GIVING OF A NEW NAME Part 1

ESCUELA CATEKUMENAL/BEATITUDINAL COMMUNITIES

Camaligan, Camarines Sur

CELEBRATION OF THE WORD

March 6, 1999

Theme: Giving of A New Name

I.       Introduction

II.    Opening Song

III. Greeting and Opening Prayer

IV. Invocation to the Holy Spirit

V.    First Reading: Ex. 32:30-35…………………………………………Virginia

Catechesis on the 1^st reading

Acclamation Song

VI. Second Reading: Is. 65:15-25...……………………………………..Victoria

Catechesis on the 2^nd Reading

Acclamation Song

VII.    Third Reading:  2  P. 1:3-11……………………………………….Dolores

         Catechesis on the 3^rd Reading

         Acclamation Song

VIII. Fourth Reading: Lk. 33-39………………………………………..President

         Homily

IX. Giving of the new name. Each one will come forward to receive a new name from the list previously prepared, then will be anointed on the forehead.

X.    Prayer of the Faithful

         Our Father

XI. Kiss of Peace

         Song

XII.    Closing Prayer and Send-off blessing

         Closing and Agape

GIVING OF A NEW NAME

Introduction

         Ngonian, sarong bago asin mahalagang bagay  an mangyayari sa satong buhay. Sa puntong ini sa panahon nin pag-adal nyato kan Bibliya, sarong lakdang sa pagtalubo nyato sa kaaraman sa Banal na Kasuratan an satong gigibuhon asin tatawan nin kaotoban. Ini iyo an pag-ako nyato nin baging ngaran. Sa satong pag-eskuwela sa pagtubod sa Dios, kaipuhan na tawan niya kita asin man-ako man kita nin bagong mga ngaran bilang saiyang mga estudyante asin bilang mga linalang na boot niyang baguhon asin liwanagan.

         Sa mga ritwal ngonian na banggi, sa laog kan sarong selebrasyon kan Tataramon nin Dios, gigibuhon nyato an pag-ako nin mga bagong ngaran na satong dadarhon asin iaapod sa lambing saro magpoon ngonian. Magkakaigwa kita nin apat na babasahon hale sa Bibliya, mga babasahon na hale duman sa mga sitas na inadalan na nyato kan mga naka-aging semana. Pagkatapus kan mga babasahon asin mga katekesis dapit kan mga babasahon, lalo na pagkatapus kan homiliya, gigibuhon na nayto an seremonya nin pagtao kan mga bagong ngaran. Lambang saro sato aapudon sa saiyang ngaran na sibil, o dating ngaran, tanganing magdigdi sa enotan. Giraray hahaputon siya kan Presidente kun ano an saiyang ngaran na sibil. Danzan hahaputon siya kun ano an bagiong ngaran na boot niyang iapod saiya magpoon ngonian. Masimbag giraray siya kun ano an bagong ngaran na boot niyang darhon magpoon ngonian. Kun mayo siya nin sadiring napiling ngaran, mabunot siya nin sarong ngaran sa mga listahan nin mga ngaran na inandam antes. Danzan, babasahon niya ini nin makusog na madadangog kan gabos. An Presidente, ipapahayag sa gabos an bagong ngaran na dadarahon kan lambang saro magpoon ngonian. Pagkatapus na an gabosmagkaigwa nin bagong ngaran, giraray saro-saro matindog asin madulok sa lamesa na nabubugtakan kan sarong bukas na libro sa Biblia asin isusurat an saiyang bagong ngaran sa sarong papel na inandam bilang sarong listan kan mga ngaran kan mga miembro. Pagkatapus na an gabos makalista kan bagong ngaran sa Libro nin Buhay na iyo an libro kan Tataramon nin Dios, mapadagos an selebrasyon sa paagi kan Pamibi nin Bawaan para sa mga bagiong nagresibi nin mga ngaran. Sinda ipapamibi kan gabos tanganing magdanay na totoo asin maninigo sa kahulugan kan ngaran na saindang napili. An Pamibi nin Banwaan tatapuson kan ’Ama niamo.”  Isusunod an pagtao kan hadok nin Katoninongan sa lambang saro, tanda kan pag-ako sainda bilang mga bagong callón sa grupo kan mga estudiante sa Bibliya. Tatapuson an Selebrasyon sa Pantapus na Pamibi asin bendisyon kan President. Kun inandam an kadikit na pagkakan para sa oksyon na ini, ini gigibuhon tulos pagkatapus kan huring awit nin pasasalamat antes magpuruli.

