38), ni huli ta an bagong espiritung ini na minapoon na mabuhay huli kan Bautismo asin minaisog asin minasiram sagkod na binubuhay pa an sarong tawo, ini nangangaipo na baguhon ta an dating ngaran na iyo an lyabe sa satong natural na pagkatawo, tanagning masanglean nin sarong supernatural na pagkatawo. Ini talaga an pinakapananaw kan Katekumenado, asin an ritwal na ini ngonian na banggi iyo an enot na kabtang pasiring sa paglaog nytao sa Peryodo kan pagigin sarong katekumen.

              

NGARAN NIN BABAE ASIN MGA KAHULUGAN

A

NGARAN	KAHULUGAN
Abigail	Heb. Kaogmahan nin ama
Ada	Hilnga an Edita
Adelaida	Teut. Nobleng kagayagayahan
Adelina	Teut. Nobleng serpiente
Adriana	Lat. “Hale sa Adria
Agatha	Gr. Marhay
Agnes	Gr. “pino” (nesta)
Aileen	Hilnga an Helen
Alberta	Teut. ‘nobleng kaliwanagan
Aletea	Gr. Katotoohan
Alejandra	Gr. Katabang kan lalaki
Alicia	Teut. Nobleng kagayagayahan
Alina	Hilnga an Editha
Alison	Teut. Bantog na giyera
Almah	Heb. Daraga; Celt. Enterong marhay, Latin magayon sa paghiling
Alithea	Gk. Parabulong
Amelia	Hilnga an Emilia
Amy	Latin namomotan
Anastasia	Gr. Mabangon siya giraray
Angelica	Gr. May pagka-anghel
Anita	Hilnga an Ana
Ana	Heb. grasya
Annabel	Teut. Heroheng agila
April	Gikan sa ngaran kan bulan
Arabella	Teut. Heroeng agila
Audrey	Teut. Nobleng parapatakot
Augusta	Latin pinagkagurangnan
Aurelia	Latin, may pagkabulawan
Aurora	Latin, kaagahan

B

NGARAN	KAHULUGAN
Barbara	Gr. estranghera
Beatriz	Lat. Parabendisyon (Trixy)
Belinda	Italian halas
Berenice	Gr. Paradara nin kapangganahan
Bertha	Teut. Sarong makinang
Beryl	Ngaran kan mahalagang gapo
Blanca	Teut. Puti
Brenda	Teut. Espada
Brigida	Celt. kusog

C

NGARAN	KAHULUGAN
Camilla	Etrus. Surugoon kan templo
Carmen	Lat. Babaeng profeta
Cecilia	Lat. Buta (Sheila)
Caridad	Gr. Pagkamoot
Carlota	Teut. Lalaki
Cristabel	Gr. Magayon na kristyano
Christina	Gr. Kristyano
Clara	Latin bantog
Claribel	Latin maliwanag na kagayonan
Claudia	Latin pilay
Clemencia	Latin maheherakon
Columbina	Latin salampati
Constancia	Latin pusog
Cora	Gr. Daraga
Cornelio	Celt. Aking babae kan dagat
Cynthia	Gr. Taga Cynthus

D

NGARAN	KAHULUGAN
Daphne	Gr. Kahoy na laurel
Deborah	Heb. pukyutan
Denise	Gr. Taga-dionysos
Diana	Latin. Diosa
Dina	Heb. Paghusgar
Dolores	Latin. mga kamundoan
Doris	Gr. Taga-Doria
Dorotea	Gr. Regalo nin Dios
Drusilla	Celt. Makusog
Dulcibella	Lat. Mahamis na kagayonan

E

NGARAN	KAHULUGAN
Edita	Teut. Mayaman na regalo
Elfrida	Teut. Parabugaw nin mga dwende
Elizabeth	Heb. Panuga nin Dios
Ella	Teut. Amiga nin dwende
Elsa	Hil. an Alicia
Emilia	Teut. trabaho
Emma	Teut. Lola
Enid	Celt. Mayong ating kalinigan
Erica	Teut. Danay na hade
Ermentrudis	Teut. Daraga kan nasyon
Ernestina	Teut. Agilang gapo
Esmeralda	Gr. Emeralda
Stella	Hil. An Ester
Ester	Pers. Bitoon
Ethel	Teut. Noble
Eugenia	Gr. Marahay-rahay na iminundag
Eulelia	Gr. Magayon na pagtaram
Eunicia	Gr. Maogmang kapangganahan
Eufemia	Gr. Magayon na kabantogan
Eva	Heb. Buhay
Evangelina	Gk. Moagmang parabareta
Eveleen	Celt. Managom
Evelyn	Lat, “filberta”

