Transfigurasyon - Ika-2ng Domingo kan Kuwaresma

Homiliya para sa Ika-Duwang na Domingo kan Kuwaresma

Base sa Lk. 9:28-36

Seryeng hale sa “Mga Paghorop-horop asin Katukdoan kan Disyerto”

TRANSFIGURASYON

1. Kahulugan kan Tataramon

                An  tataramon na ‘’transfigurasyon’’ naghale sa duwang tatara-mon latin na ‘’trans’’, na boot sabihon iyo an ‘’pasiring sa  arong parte, pagdakit o pagbalyo’’, asin an ‘’figuro’’,na an boot sabihon iyo an ‘’forma, itsura, apekto’’.

Kun siring, an bilog na kahulugan kan ‘’transfigurasyon‘’ iyo an kapareho kan ‘’transformasyon’’, ‘’transmutasyon na nangangahulugan nin sarong prosesong minahale sa sarong dating forma, pasiring sa sarong bagong porma, o, sa simpleng pagtaram, iyo an pagbabago nin porma, o aspekto nin sarong bagay o persona.

An mga tataramon na “transfigurasyon” asin “transformasyon” igwa man nin sarong kaparehong tataramon sa lenguwaheng Griyego na iyo an “metamorphosis”, na may kahulugan na “pagbabago nin porma (meta + morphos).

Mahalagang masabotan nyato na an mga tataramon na ini, an transfigurasyon, transformasyon, asin metamorphosis, gabos nagtataram ninpgabbago, alagad an pagbabagong ini nangyayari sa porma sustansyal asin bakong sa materya prima kan sarong bagay o tawo.  Sa proseso nin pagbabago (transpormasyon, transformasyon o metamorphosis), an duwang elementong ini na minabilog kan komposisyon nin sarong bagay, an materya prima asin an porma sustansyal, an puwedeng magbago.An pagbabago sa materya prima minaresulta sa disintegrasyon o kagadanan kan sarong bagay, asin an pagbuwelta kaini sa mga natural na elementong nagbibilog kaini. Alagad, an pagbabago sa porma sustanyal, lalo na sa mga aksidental sa bagay, posiblr an pagbabago.

Halimbawa kaini iyo an tubig, na an material prima iyo an duwang element kan Hydrogena asin sarong element kan Oxegena, asin an porma sustansyal puwedeng likdo. Solido o gaas. An mga aksidental na porma kam tUbig pwedeng mahiling sa kolor, itsura, namit, parong, sukol, dakil, asin iba pa. Kaya, an gabos na hawak na pisikal pwedeng magbago sa porma sustansyal, alagad dais a materya prima apuwera san kun an pagbabago sarong subtansyal na nagbabago kun saen an material prima asin an porama susutansyal nagkakasuruway.

Bakong arog sa pagbabago subtansyal an transfigurasyon, o transpormasyon, o metamorphosis, kundi an mga ini sarong pagbabago sa porma itsura, aspeto,  o karakter.

An estoeya dapit kan transpigurasyon ni Jesucristo marong malinaw na pagpapahiling asin pagpatotoo kan paniniwala kan mga kristyano dapit sa moral asin pisikal na transporamasyon nin sarong tawo. Maski ngani an transpigurasyon nagyayari sa pangluwas sanang itsura, alagad ini igwa hararrom na reyalidad nahinalean, na iyo an interior na transpormasyon, o sarong pagbabago sa paniniwala, karakter asin pagtubod nin sarong tayo, An moral na transpikasyon ito an tunay na dahelan kan pagbabago sa epecto, itsura, o proma nin sarong tawo.