Matindog na an gabos  para sa Awit sa Pagpoon.

Awit sa Pagpoon:

Patara-tara asin Pamibi sa Pagpoon bilang paghagad kan pababa kan Banal na Espiritu sa mga estudyanteng ma-ako nin baging ngaran.

IMBOKASYON SA BANAL NA ESPIRITU

Enot na Babasahon: Ex. 32:30-35

Katekesis para sa enot na babasahon:

Sa binasang teksto dapit sa Pamibi ni Moisés sa Dios para sa nagkasalang banwaan, marereparo nyato na igwa digdi nin tolong  partido na imbuewelto. An enot iyo an banwaan na nagkasala huli sa paggibo kan bulawan na baka na saindang sinamba siring duman sa mga tawong taga-Egipto asin mga pagtaraid na banwaan. An mga ini parasamba nin mga idolong gibo sa kamot nin mga tawo. Iyo ini an nadarang gawe-gawe kan mga Israelita magpoon na maghale sinda sa Egipto, o an relihiyon na nagimatan ninda. Huli kan gibo nindang ini, nahihiling nin Dios na magigin ulang in isa bagong pagkabuhay na boot itukdo nin Dios sa paagi kan eskuwelahan nin pagtubod duman sa disyerto. Boot nin Dios na darahon sinda sa disyerto tanganing duman bukason an saindang mga talinga sa pagdangog kan saiynag mga tataramon nin mga pagboot asin regulasyon para sa sarong banal na buhay na boot niyang itao sainda. Kun sinda padagos na magibo kan saindang dating relihiyon na saindang nagimatan duman sa dagang saindang hinalean asin padagos na magsaramba sa sarong idolo o rebulto na hihiling nin mga mata, dai ninda tolos pag-iinityendihon an mga tataramon na ipagboboot nin Dios sa paagi ni Moisés. Kaya, ining ginigibo nindang paggibo nin sarong bulawan na baka sarong kasalan na minimidbid sa atubang nin Dios.

         An ikaduwang partido iyo si Moisés, an lider kan banwaan pagkuwas sa Egipto. Kan mangyari an pagsaramba kan banwaan sa idolong bakang bulawan na sarong kasalan sa Dios, si Moisés nakimaherak sa Dios na sinda patawadon. Nagsabi siya sa banwaan, “Ngonian nagkaginibo kamo nin sarong makuring pagkakasala. Alagad ngonian masakat ako duman ki Yahweh tanganing gumibo nin sarong pagtubos para sa saindong kasalan.” Kaya, nagbalik si Moisés duman ki Yahweh. Asin siya nagsabi, “ako namumundo  huli ta nakaginibo nin sarong makuring pagkakasala an mga tawong ini huli kan pagibo ninda para sa saindang sadiri nin sarong dios na bulawan. Alagad kun papagkaniguon mo na patawadon sinda sa saindang mga kasalan; alagad, ta kun dai man ako paraon mo na sinda sa libro na saimong isinurat.” An boot sabino kan mga tataramon na ini ni Moises  iyo na hinahagad niya na lingawan na nin Dios si Moisés asin isikwal na niya siya bilang lider na poon kan mga tawong ini n nagkasala. Boot ni Moisés na ibalik sa Dios an saiyang pagkalider asin pakapamayo kan banwaan na ini na nagsumbikal. Masakripisyo siya akan saiyang katongdan sa banwaan tanganing sana na ipadagos nin Dios an saiyang pag-ataman asin pagsurog sa mga tawo. An pagpili nin Dios ki Moisés bilang Tamayo o para sa katongdan na lider kan banwaan nanganaghulugan man na an saiyag ngaran isinurat na nin Dios sa saiyang libro nin mga tawong pinili niyang maglingkod saiya sagkod pa man. Kun siring, makakalaom kita na an gabos na inaandam ni n Dios para magkaigwa nin dakulang  katongdan saiya makakasabi na an saiyang ngaran nasa listan sa libro nin Dios. Asin na-adalan nytao na an librong ini nin buhay iyo an puso nin Dios, an saiyang pakultad nin pagromdom o memorya. Sinasabi nyato na ini sarong libro nin huli ta habo nyatong direktang sabihon na may puso man an Dios. Kaya, kita man kun boot nyato na an satong ngaran makalista sa librong iyan, dapat na maghanda ki ta kan satong sadiri na mag-ako nin katongdan sa Dios.