F

NGARAN	KAHULUGAN
Felicidad	Lat. kaogmahan
Flora	Latin. Burak
Florencia	Lat. Marambong, kauswagan
Francesca	Teut. Talingkas
Freda	Teut. Katoninongan
Frederica	Teut. Matoninong na taga-pamahala

G

NGARAN	KAHULUGAN
Gabriela	Heb. Herohe nin dios
Genoveva	Hil. an Jennifer
Georgina	Gr. Para-ataman
Geraldina	Teut. Kapangyarihan kan sibat
Gertrudis	Teut. Daragang parasibat
Gloria	Lat. Kamurawayan
Gracia	Latin, pasasalamat
Griselda	Teut. Gapong guererra
Gwendolen	Celt. Maputing kiray

H

NGARAN	KAHULUGAN
Harriet	Teut. Tagapamahala sa harong
Heather	Gikan sa tinanom
Hebe	Gr. Lumbod na pagkahoben
Helen	Gk.  Liwanag
Hermione	Gk. “ki Hermes”
Hilda	Teut. Daragang pang-giyera
Honor	Latin. Honra (Nora, Norah)
Hortensia	Latin. Paratanom sa hardin

I

NGARAN	KAHULUGAN
Irene	Gr. Mensahero nin katoninongan
Isabel	Heb. Sumpa nin Dios
Ivy	Teut. Nakakurapot, nagkakapot

J

NGARAN	KAHULUGAN
Jacqueline	Heb. Parasapaw
Jasmine	Gikan sa ngaran kan tinanom
Jemima	Heb. Salampati
Jennifer	Celt. Puting alon
Johanna (Juana)	Heb. Grasya nin Kagurangnan
Josefina	Heb. Dagdag
Joyce	Lat. Parakawat
Judith	Heb. Sarong Judiya
Julia	Lat. Hababang pisngi
Junio	Gikan sa ngaran kan bulan

K

NGARAN	KAHULUGAN
Katherine	Gr. Dalisay

L

NGARAN	KAHULUGAN
Laura	Lat. Laurel
Lavinia	Lat. Taga-Latium
Leah	Heb. Napapagal
Leila	Arab. Banggi
Leticia	Lat. Kagaya-gayahan
Lilian	Lat. Lirio
Luisa	Teut. Bantog na giyera
Lucia	Lat. Ilaw
Lilia	Gr. Taga-Lydia

M

NGARAN	KAHULUGAN
Mabel	Celt. Pagngisi
Magdalena	Heb. Taga-Magdala
Marianne	Heb. Mapait na grasya
Marigold	Gikan sa ngaran kan tinanom
Marta	Heb. Nagigin mapait
Maria	Heb. Kapaitan, (Maureen, miriam, Moly)
Matilda	Teut. Mapangyaring babaeng pang-giyera
May	Hilnga an Margarita o Maria
Mercy	Gikan sa virtud
Mildred	Teut. Malumanay na parapatakot
Millicent	Teut. Kusog pan-trabaho
Minnie	Teut. Pagkamoot
Miranda	Lat. Pinaghahangaan
Moira	Celt. Malumhok
Mona	Lat. Solo-solo
Monica	Lat. Tagapaghulit
Muriel	Gr. Mira (myra)

N

NGARAN	KAHULUGAN
Nadine	Slav. Paglaom
Naomi	Heb. Sarong magayon na paghilngon
Natalia	Lat. Aki nin krismas
Nona	Lat. Halas

O

NGARAN	KAHULUGAN
Octavia	Lat. paglaom
Olga	Teut. Banal
Olivia	Lat. Katoninongan asin kagayagayahan
Ofelia	Gr. halas

P

NGARAN	KAHULUGAN
Pamela	Dai aram an ginikanan kan ngaran
Pansy	Gikan sa tinanom
Pasencia	Lat. Pasensyosa
Patricia	Latin. Noble
Paula	Lat. Sadit
Perla	Gikas sa hiyas
Penélope	Gk. Parahabol
Petronella	Gr. gapo
Felipa (Philippa)	Gr. Mamomoton sa mga kabayo
Febe	Gk. Mabanaag
Phyllis	Gk. Berdeng sanga
Priscilla	Lat. Anoy
Prudensya	Gikan sa virtud

