KAGADANAN - PSB 18

Pag-adal sa Bibliya Bilang 18

Tema: An kagadanan (Death)

Petsa: 16 Mayo 1998

Saen makukua sa Bibliya an mga teksto dapit sa kagadanan nin tawo? Mapoon kita  sa Sir: 41:1-7, 9-10 na nagsasabi: “O Kagadanan, gurano kapait na maromdoman ka para sa sarong tawo na matoninong sa tahaw kan saiyang mga kayamanan…O kagadanan, an saimong sentensya hinahalat nin sarong tawong nagtitios, na an kusog nagluluya…Hare matakot sa sentensya nin kagadanan, romdoma idtong mga nagkaerenot saimo asin idtong maarabot pang sunod saimo.” Ining tekstong ini minatukdo sato sa ibang teksto sa Bibliya:

Job 14:1-2+ - Tawo^a, pinangaki sa babae, may halipot na buhay alagad pano nin kapaitan.  Siring sa burak minabuskad siya, asin naluluyos; marikas na anino, minalipas….(v. 10). Alagad an tawo? Nagagadan siya, asin nagdadanay siyang buhay; minahangos an tawo kan saiyang ultimo, dangan haen na siya? (v. 12). Alagad an tawo, mantang yaon n asa saiyang pinapahingaloan na lugar, dai na naggad mabangon pa.

Job 1:21 – Huba akong luminuwas sa tulak nin sakong ina, huba akong mabalik^k.

Gn. 3:19, 6:3 – Magkakakan kan in tinapay na may ganot sa angog, sagkod na magbalik ka sa daga, siring na diyan ka hale. Huli ta ika alpog, asin sa alpog ka mapuli (Hilnga Gn. 2:7, Job 34:14-15, Sal. 90:3, 104:29, Qo. 3:20; 12:7, Kad. 15:8, Sir. 16:30, 2 Th. 3:12).

Nagsabi si Yahweh, ‘Dai dapat sagkod pa man an sakong espíritu madisgrasya sa tawo, huli ta siya laman sana; malawig an buhay niya sagkod sana sa siyento-beinteng taon^b.

Qo. 6:6 – Maski pa mabuhay an sarong tawo nin duwa kadobleng riinibong taon, na dai minaganar nin ganansya sa saiyang pagrorogaring, bako daw na pareho sindang napapaduman sa parehong lugar?

Qo. 9:10 – Anuman na trabaho an saiyang pinaplanong gibuhon, gibuha iyan mantang puwede pang magibo, nin huli ta mayo nang mahahaman, ni plano, ni kaaraman, ni kadonongan sa Sheol na kun saen ka maduman (Sir. 14:16; 41:4).

Sir. 40:11 – Gabos na hale sa daga mabalik sa daga, anuman na hale sa tubig mabalik sa dagat^g.

Qo. 12:7 – O antes an alpog magbalik sa daga siring na diyan siya hale, dangan an hinangos sa Dios na iyo an nagtao kaiyan^e.

Gn. 2:7 – Pinorma ni Yahweh Dios an tawo sa alpog nin daga^c. Dangan hinangosan niya an saiyang dungo kan hinangos nin buhay, kaya an tawo nagin buhay na linalang.

Job 34:14-15 – Aapodon niya daw liwat an saiyang hinangos, na maibalik an saiyang hinangos pasiring saiya^e, gabos na bagay na laman sabay-sabay magagadan, asin an tawo mabalik sa alpog.

Salmo 90:3 – Puwede mong mapabalik an tawo sa alpog sa pagsabi, ‘Balik siring sa dati, kamong mga aki nin tawo!’

Salmo 104:29-30 – Ihinarayo mo an saimong lalawgon, sinda nagsakit, inuntok mo an saindang hinangos, nagadan sinda asin minabalik sa alpog. Tinatao mo an hinangos, bagong buhay minapoon.

Qo. 3:20 – Sindnag duwa minaduman sa parehong lugar; sindang duwa hale sa alpog asin sa alpog mapuli sindang duwa. Siisay an nakaka-aram kuna n espíritu nin tawo minasakat paitaas o an espíritu kan hayop minapasiring sa irarom kan daga?^d

Sir. 16:30 – Pinorma nin Kagurangnan an tawo hale sa daga^a tanganing pabalikon siya diyan giraray.

Rm. 6:23 – Huli ta an tandan na ibinayad sa kasalan iyo an kagadanan; an regalong itinao ni Dios iyo an buhay na daing katapusan ki Kristo Jesus na satong Kagurangnan.

Rm. 5:12 – Marhay kun siringa n kasalan naglaog sa kinaban sa paagi nin sarong tawo, asin sa paagi nin kasalan an kagadananⁱ, asin kun kaya an kagadanan naglakop sa enterong katawohan huli ta an lambang saro nagkasala^j. Hilnga Gn. 3:1+, Kad. 2:24, Sir. 25:24, 1 Co. 15:21-22.