         An ikatolong partido iyo an Dios. Sa pagtaram ni MOises na handa niyang tlikdan an saiyang katongdan bilang lider kan banwaan huli ta ini nagkasala saiya, kaya boot niya na ipapara an saiyang ngaran sa libro nin Dios, an Dios nagsabi saiya na, “An tawo na nagkasala sako iyo an sakong paparaon hale sa sakong libro. Ngonian, maglakaw ka na, pamayohi an mga tawo sa paglakaw pasiring sa lugar na isinasabi ko saimo. Mapangenotan an sakong anghel saindo alagad sa aldaw nin sakong pagbisita, kakasitguhon ko sinda huli kan saindang mga kasalan.” Sa kapahayagan na ini nin Dios, malinaw na sinabi niya ki Moises na an saiyang pagpili saiya bilang lider kan banwaan asin ining saiyang katongdan dai mapapara sagkod na nailista an saiyang ngaran sa libro nin Dios. Kitang nag-aadal ngonian kan mga tataramon nin Dios na tibaad arugon nyato si Moises na nagsibog sa saiyang katongdan alang-alang sa banwaan na parakasala. Malinaw an tataramon nin Dios na an saiyang pgpili ki Moises bilang lider dai na mapapara mantang an saiyang ngaran  nakalista sa libro nin Dios. An tawong nagkasala an saiyang paparaon sa libro, na kakastiguhon niya sa aldaw nin saynag pagbisita. Ining mga tawong ini na nakagibo nin makuring pagkakasala sa Dios sa paagi nin pag-gibo nin bulawan na Dios an saiyang paparaon an ngaran sa libro nin buhay, na iyo an puso nin Dios na may pag-ataman asin pagbantay sa mga tawong saiyang namomotan. 

Awit nin Aklamasyon:

Ikaduwang Babasahon: Is. 65:15-25

Katekesis para sa Ikaduwang Babasahon:

               Kun duman sa enot na babasahon, dai itinugot nin Dios an pagpara kan ngaran sa saiyang libro, digdi sa Ika-duwnag Babasahon nadangog nyato an isinabi ni Profeta Isaias an dapit sa pagtao nin bagong ngaran sa saiyang mga surugoon, sarong daing tapus na ngaran na dai naggad mapapara (Is. 56:5), na maismong an nguso nin Dios iyo an nagtao (Is. 62:2). Isinasabi muna ni Profeta Isaias na “an sakong mga oinili gagamiton an ngaran na saidang iwawalat bilang sarong sumpa: pakulon logod kamo ni Yahweng Kagurangnan nin kagadanan.” An ngaran nindiong dati na saindong iwawalat sa pagdara nin sumpa sa mga tawong natatada pa sa kinaban na habiong magbalik sa Dios. Non huli ta an mga dati nindong ngaran sarong poatotoo sa kinaban na posibleng baguhon nin Dios an kinaban na nagkasala tanganing magin sa Dios giraray. Asin para duman sa mga tawong dayupot na gayo sa kinaban nin kasalan asin hbaong magtalikood sa buhay na materyal, an ngaran na hinuba nindo sarong dakulang kapahayagan na an Dios padagos na minapili nin mga tawo na saiyang iliniligtas asin tinutubos sa makasalan, malalapaon asin magagadanon na kinaban na ini. Dangan idtong mga bagong pinili niya, tatawan niya nin baging ngaran, ngaran itatao sainda nin Dios. An siisay man na mahagad nin bendisyon disgi sa daga bebendisyonan nin Dios nin katotoohan, asin an siisay man na minasumpa digdi sa daga manunumpa sa Dios nin katotoohan, huli ta an mga nakaaging kapurisawan tataguon sa saiyang mga mata. Kun an Dios iyo giraray an manganagtaman sa Dios asin mimidbidon nin tawo bilang magurang, an gabos na mangyayari sa tawo mangyayari sa katugotan nin Dios sa langit, asin hulisa pagtao nin Dios sa tawo nin sarong bagong ngaran boot niyang tawan nin bagong pagkabuhay an tawong iyan, o nin sarong baging pagkamundag-liwat siring na tinatawan nin sarong natural na magurang sa daga nin bagong ngaran an sarong bagong mundag na aki (na iyo an nagigin ngaran na sibil kana king iyan). Kaya an mga tawong bagong magpa-ampon sa Dios asin nagpoon na mag-adal kan saiyang dalan nin kabanalan, nangangaipo na tawan man nin Dios nin bagong ngaran. An gaweng ini nagpapahayag kan pagpalingaw nin Dios asin pagpara sa saiyang mga mata kan gabos na nakaaging kasakitan asin kapurisawan sa buahy kan tawong pinili pa sanan nin Dios. Dangan, an bagong ngaran minapahayag man na an Dios naglalalang nin bagong langit asin sarong bagong daga, asin an nakaagi sa buhay nin tawo dai na maroromdoman pa sa isip nin mga tawo. Kaya, hinahagad kan Profeta na mag-rogma an gabos huli sa gibong ini kan Dios na an saiyang kapangyarihan nin paglalang nagpaapdagos pa sagkkod ngonian. Dangan, an gabos na kamundoan sa daga matatapus, asin an gabos na bagay sa daga mababago. An magadan sa edad na sanggatos magagadan na hioben pa, asin an magadan na dai makaabot sa sanggatos masasabing isinumpa. An baging ngaran na nagpapahayag nin bagong pagkamundag iyo an may kapangyarihan na magtao sa siisay mman na tawo na makapagbago nin saiyang pagkatawo asin magpon giraray na mabuhay na sosog sa Dios. Danzan mapoon sindang mabuhay giraray, n magtugdok sin mag-erok sa mga harong sin magtaranom nin mga ubasan huli ta an banwaan nin Dios halawig na mabubuhay siring sa kakahoyan asin an mga pinili nin Dios dai na magluluma sa gibo kan saindang mga kamot. Dai na masasayang an saindnag trabaho asin dai na magkakararaot pa an saindang mga aki, huli ta sinda magigin rasang benedisyonan nin Dios kaiba kan saindang mga kaakian. Dai pa sinda minaapod sa Dios nagsimbag na siya, asin dai pa sinda natatapus nin poagtaram nadangog na niya an gabos nindang sasabihon. Maagsasabay na magsasabsab an ogbon  na karnero asin an mabangis na lobo, masabsab nin dagami an leon siring sa toro, asin an alpog iyo an magigin kakanon kan serpiente. An sabi ni Yahweh, “Dai sinda magino nin pagkulog sa kapwa digdi sa sakong banal na bukid.” Kun ini an panuga nin Dios karibay kan saindong lumang ngaran, dai daw nindo ini gigibuhon asin papangyaihon sa saindong buhay? Ngonian na Bangui na ini mangyayari, asin dai na mahahaloy pa. Dai na kita magduwa-duwa pa asin maghapot kun paano an gabos na ini mangyayari nin huli ta papangyarihon na ini ngionian nin Dios huli kan pagbago kan satong ngaan, o an pagtao sato nin bagong nagran.

AWIT NIN AKLAMASYON:

IKATOLONG BABASAHON:  P. 1:3-11.

Katekesis sa Ikatolong Babasahon:

               Pinunan kan Aprostol Pedro an saiynag tataramon sa pagi nin pagpahayag nin pagseguro kan satong isip asin pusong nagdududa asin naghahapot kun tao ta kaipuhan pang mangyari na tawan kita nin bagong ngaran. NIn huli ta tood na kita kan satong dating pagkabuhay sa kinaban asin dai na kaipuhan na magbago pa, kaya nag-aalang-alag an satuyang puso namag-ako ni bagong ngaran na hale sa Dios.