R

NGARAN	KAHULUGAN
Rachel	Heb. Babaeng karnero
Rebecca	Heb. Talidong na lubid
Rhoda	Hil. an rosa
Rosalinda	Teut. Magayon na halas
Rosamonda	Teut. Bantog na kalasag
Rosa	Lat. Sarong rosas (Rhoda, Rosalia)
Rosamaria	Lat. Ambon nin dagat
Ruby	Gikan sa mahalagang gapo
Ruth	Heb. kagayonan

S

NGARAN	KAHULUGAN
Salome	Heb. Matoninong
Sarah	Heb. Princesa
Selina	Gr. Bulan
Sibyla	Lat. Madonong na babaeng gurang
Sofia	Gk. Kadonongan
Stefania	Gr. Korona
Susana	Heb. Lirio (Susan, Susana)
Sylvia	Lat. Nag-eerok sa kadlagan

U

NGARAN	KAHULUGAN
Ursula	Lat. Urso

V

NGARAN	KAHULUGAN
Vera	Slav. Pagtubod , katotoohan
Verónica	Lat/Gr. Totoong imahen
Victoria	Lat. Konkistadora
Violeta	Lat. Malumanay na grasya
Virginia	Lat. Mauswag, marambong

W

NGARAN	KAHULUGAN
Wilhelmina	Teut. Kopya nin kasimbagan

Y

NGARAN	KAHULUGAN
Yvonne	Teut. Parapana

Z

NGARAN	KAHULUGAN
Zerah	Heb. Pagsirang kan liwanag
Zillah	Heb. Anino

NGARAN NIN MGA LALAKI ASIN MGA KAHULUGAN

A

NGARAN	KAHULUGAN
Aaron	Egip. Halangkaw na bukid
Abel	Heb. Hinangos, minalipas
Abraham	Heb. Ama nin kadaklan
Absalon	Heb. Ama nin katoninongan
Adan	Heb. Pulang daga
Adolfo	Teut. Nobleng layas na ayam
Adrian	Lat. Gikan sa Adria
Alan	Anglo-Nor. Maogmahon (Allan, Allen)
Alban	Lat. Puti
Alberto	Teut. Nobleng makinang
Alejandro	Teut. Paratabang nin katawohan (Alick)
Alfredo	Teut. Nonong nasa konsilyo, madonong siring sa supernatural na linalang
Algernon	Norm. balukag sa ngimot
Alfonso	Teut. Listo sa pakilaban
Ambrosio	Gk. Imortal
Amos	Heb. Sakal
Anatole	Gr. Taga-sirangan
Andres	Gr. Sarong lalaki
Angus	Celt. Pinakamarhay na virtud
Antonio	Lat. Dai makuwenta
Arkibald	Teut. Banal na prinsipe
Arnulfo	Teut. Kapangyarihan kan agila
Arturo	Celt. Halangkaw
Aubrey	Teut. Nonong taga-pamahala
Augusto	Lat. gurang

B

NGARAN	KAHULUGAN
Barnabas (Bernabé)	Heb. Aki nin karangahan
Barry	Celt. Marhay na parahimunta
Bartolome	Heb. Aki nin mga kinale
Basilio	Gk. May sa hade
Benedicto	Lat. Na-bendisyonan
Benjamin	Heb. Aki nin sakong toong kamot
Bernardo	Teut. Pusog na urso (Barnard)
Bertrano	Teut. Maliwanag na uwak
Brian	Celt. Makusog (Bryan)

C

NGARAN	KAHULUGAN
Caleb	Heb. Ayam
Caradoc	Celt. Namomotan
Carmiguel	Celt. Amigo ni Miguel
Cecil	Lat. Buta
Cedric	Celt. Hafe sa giyera
Carlos (Carl, Karl)	Teut. Lalaki
Kristiano	Gr. Paraunod ni Cristo
Cristofer	Gr. Paradara ni Cristo
Clarence	Lat. Maliwanag o famoso
Claudio	Lat. Pilay
Clemente	Lat. Maheherakon
Clifford	Dai aram an ginikanan
Clovis	Teut. Famosong giyera
Colin	Lat. Salampati
Conan	Celt. Kadonongan
Conrado	Teut. Matibay na magtaram
Cornelio	Lat. May pagka-hade
Cosme	Gr. Kahusayan
Cuthberto	Teut. Bantog na kaliwanagan
Cirilo	Gr. May pagka-kagurangnan