Rm. 6:13 – Kun kaya dai nindo dapat pagtugotan na an kasalan maghade sa saindong magagadanon na hawak^g o magboot nin pagkuyog an mga hurot sa hawak, kun tano ta dai dapat nindong pagtugutan an arin man na parte kan saindong hawak na magin maating armas na nakikipaglaban na kampi sa kasalan; kundi dapat na idolot nindo an saindong sadiri sa Dios, asinisipon nindo an sadiri bilang mga tawong gadan na binangon liwat sa buhay; dapat gibuhon nindong an lambang parte kan saindong hawak na magin armas na makikipaglaban na kampi sa Dios.

Heb. 2:14-15 – Nin huli ta an gabos na kaakian minahiras nin parehong dugo asin laman, siring man siya parehong nakihiras, tanganing huli kan saiyang pagkagadan mahale niya an gabos na kapangyarihan kan diyablo^h, na may kapangyarihan sa ibabaw nin kagadanan, asin palibrehon idto gabos n asa entero nindang pagkabuhay nagin oripon kan pagkatakot sa kagadanan.

Col. 2:11 – an enterong pagbaklas kan saindong hawak na laman…v. 20: na garong nabubuhay pa kamo sa kinaban na ini.

Sir. 38:16-23 – An pagloto.

Sir. 42:24-25 – An gabos na bagay hinaman na may kapadis, na may ibong na kahampang, asin mayo siyang ginibong may kakundian^p, an saro minatakop sa ikakarahay kan saro, siisay an mapabasog sa pagmasid kan saiyang kamurawayan?

Qo. 3:1-11 – An gabos na bagay may panahon na para saiya.

Sir. 33:10, 14-15 – An gabos na tawo hale sa daga, mismong si Adan pinorma hale sa daga; kahampang kan karatan yaon an karayahan, kahampang kan kagadanan, buhya; kahampang kan tawong banal iyo an parakasala; siring man, kahampang kan liwanag yaon an diklom.

Sir. 39:25 – Sa kapinunan an mg amarhay na bagay linalang para sa tawong marhay, siring na an karatan^k para sa parakasala.

Sir. 40:2 – An nakakapano sainda nin kapungawan asin an saindang mga puso nin pagkatakot iyo an pagkatakot sa aldaw nin kagadanan.

DOKTRINA (Bilang 18)

An Kagadanan

Dai ka matakot sa kagadanan. An kagdanan, sosog sa katukdoan kan bibliya, dai dapat na katakotan kundi akoon na maluwag sa boot. Sa Sir. 41:1-7 nagsasabing ‘an natatakot iyo idtong mga mayayaman na dakul an pagrorogaring na mawawalat, alagad idtong mga tios asin pinangluluya, lalo na idtong igwa nin darakulang pagkakautang sa ibang tawo,  iyo an minakugos asin hinihidaw an gayo an kagadanan”; kaya hare matakot sa sentensya nin kagadanan. Siring man sa Sir. 40:2 asin Heb. 2:14-15, an tawo sinasabing inooripon nin pagkatakot sa kagadanan sa haloy nang panahon, kun kaya siya nagpapadagos nin pagkakasala (Rom. 5:12-21).

Tano ta dapat dai kita matakot  sa kagadanan? Matural sana kitang magagadan, nin huli ta kita alpog, na gikan sa daga (Gn. 3:19, 2:7, Job 34:14-15, Qo. 12:7, Sir. 40:11, Sal. 90:3, 104:29-30); an satong hawak na laman magagadan, malalapa (1 Co. 15:42-49), asin mabalik sa daga. Alagad, igwa pa kita nin sarong hawak, an hawak nin liwanag (Kad. 3:7, Dan. 12:3, Heb. 1:3, Col. 1:12), na mabanaag pagkatapus na kita hubaan kan satong hawak na laman (Col. 2:11) asin babangunon tanganing makabalik giraray sa paraíso. Dapat talagang magubingan kita nin bagong gubiong na mamurawayon (2 Co. 5:1-10) asin an gubong na malalapa matahoban kan gubing na maliwanagon (2 Co. 5:4), nin huli ta an gabois na hale sa daga dapat na magbalik sa daga, asin anuman na hale sa tubog magbalik sa dagat (Sir. 40:11). An kagadanan iyo an paghuba kaining hawak na malalapa asin an pagbado kaining hawak na mamurwayaon. Kun siring, an katapusan kan satong materialisasyon asin an kapinunan kan satongespirituwalisasyon.

An buhay asin kagadanan sarong daing patod na “cycle” sa ebolusyon o perpeksyon nin tawo. An espirituwalisasyon asin materialisasyon ni tawo padagos na nagiikot sagkod na makamtan an perpeksyon o an pinakapuring liwanag. Aktuwalmente, an espirituwal asin physical, o materyal, saro man sanang spectrum nin liwanag; an espirituwal mas puro o dalisay o pino an vibration kisa materyal o pisikal. Siring in isa sinabi sa Sir. 42:24-25, 33:14-15; an gabos na bagay may kahampang o kapadis: an kahampang kan buhay iyo an kagadanan.