               Sabi kan Apostol Pedro na, huli sa kapangyarihan na diosnon, itinao na sato an gabos na kaipuhan ta sa buhay asi para sa totoong pagdebosyon o pagrelihiyon. Kun siring, dai na kapiuhan na magdagdag pa asin  magbago sa dating paagi nin buhay. Alagad sinabi man niya na inaapod kita sa pagkamidbod na marhay sa Dios sa paagi kan saiyang kamurawayan asin karahayan. Boot nin Dios na dai na kita makamati nin kalapaan o pagkaraot, nin huli ta gabos na bagay an may raot o nakontaminar nin kaatian kaipuhan na sanglean asin iapon na siring sa bagay n mayo nang pakinabang. Alagad sinabi man kan Apostol na huli ta pagtao niya sato kan regalong ini na iyo an bagong nagran, tinatawan iya kita nin garanatiya kan sarong bagay na dakulaon na marhay asin magayunon sa maabot. Sa paagi kaini, mahiras kamo sa diosnon na naturalesa asin makakadulag sa pagkalapa o korupsyon sa sarong kinaban na lubog sa mga bisyo. Tanagning mangyari ini, kaipuhan na magpakarhay kan satong mga sadiri, sa pagdagdag nin karahayan sa sainding pagtubod, pagdagdag nin pagkasabot sa saindong karahayan, pagdagdag nin pagkontrol sa sadiri sa saindong pagkasabot, pagkamatinios sa saindong pagkontrol sa sadiri, totoong debosyon sa saindong pagkamatinios, karahayan sa kaowa tawo sa saindong debosyon asin sa karahayan o kabootan na ini, idagdag an pagkamoot. An gabos na ini mangyayari kun magkakigwa kita nin pagbakli asin pagbago sa sadiri sa paagi nin pag-ako nin sarong bagong ngaran. Sa pagkaigwa nin dakul na mga bagay na ini, kita magigin epektibo asin mabinunga huli ta dadarhon kita kaini sa totoong pagkamidbid ki Jesukristong Kagurangnan. Kun dai, an tawo magdadanay na buta o halipot an papanaw sa buhay asin malilingaw kun paano an saiyang mga nakaaraging kasalan hinugasan. Sa pagtao sato nin bagong ngaran, ngonian inaapod kita asin pinili. Kun siring, magmahigos kitang magtarabaho tanganing patotoohan  an bagong pag-apod na iyan. Kun papangyarihon niyato in isa satong buhay, mayong peligro na kita mahulog giraray. Sa paaging ini, itutugot na maako kita sa daing katapousan na kahadean kan satong Kaguranganan asin Paratubos na si Jesucristo. Siya an satong hinahalat na madatong bilang príncipe kan bagong kahadean.

AWIT NIN AKLAMASYON:

IKAAPAT NA BASAHON: Lukas 5:33-39

Homilía kan Presidente.

PAGTAO KAN BAGONG NGARAN

            Lambang saro madulok sa Presidente asin masimbag siya sa mga hapot:

Presidente: Ano an saimong datingngaran?

Kandidato: ___________

Presidente:  Ano an bagong ngaran na saimong napili?

Kandidato: ___________

Kun mayo siyang napiling bagong ngaran, mabonot siya nin sarong bagong ngaran na yaon sa listahan nin mga kristyanong ngaran na inamdan. Dangan pagkabonot, ipapahayag niya sa katiripunan kun ano an bagong ngaran na saiyang nabonot. Dangan sasabihan siya kan Presidente:

Presidente: Magpoon ngonian an saimong baging ngaran iyo an …

Pagkatapus, lalahidan siya sa angg kan lanang panglahid, tanda kan pagsurat kan bagong ngaran sa saiyang isip. Kun mapatapus na an gabos na kandidato na mag-ako nin bagong ngaran asin malahidan sa angog, saro-saro sindang madulok sa lamesang namumugtakan kan Bibliya asin isusurat an saiyang bagong ngaran sa pahina kan BIblia. Pagkatapus kaini, isusunod na an Pamibi kan Banwaan.

PAMIBI KAN BANWAAN

AMA NIAMO

Hadok nin Katoninongan. (Evenu Shalom).

HURING PAMIBI ASIN BENDISYON KAN PRESIDENTE

HURING AWIT ASIN AGAPE