D

NGARAN	KAHULUGAN
Dan	Heb. Huwes
Daniel	Heb. Huwes an Dios
David	Heb. Namomotan, lider militar
Dennis	Gr. Ki Dionisio
Desmond	Dai aram an ginikanan
Domingo	Lat. Aki nin domingo
Donald	Celt. Mapa-abaw-abaw na hefe
Douglas	Celt. Subidong abuhon
Dudley	Dai arama an ginikanan
Duncan	Celt. De-kapeng hefe

E

NGARAN	KAHULUGAN
Edgar	Teut. Mayaman na sibat
Edmundo	Teut. Mayaman na kalasag
Eduardo	Teut. Mayaman na bantay
Edwin	Teut. Mayaman na amigo
Egberto	Teut. Pusog na maliwanag
Elias	Heb. Dios na Kagurangnan
Eliseo	Heb. Dios nin sakong kaligtasan
Emannuel	Heb. An Dios yaon sato
Emilio	Lat. Trabaho
Enoch	Heb. Dedikado
Efren	Heb. Dobleng pagtalubo
Eric	Teut. Danay na hade
Ernesto	Teut. Gapo na agila
Esau	Heb. Mabuhok
Eugenio	Gr. Namundag na marahay-rahay
Eustaquio	Gr. Maogma sa pag-ani
Evan	Celt. Hoben na mandirigma
Evelyno	Lat. Filberto
Everardo	Teut. Pusog na orig na layas
Ezekiel	Heb. Kusog nin Dios
Ezra	Heb. Pagbanaag kan liwanag

F

NGARAN	KAHULUGAN
Felix	Lat. Maogma
Fernando	Teut. Adbenturerong pagkabuhay
Fergus	Celt. Lalaki nin kakusugan
Francisco (Frank)	Teut. Libre
Federico	Teut. Matoninong na taga-pamahala

G

NGARAN	KAHULUGAN
Gaston	Dai aram an ginikanan
Gavino	Celt. Lawin nin pakikigerra
George	Gr. Para-ataman
Gerald	Teut. Kapangyarihan kan sibat
Gerardo	Teut. Pusog na sibat
Gilberto	Teut. Maliwanag na tuga
Giles	Gr. Igwa nin estandarte
Godfrey (Geoffrey)	Teut. Katoninongna nin Dios
Godwin	Teut. Amigong diosnon
Gregorio	Gr. parabantay
Guy	Celt. sentido

H

NGARAN	KAHULUGAN
Harold	Teut. Kapangyarihan nin parapakilaban
Harvey	Celt. Mapait
Hector	Gr. Parasagang
Henry (Harry)	Teut. Tagapamahala sa harong
Herbert	Teut. Maliwanag na parapakilaban
Hesekias	Heb. Kusog n kagurangnan
Hilario	Lat. Maogmahon
Horacio	Lat. Dai aram an ginikanan
Huberto	Teut. Mataling isip
Hugo	Teut. Isip
Humprey	Teut. Arrigí nin katoninongan

I

NGARAN	KAHULUGAN
Ichabod	Heb. Huminale sa kamurawayan
Ignacio	Heb. Makurab na kalayo
Isak	Heb. pagngisi
Isaias	Heb. Kaligtasan nin Kagurangnan
Isidro	Gr. Makusog na regalo
Ivo (Ivor)	Teut. parapana

J

NGARAN	KAHULUGAN
Jabez	Heb. Kamundoan
Jacob (Jaime, Jamíz)	Heb. parasapaw
Jasper	Pers. Maestro nin kayamanan
Jeremias	Gr. Banal na ngaran
Jeronimo	Gr. Banal na ngaran
Jesse	Heb. An Kagurangnan iyo
Juan (Ian, Ivan, Jack, Jean, Jock)	Heb. Grasya nin kagurangnan
Jonas	Heb. Salampati
Jonathan	Heb. An regalo nin kagurangnan
Josef	Heb. Dagdag
Joshua	Heb. An kagurangnan iyo an kaligtasan
Josias	Heb. Ipina-onra sa kagurangnan
Judah	Heb. Kaomawan na kagurangnan
Julio (Julian, Jules)	Lat. Hababang mabarabas
Justin	Lat. Matanos

K

NGARAN	KAHULUGAN
Kay	Lat. nagoogma
Kenneth	Celt. Marahayon

L

NGARAN	KAHULUGAN
Lamberto	Teut. Kaliwanagan kan banwaan
Lancelot	Lat. Surugoon
Laurencio (Laureano, Lorenzo)	Lat. Laurel
Lazaro	Heb. Matabang an Kagurangnan
Leon	Gr. Lion
Leonardo	Teut. Kusog nin leon
Leopoldo	Teut. Príncipe kan mga tawo
Levi	Heb. Minadugtong
Luis (Lewis)	Teut. Bantog na giyera
Lionel	Lat. Sadir na leon
Llwellyn	Celt. Kapareho kan lion, kikilat
Lukas	Lat. ilaw

M

NGARAN	KAHULUGAN
Malakias	Heb. Anghel nin kagurangan
Malcolm	Celt. Surugoon ni Columba
Manfred	Teut. Mapangyaring katoninongan
Marso	Celt. kabayo
Marcos (Mark, Martin)	Lat. Ki Mars
Marmaduke	Celt. Lider kan dagat
Mateo	Heb. Regalo kan dios
Mauricio	Lat. May pagkamoro
Maximilian	Lat. Pinakadakulang Emiliano
Miguel	Heb. Siisay an kapareho nin Dios
Miles	Gr. Pararunot; Lat. parapakilaban
Moises	Heb. sinapod

N

NGARAN	KAHULUGAN
Nathan	Heb. regalo
Nathanael	Heb. Regalo nin Dios
Neal (Niel)	Celt. Kampeón
Nicolas	Gr. Kapangganahan kan mga tawo
Nigel	Lat. Itom
Noe	Heb. Pagpahingalo
Noel	Lat. Krismas
Norman	Teut. Lalaking taga-Niorde

O

NGARAN	KAHULUGAN
Obadiah	Heb. Suruguon nin kagurangnan
Oliver	Lat. Katoninongan asin kagayagayahan
Oscar	Celt. Minaluksong parapakilaban
Oswaldo	Teut. Diosnon na kapangyarihan
Otto	Teut. Mayaman
Owen	Celt. Kordero, hoben na parapakilaban

P

NGARAN	KAHULUGAN
Patricio	Heb. Surugoon nin kagurangnan
Pablo	Lat. Sadit
Percival	Celt. Kuro-kaiba kan kalis
Pedro	Gr. Gapo
Felipe	Gr. Mamomoton na kabayo

R

NGARAN	KAHULUGAN
Randolfo	Teut. Pangharong na lobo
Rafael	Heb. Pagbolong nin Dios
Raymundo	Teut. Madonong na kalasag
Reynaldo	Teut. Mapangyaring paghukom
Ruben	Heb. Hilnga an sarong aking lalaki
Ricardo	Teut. Masakit na hade
Roberto	Teut. Maliwanag na kabantogan
Roderick	Teut. Famosong hade
Rodolfo	Teut. Lobong famoso
Rogelio	Teut. Sibat nin kabantogan
Rolando	Teut. Kabantogan kan daga
Ronaldo	Pareho sa Reynaldo
Rufo	Lat. pula
Ruperto	Pareho sa Roberto

S

NGARAN	KAHULUGAN
Samuel	Heb. Hinagad sa Dios
Sebastián	Gr. May ginurangan
Simeon (Simon)	Heb. Makinuyog-kuyog
Solomon	Heb. Matoninong
Stanley	Dai aram an ginikanan
Esteban	Gr. korona
Sydney	Dai aram an ginikanan
Silvestre	Lat. Nageerok sa kadlagan

T

NGARAN	KAHULUGAN
Terencio	Lat. Lumbod
Teobaldo	Teut. Príncipe kan mga tawo
Teodor (Tudor)	Gr. Diosnon na regalo
Teodorico	Teut. Tagapamayo kan mga tawo
Teofilo	Gr. Namomotan nion Dios
Tomas	Aram. Kambal
Tobias	Lat. Katakotan an Dios
Tristram	Celt. Mamundong lalawgon

U

NGARAN	KAHULUGAN
Ulrick (Urik)	Teut. Nobleng pamayo

V

NGARAN	KAHULUGAN
Valentino	Lat. Marahay na hawak
Victor	Lat. Konkistador
Vicente	Lat. Nanlupig
Viviano	Lat. Buhay, masigkat

W

NGARAN	KAHULUGAN
Wallace	Dai aram an ginikanan
Walter	Teut. Mapangyaring parapakilaban
Wilfredo	Teut. Pusog na katoninongan
William	Teut. Kopya nin paninindogan

Z

NGARAN	KAHULUGAN
Zakarias	Heb. Pagromdom kan Kagurangnan
Zedekias	Heb. Hustisya nin Kagurangnan